Biker Movie: దిల్ రాజు చేతికి శర్వానంద్ ‘బైకర్ ‘ తెలుగు రాష్ట్రాల రిలీజ్ హక్కులు..

Biker Movie: టాలీవుడ్ హీరో శర్వానంద్ ఇటీవల బ్యాక్ టు బ్యాక్ సినిమాల ద్వారా ప్రేక్షకుల ముందుకు వస్తున్నారు. 2026 సంక్రాంతి పండుగ సందర్భంగా శర్వానంద్ (Sharwanand )హీరోగా నటించిన నారీ నారీ నడుమ మురారి సినిమా ప్రేక్షకుల ముందుకు వచ్చిన సంగతి తెలిసిందే . ఈ సినిమా ఎంతో అద్భుతమైన విజయాన్ని అందుకోవడంతో తదుపరి సినిమాలపై కూడా భారీగా అంచనాలు పెరిగిపోయాయి. ఇక శర్వానంద్ తన తదుపరి సినిమా పనులలో ఎంతో బిజీగా ఉన్నారు ప్రస్తుతం ఈయన శ్రీను వైట్ల దర్శకత్వంలో ఓ సినిమా షూటింగ్ పనులలో బిజీగా ఉన్న సంగతి తెలిసిందే.

దిల్ రాజుకే బైక థియేట్రికల్ రైట్స్ ..

ఇక శర్వానంద్ హీరోగా నటించిన బైకర్(Biker) సినిమా త్వరలోనే ప్రేక్షకుల ముందుకు రాబోతుంది. ఈ సినిమా ఏప్రిల్ మూడో తేదీ విడుదల కాబోతున్న నేపథ్యంలో ఇప్పటికే ఈ సినిమాకు సంబంధించి ప్రీ రిలీజ్ బిజినెస్ కూడా జరుగుతోందని సమాచారం అయితే తాజాగా ప్రముఖ నిర్మాత దిల్ రాజు (Dil Raju) బైకర్ సినిమా చూశారని తెలుస్తోంది. ఈ సినిమా చూసి ఇంప్రెస్ అయిన దిల్ రాజు ఈ సినిమా రెండు తెలుగు రాష్ట్రాల రిలీజ్ హక్కులను కైవసం చేసుకున్నారని తెలుస్తోంది. అయితే ఈ సినిమా భారీ ధరలకే దిల్ రాజు దక్కించుకున్నట్టు ఇండస్ట్రీ సమాచారం. ఇక ఇటీవల శర్వానంద్ నటించిన నారీ నారీ నడుమ మురారి రెండు తెలుగు రాష్ట్రాల రిలీజ్ హక్కులను కూడా దిల్ రాజు సొంతం చేసుకున్నారు. ఈ సినిమా ద్వారా దిల్ రాజుకు భారీగా లాభాలు వచ్చాయని చెప్పాలి.

బైక్ రేసర్ గా శర్వానంద్..

ఇలా ఈ సినిమాతో మంచి లాభాలను అందుకున్న దిల్ రాజు శర్వానంద్ తదుపరి సినిమా బైకర్ రిలీజ్ హక్కులను కూడా కైవసం చేసుకున్నారు. ఇక బైకర్ సినిమా విషయానికి వస్తే ఈ సినిమా స్పోర్ట్స్ బ్యాక్ డ్రాప్లో ప్రేక్షకుల ముందుకు రాబోతుందని తెలుస్తోంది. ఈ సినిమాకు అభిలాష్ రెడ్డి కంకర దర్శకత్వం వహిస్తున్నారు. ఈ సినిమాలో శర్వానంద్ జోడిగా మాళవిక నాయర్ హీరోయిన్ గా కనిపించబోతున్నారు ఇక శర్వానంద్ ఈ సినిమాలో బైక్ రేసర్ గా కనిపించబోతున్నారు. ఇక ఈ సినిమాలో మరొక స్టార్ హీరో కూడా నటిస్తున్న సంగతి తెలిసిందే. సీనియర్ నటుడు రాజు శేఖర్ (Rajasekhar)సునీల్ అనే పాత్రలో కనిపించబోతున్నారు.

శర్వానంద్ తండ్రి పాత్రలో రాజశేఖర్..

రాజశేఖర్ శర్వానంద్ కు తండ్రి పాత్రలో కనిపించబోతున్నట్టు సమాచారం. ఇప్పటికే ఈ సినిమా నుంచి పలు అప్డేట్స్ విడుదల చేయగా సినిమా పట్ల మంచి అంచనాలను పెంచేశాయి. ఇప్పటివరకు టాలీవుడ్ ఇండస్ట్రీలో ఇలా రేసింగ్ నేపథ్యంలో సినిమాలు తక్కువగానే వచ్చాయని చెప్పాలి. మరి విభిన్నమైన కథతో ప్రేక్షకుల ముందుకు రాబోతున్న శర్వానంద్ ఈ సినిమా ద్వారా ఎలాంటి సక్సెస్ అందుకుంటారు అనేది తెలియాల్సి ఉంది. ఇక ఈ సినిమా యువి క్రియేషన్ బ్యానర్ లో ప్రేక్షకుల ముందుకు రాబోతున్న సంగతి తెలిసిందే.

Also Read: Peddi Movie: మెగాఫాన్స్ కి ఊహించని షాక్.. పెద్ది ఇప్పట్లో లేనట్టే? మళ్లీ వాయిదా..