Thalaivar173: షాకింగ్ ట్విస్ట్.. రజిని సినిమా నుంచి తప్పుకున్న డైరెక్టర్ సుందర్ ..ఏమైందంటే?

Thalaivar 173: ఇటీవల కోలీవుడ్ ఇండస్ట్రీ నుంచి బిగ్ అనౌన్స్మెంట్ వచ్చిన సంగతి తెలిసిందే. గత కొన్ని దశాబ్దాలుగా ఇండస్ట్రీలో స్టార్ హీరోలుగా కొనసాగుతున్న రజనీకాంత్(Rajinikanth) కమల్ హాసన్(Kamal Hassan) కాంబినేషన్లో సినిమా రాబోతోందని గత కొద్దిరోజులుగా వార్తలు వచ్చాయి అయితే ఈ వార్తలు నిజమేనంటూ చిత్రబృందం అధికారకంగా వెల్లడించారు. రజనీకాంత్ తన 173 వ సినిమాగా రాబోతున్న ఈ సినిమాని ప్రముఖ నటుడు కమల్ హాసన్ తన సొంత నిర్మాణ సంస్థలో నిర్మించబోతున్నట్లు అధికారికంగా వెల్లడించారు. ఇక ఈ సినిమాకు సుందర్ సి(Sundar.c) దర్శకుడిగా వ్యవహరించబోతున్నారని తెలియజేశారు.

వ్యక్తిగత విషయాలే కారణమా?

ఇలా తలైవర్ 173 (Thailavar 173)సినిమాని అధికారకంగా ప్రకటించిన నేపథ్యంలో రజనీకాంత్ కమల్ హాసన్ అభిమానులు ఎంతో సంతోషం వ్యక్తం చేశారు. ఈ సినిమా త్వరలోనే రెగ్యులర్ షూటింగ్ పనులను జరుపుకుంటుందని అందరూ భావిస్తున్న నేపథ్యంలో ఊహించని ట్విస్ట్ ఇచ్చారు. ఈ సినిమా నుంచి డైరెక్టర్ సుందర్ తప్పుకున్న నేపథ్యంలో ఈయన అధికారకంగా వెల్లడించారు. ఇలా సినిమా షూటింగ్ మొదలవ్వకుండానే అంతరాయాలు ఏర్పడటంతో అభిమానులు నిరాశ వ్యక్తం చేస్తున్నారు. అయితే సినిమా ప్రకటించిన వారంలోగా డైరెక్టర్ ఈ సినిమా నుంచి తప్పుకోవడానికి గల కారణాలు ఏంటి అనే సందేహాలను వ్యక్తం చేస్తున్నారు. అయితే సుందర్ పూర్తిగా తన వ్యక్తిగత, అనివార్య కారణాల వల్లనే ఈ సినిమా నుంచి తప్పుకుంటున్నట్లు తెలిపారు.

తదుపరి డైరెక్టర్ ఎవరు?

ఇలా సుందర్ చిత్ర బృందానికి ఊహించని షాక్ ఇచ్చారనే చెప్పాలి. ఇక ఈయన ఈ ప్రాజెక్టు నుంచి తప్పుకోవడంతో మరి ఈ బిగ్ ప్రాజెక్ట్ ఎవరు హ్యాండిల్ చేయబోతున్నారు. తదుపరి డైరెక్టర్ ఎవరు అనే విషయాలు తెలియాల్సి ఉంది. నటుడు రజనీకాంత్ ఇటీవల లోకేష్ కనగరాజ్ దర్శకత్వంలో నటించిన కూలీ సినిమా ద్వారా ప్రేక్షకుల ముందుకు వచ్చారు. ఈ సినిమా విడుదలకు ముందు భారీ స్థాయిలో అంచనాలు ఉండేది కానీ విడుదలైన తర్వాత ప్రేక్షకుల అంచనాలను చేరుకోవడంలో పూర్తిగా విఫలమైంది.

SUNDAR C DROPPS OUT FROM #THALAIVAR173 #Thalaivar173 GREAT ESCAPE 👍 pic.twitter.com/RjF5lgpTaH

— Karthik Ravivarma (@Karthikravivarm) November 13, 2025

ఈ సినిమా తర్వాత రజనీకాంత్ కమల్ హాసన్ నిర్మాణంలో మరో ప్రాజెక్టును ప్రకటించారు అయితే ప్రస్తుతం రజనీకాంత్ నెల్సన్ దిలీప్ కుమార్ దర్శకత్వంలో రాబోతున్న జైలర్ 2 సినిమా పనులలో బిజీగా ఉన్నారు. ఈ సినిమా త్వరలోనే షూటింగ్ పూర్తి చేసుకోనుంది. ఇక ఈ సినిమా తర్వాత లోకేష్ కనగరాజ్ తో మరో సినిమాకు రజనీకాంత్ కమిట్ అవుతారంటూ వార్తలు వచ్చాయి కానీ లోకేష్ యాక్షన్ కథను నేరేట్ చేయడంతో అది నచ్చని రజినీకాంత్ కమల్ హాసన్ నిర్మాణంలో సినిమా చేయటానికి గ్రీన్ సిగ్నల్ ఇచ్చారు. అయితే ఈ సినిమా ప్రకటించిన కొద్ది రోజులకే ఎన్నో అడ్డంకులను ఎదుర్కొంటుండడంతో అభిమానులు కాస్త నిరాశ వ్యక్తం చేస్తున్నారు. మరి ఈ సినిమాకు తదుపరి ఎవరు దర్శకత్వం వహించబోతున్నారు అనే విషయాలు తెలియాలి అంటే చిత్ర బృందం స్పందించాల్సి ఉంది.

Also Read: James cameron: గ్లోబ్ ట్రాటర్ .. చీఫ్ గెస్ట్ గా హాలీవుడ్ దిగ్గజ డైరెక్టర్ జేమ్స్ కామెరాన్ ..