Pepsi Sharma :హర్యానా సంగీత ప్రపంచంలో ఎవరూ ఊహించని ఒక భారీ విషాదం చోటుచేసుకుంది. తనదైన ఫోక్ స్టైల్, హై-ఎనర్జీ పర్ఫార్మెన్స్లతో లక్షలాది మంది గుండెల్లో స్థానం సంపాదించుకున్న ప్రముఖ హర్యాన్వీ సింగర్ పెప్సీ శర్మ (38) గుండెపోటుతో హఠాన్మరణం చెందారు. ఎప్పుడూ స్టేజ్ మీద మైక్ పట్టుకుంటే ఊగిపోయే ఒక అద్భుతమైన గొంతు ఇలా ఒక్కసారిగా మూగబోతుందని అభిమానులు కలల్లో కూడా ఊహించలేదు. హర్యానా ఇండస్ట్రీలో ఒక వెలుగు వెలిగిన ఈ స్టార్ సింగర్ మరణవార్త తెలియగానే సోషల్ మీడియా మొత్తం ఒక్కసారిగా షాక్కు గురైంది. అభిమానులతో పాటు తోటి కళాకారులు ఆయన మరణాన్ని జీర్ణించుకోలేకపోతున్నారు.
పెప్సీ శర్మ అంటే కేవలం ఒక సింగర్ మాత్రమే కాదు, స్టేజ్ మీద ఎనర్జీకి కేరాఫ్ అడ్రస్. ముఖ్యంగా హర్యాన్వీ సంచలనం సప్నా చౌదరితో కలిసి ఆయన చేసిన లైవ్ షోలు, వైరల్ కొల్లాబొరేషన్లు రీజినల్ మ్యూజిక్ హిస్టరీలోనే ఒక ట్రెండ్ సెట్టర్ అని చెప్పాలి. సప్నా చౌదరి డ్యాన్స్, పెప్సీ శర్మ వాయిస్ కాంబినేషన్లో వచ్చిన దాదాపు ప్రతి స్టేజ్ పర్ఫార్మెన్స్ యూట్యూబ్లో మిలియన్ల కొద్దీ వ్యూస్ సాధించింది.
also read :నా లైబ్రరీలోనే నెంబర్ 1 సినిమా.. ‘పెద్ది’ విజయంపై రామ్ చరణ్ ఎమోషనల్ కామెంట్స్!
కేవలం 2018 నుండి 2022 మధ్య కాలంలోనే వీరిద్దరి కాంబోలో వచ్చిన పాటలు గ్రామ గ్రామాన మారుమోగిపోయాయి. పల్లెటూరి ఫోక్ ఆర్ట్ను నేటి తరం కుర్రాళ్లకు నచ్చేలా కమర్షియల్ హంగులతో ప్రెజెంట్ చేయడంలో ఆయన రూటే వేరు. ఆయన పాడిన పాటలు వింటే కాళ్లు ఆటోమేటిక్గా డ్యాన్స్ స్టెప్పులు వేయాల్సిందే. అలాంటి క్రేజ్ సంపాదించుకున్న ఈ 38 ఏళ్ల యువ గాయకుడు ఇంత చిన్న వయసులోనే గుండెపోటుతో కన్నుమూయడం అందరినీ కలిచివేస్తోంది.
दुखद खबर: हरियाणवी कलाकार पेप्सी शर्मा का निधन हो गया। सीने में दर्द के बाद उन्होंने अंतिम सांस ली।
UP और हरियाणा की रागनी दुनिया में उनकी पहचान एक दमदार कलाकार के रूप में थी।
भावपूर्ण श्रद्धांजलि।#PepsiSharma #RIP #HaryanviArtist #Ragni pic.twitter.com/5EsfS3qXI8
— Payall Singhh (@PayallSingh13) June 8, 2026
గత కొన్నేళ్లుగా హర్యాన్వీ సినిమా, ప్రైవేట్ ఆల్బమ్స్ రంగంలో పెప్సీ శర్మ హవా నడుస్తోంది. కేవలం సింగిల్ ఆల్బమ్స్కే పరిమితం కాకుండా, ప్రాంతీయ చిత్రాల్లోని స్పెషల్ సాంగ్స్కి కూడా ఆయన తన గాత్రాన్ని అందించారు. ముఖ్యంగా లోకల్ కల్చర్ను ఎలివేట్ చేస్తూ వచ్చిన కొన్ని షార్ట్ ఫిలిమ్స్, మ్యూజికల్ డ్రామాల్లో ఆయన పాటలు హైలైట్గా నిలిచాయి. 2021లో వచ్చిన కొన్ని పాపులర్ మ్యూజిక్ ప్రాజెక్ట్స్లో ఆయన వర్క్ ఇండస్ట్రీని నెక్స్ట్ లెవెల్కి తీసుకెళ్లింది. కేవలం హర్యానాలోనే కాకుండా పంజాబ్, రాజస్థాన్, పశ్చిమ ఉత్తరప్రదేశ్ సరిహద్దుల్లో కూడా పెప్సీ శర్మకు విపరీతమైన ఫ్యాన్ బేస్ ఉంది. ఆయన లైవ్ కాన్సర్ట్ ఉందంటే చాలు వేల సంఖ్యలో జనాలు ఎగబడేవారు.
ఆయన అనుకోని మరణంపై హర్యాన్వీ ఇండస్ట్రీకి చెందిన పలువురు ప్రముఖులు తమ సంతాపాన్ని వ్యక్తం చేస్తున్నారు.. సప్నా చౌదరి సహా పలువురు స్టార్ ఆర్టిస్టులు ఆయనతో ఉన్న పాత జ్ఞాపకాలను, స్టేజ్ వెనుక పంచుకున్న క్షణాలను గుర్తుచేసుకుంటూ ఎమోషనల్ అయ్యారు. ‘మా ఇండస్ట్రీ ఒక అద్భుతమైన కోహినూర్ వజ్రాన్ని కోల్పోయింది, ఈ లోటును ఎవరూ భర్తీ చేయలేరు’ అంటూ తోటి గాయకులు సోషల్ మీడియా వేదికగా నివాళులర్పిస్తున్నారు.
also read :బిగ్బాస్ 10లోకి హాట్ బ్యూటీ.. లీకైన కంటెస్టెంట్ల లిస్ట్.?
నెటిజన్లు కూడా ఆయన పాడిన సూపర్ హిట్ పాటల క్లిప్పింగ్స్ను ట్రెండ్ చేస్తూ పెప్సీ శర్మకు వీడ్కోలు పలుకుతున్నారు. 38 ఏళ్లకే ఒక ప్రతిభావంతుడైన కళాకారుడు లోకాన్ని విడిచి వెళ్లడం రీజినల్ మ్యూజిక్ ఇండస్ట్రీకి తీరని లోటని చెప్పక తప్పదు.
Share
జస్ట్ 8 నెలల్లో 1 లక్ష అమ్మకాలు.. రికార్డు సృష్టించిన మారుతి విక్టోరిస్!
ఢిల్లీకి చంద్రబాబు-పవన్ కల్యాణ్.. ఎన్డీయే సమావేశానికి హాజరు, ఫ్యూచర్ ప్లాన్పై పార్టీలకు దిశానిర్ధేశం
