Anil – Venkatesh: టాలీవుడ్‌లో సక్సెస్‌ఫుల్ కాంబినేషన్‌గా పేరు తెచ్చుకున్న విక్టరీ వెంకటేష్ (Venkatesh ) , అనిల్ రావిపూడి (Anil Ravipudi) మరోసారి బాక్సాఫీస్‌ను షేక్ చేయడానికి సిద్ధమవుతున్నారు. గతంలో ‘F2’, ‘F3’ చిత్రాలతో నవ్వుల విందు పంచిన వీరిద్దరూ, ఇప్పుడు ఒక సరికొత్త క్రైమ్ థ్రిల్లర్ బ్యాక్‌డ్రాప్‌తో రాబోతున్నారు. అయితే, ఈ సినిమాలో మలయాళ స్టార్ నటుడు ఫహద్ ఫాజిల్ (Fahad fossil)విలన్‌గా నటించబోతున్నారనే వార్త ఇప్పుడు ఫిల్మ్ నగర్‌లో హాట్ టాపిక్‌గా మారింది. ఈ ముగ్గురి కలయిక సినిమాపై అంచనాలను ఒక్కసారిగా ఆకాశానికి చేర్చింది.
దర్శకుడు అనిల్ రావిపూడి అంటేనే హిలేరియస్ ఎంటర్టైన్మెంట్ మరియు కమర్షియల్ ఎలిమెంట్స్ గుర్తుకు వస్తాయి. ఈ సంక్రాంతికి చిరంజీవి , వెంకటేష్ కాంబోలో వచ్చిన మన శంకర వరప్రసాద్‌గారు సూపర్ హిట్ అయింది. కానీ ఈసారి ఆయన వెంకటేష్ కోసం ఒక వైవిధ్యమైన కథను సిద్ధం చేసినట్లు తెలుస్తోంది. ‘పుష్ప’ సినిమాలో భన్వర్ సింగ్ షెకావత్‌గా తనదైన విలనిజంతో మెప్పించిన ఫహద్ ఫాజిల్, ఇప్పుడు అనిల్ మూవీలో ఇంపార్టెంట్ రోల్ చేయబోతుండటం ఆసక్తికరంగా మారింది. ఒకవేళ ఫహద్ విలన్‌గా కనిపిస్తే, అది వెంకటేష్ మార్క్ కామెడీకి మరియు ఫహద్ మార్క్ ఇంటెన్స్ నటనకు మధ్య జరిగే పోరులా ఉండబోతోంది. ఈ స్టార్ విలన్ కాంబినేషన్ ఖచ్చితంగా సినిమా రేంజ్‌ను పెంచుతుందని విశ్లేషకులు భావిస్తున్నారు.
వెంకటేష్ ప్రస్తుతం వరుస ప్రాజెక్టులతో బిజీగా ఉన్నారు. ఆయన గత చిత్రాలు విభిన్నంగా సాగినప్పటికీ, అనిల్ రావిపూడితో చేసే సినిమా అంటే ప్రేక్షకులకు ఒక ప్రత్యేకమైన గురి ఉంటుంది. ఈ చిత్రం వచ్చే ఏడాది సంక్రాంతి బరిలో నిలవబోతున్నట్లు సమాచారం. పండుగ సీజన్ అంటేనే వెంకటేష్ సినిమాలకు పెట్టింది పేరు. కుటుంబ ప్రేక్షకులు, యువత కలిసి చూసేలా అనిల్ ఈ స్క్రిప్ట్‌ను డిజైన్ చేశారట. ముఖ్యంగా వెంకటేష్ టైమింగ్ మరియు ఫహద్ ఫాజిల్ స్క్రీన్ ప్రెజెన్స్ మధ్య వచ్చే సన్నివేశాలు ఈ సినిమాకు ప్రధాన బలంగా నిలవనున్నాయి.
మొత్తానికి, వెంకటేష్ – అనిల్ రావిపూడి కాంబినేషన్ కు ఫహద్ ఫాజిల్ తోడవ్వడం అనేది ఒక భారీ మాస్టర్ ప్లాన్ అని చెప్పవచ్చు. నటనలో దిట్టలైన ఈ ఇద్దరి మధ్య పోరు వెండితెరపై చూడటం ప్రేక్షకులకు ఒక ఐ-ఫీస్ట్ లాంటిదే. అనిల్ రావిపూడి తన గత చిత్రాల కంటే భిన్నంగా ఈ క్రైమ్ డ్రామాను డీల్ చేసి, సంక్రాంతికి మరో బ్లాక్ బస్టర్ హిట్ కొడతారని అభిమానులు ఆశిస్తున్నారు. మరి ఈ స్టార్ విలన్ అడుగు ఎంతవరకు వర్కౌట్ అవుతుందో తెలియాలంటే కొద్ది రోజులు ఆగాల్సిందే!
also read: Prabhas: ప్రభాస్ ఫ్యాన్స్ కోరిక తీర్చేనా?
Share
Tata Nexon Car: టాప్ లేపిన టాటా నెక్సాన్, కొత్త సంవత్సరంలో సరికొత్త రికార్డులు!
Isnapur Municipality: ఇస్నాపూర్లో కౌన్సిలర్ అభ్యర్థి వినూత్న ప్రచారం.. ఇలా కూడా చేస్తారా..!
