Ustaad Bhagat Singh: పవర్ స్టార్ పవన్ కళ్యాణ్ నటిస్తున్న తాజా చిత్రం ఉస్తాద్ భగత్ సింగ్ ఈ ఏడాది అత్యంత ఆసక్తిగా ఎదురుచూస్తున్న తెలుగు సినిమాల్లో ఒకటి. ఈ చిత్రాన్ని ప్రముఖ దర్శకుడు హరీష్ శంకర్ తెరకెక్కిస్తున్నారు. మైత్రి మూవీ మేకర్స్ ఈ సినిమాను నిర్మిస్తున్నారు. తాజాగా ఈ సినిమా విడుదలపై హరీష్ శంకర్ ఒక ముఖ్యమైన అప్డేట్ ఇచ్చారు.
ఈ సినిమా ప్రపంచవ్యాప్తంగా మార్చి 19, 2026న విడుదల కానుంది. మొదట ఈ చిత్రాన్ని మరికొంచెం ఆలస్యంగా విడుదల చేయాలని ప్లాన్ చేశారు. కానీ ఉగాది పండుగ సమయంలో మంచి అవకాశం ఉండటంతో రిలీజ్ డేట్ను ముందుకు తీసుకొచ్చారు. యష్ నటిస్తున్న ‘టాక్సిక్: ఎ ఫెయిరీటేల్ ఫర్ గ్రోన్-అప్స్’ సినిమా వాయిదా పడడంతో ఆ సమయం ఖాళీ అయింది. దీంతో ‘ఉస్తాద్ భగత్ సింగ్’ టీమ్ ఆ తేదీని ఫిక్స్ చేసింది.
అయితే అదే రోజున రణవీర్ సింగ్ నటిస్తున్న ‘ధురంధర్: ది రివెంజ్’ సినిమా కూడా విడుదల అవుతోంది. ఈ రెండు సినిమాలు ఒకే రోజున రావడం వల్ల బాక్సాఫీస్ వద్ద పోటీ ఆసక్తికరంగా మారే అవకాశం ఉంది.
హరీష్ శంకర్ సోషల్ మీడియాలో సినిమా పోస్ట్ పోన్మెంట్ పై మాట్లాడారు. ఆయన మాట్లాడుతూ “మీ అందరి ఉత్సాహం, అప్డేట్స్ కోసం ఎదురుచూపులు నేను చూస్తూనే ఉన్నాను. మీరు ఎదురుచూస్తున్న అన్ని అప్డేట్స్ త్వరలో వస్తాయి. ప్రస్తుతం మా టీమ్ రాత్రింబవళ్లు పనిచేస్తోంది. మార్చి 19న మంచి సినిమా అనుభూతిని మీకు ఇవ్వడానికి ప్రయత్నిస్తున్నాం” అని చెప్పారు.
“ఈసారి ఉగాది తెలుగు సినిమాతో స్టార్ట్ చేద్దాము సార్ అని డిస్టిబ్యూటర్లు అందరూ అడిగారు అందుకే మా సినిమా పోస్ట్ పోన్ అయింది,” అని చెప్పుకొచ్చారు..
ఈ చిత్రానికి సంగీతం కూడా ప్రత్యేక ఆకర్షణగా నిలుస్తోంది. పాటలకు దేవి శ్రీ ప్రసాద్ సంగీతం అందించగా, బ్యాక్గ్రౌండ్ స్కోర్ను ఎస్. థమన్ రూపొందిస్తున్నారు. థమన్ చాలా కష్టపడుతూ అద్భుతమైన బ్యాక్గ్రౌండ్ మ్యూజిక్ ఇవ్వడానికి ప్రయత్నిస్తున్నారని హరీష్ శంకర్ తెలిపారు.
ఇంకా అభిమానుల మద్దతు చాలా అవసరమని ఆయన అన్నారు. “ఈ సమయంలో మీ సపోర్ట్ చాలా ముఖ్యం. మనమందరం కలిసి మార్చి 19న మంచి సినిమాను ఆనందిద్దాం” అని హరీష్ శంకర్ చెప్పారు.
ఈ సినిమాలో పవన్ కళ్యాణ్తో పాటు శ్రీలీల, రాశి ఖన్నా, ఆశుతోష్ రాణా కీలక పాత్రల్లో నటిస్తున్నారు. నిర్మాతలు ముఖ్యంగా తెలుగు ప్రేక్షకులను దృష్టిలో పెట్టుకుని ఈ సినిమాను విడుదల చేయాలని ప్లాన్ చేస్తున్నారు. అలాగే హిందీలో కూడా చిన్న స్థాయిలో విడుదల చేసే ఆలోచన ఉంది.
Share
KA Paul: ఇరాన్ ప్రత్యేక ప్రతినిధి అయతోలాతో కేఏ పాల్ భేటీ.. కాల్పుల విరమణకు పిలుపు
India Oil Imports: భారత్ చమురు దిగుమతులకు అమెరికా అనుమతి.. ప్రతిపక్షాల విమర్శలకు లెక్కలతో చెక్
