SitaPayanam Movie: అర్జున్ సీతాపయనం మూవీ హీరో బ్యాక్ గ్రౌండ్ ఏంటో తెలుసా?

SitaPayanam Movie: విలక్షణ నటుడిగా గుర్తింపు తెచ్చుకున్న యాక్షన్ కింగ్ అర్జున్ (Arjun ) దర్శకత్వంలో వస్తున్న కొత్త మూవీ సీతాపయనం(Sita payanam). శ్రీరాం ఫిలిమ్స్ ఇంటర్నేషనల్ బ్యానర్ పై వస్తున్న ఈ సినిమా ద్వారా అర్జున్ కుమార్తె ఐశ్వర్య అర్జున్ (Aishwarya Arjun)హీరోయిన్ గా సినిమా తెరకు పరిచయం కాబోతున్నారు. యాక్షన్ కింగ్ అర్జున్ కీలక పాత్రలో, ఆయన మేనల్లుడు యాక్షన్ ప్రిన్స్ ధ్రువ సర్జ (Dhruva Sarja) కీలక పాత్రలో పోషిస్తున్న ఈ సినిమా ఫిబ్రవరి 14వ తేదీన ప్రేక్షకుల ముందుకు రానుంది.

అన్ని వర్గాల ఆడియన్స్ టార్గెట్ గా సీతాపయనం..

తెలుగు , తమిళ్, కన్నడ, మలయాళం , హిందీ భాషల్లో పాన్ ఇండియా స్థాయిలో ఈ చిత్రాన్ని విడుదల చేస్తున్నారు. ఇప్పటికే ఈ సినిమా నుండి విడుదలైన ట్రైలర్ ప్రేక్షకులను విపరీతంగా ఆకట్టుకుంటుంది. ముఖ్యంగా బ్యూటిఫుల్ విజువల్స్ , హీరో హీరోయిన్ల మధ్య కెమిస్ట్రీ ఆడియన్స్ ను బాగా ఆకట్టుకుంది. ఒక కారులో హీరో హీరోయిన్లు చేసే ప్రయాణం ..వారిద్దరి మధ్య వచ్చే సన్నివేశాలు చాలా ఫ్రెష్ గా కనిపిస్తున్నాయి. పైగా ధ్రువ సర్జా చేసిన పోరాట సన్నివేశాలు మరింత అట్రాక్షన్ గా నిలిచాయని చెప్పవచ్చు. మొత్తానికైతే మాస్ యాక్షన్, లవ్ స్టోరీ, ఫ్యామిలీ ఎమోషన్స్ ఇలా అన్ని రకాల అంశాలతో ఆడియన్స్ ను ఆకట్టుకోవడానికి సిద్ధమవుతోంది ఈ సినిమా.

సీతా పయనం హీరో ఎవరు?

ఇక ఇదంతా బాగానే ఉన్నా.. ఈ సినిమాలో తన అద్భుతమైన నేచురల్ పెర్ఫార్మన్స్ తో అందరి దృష్టిని ఆకట్టుకున్నారు ఈ సినిమా హీరో నిరంజన్(Niranjan ). ఇకపోతే ఈయన ఎవరు? ఈయన బ్యాక్గ్రౌండ్ ఏంటి? అని తెలుసుకోవడానికి అభిమానులు కూడా ఆసక్తి కనబరుస్తున్నారు. మరి ఐశ్వర్య అర్జున్ సరసన హీరోగా నటిస్తూ.. ఇప్పుడు లైమ్ లైట్ లోకి వచ్చిన ఇతడు ఎవరు? ఈయన బ్యాక్ గ్రౌండ్ ఏంటి? అనే విషయం ఇప్పుడు చూద్దాం.

సీతాపయనం హీరో బ్యాక్ గ్రౌండ్ ఏంటంటే?

అసలు విషయంలోకి వెళ్తే.. విడుదల తేదీకి దగ్గర పడుతున్న నేపథ్యంలో తాజాగా ఒక ఈవెంట్ లో పాల్గొన్న అర్జున్ ఈ సినిమా హీరో గురించి , ఆయన బ్యాక్ గ్రౌండ్ గురించి చెప్పి అందరిని ఆశ్చర్యపరిచారు. అర్జున్ మాట్లాడుతూ..” ఈ సినిమాలో నా కూతురు హీరోయిన్గా నటిస్తూ ఉండగా.. హీరోగా నటిస్తున్న అబ్బాయి గురించి మీకు చెప్పాలి. ఆ అబ్బాయి ఎవరో కాదు కన్నడ స్టార్ హీరో ఉపేంద్ర (Upendra) అన్న కొడుకు నిరంజన్. ఈ సినిమాలో హీరోగా నటిస్తున్నాడు. ఇందులో నా కూతురు కోసం నేను సినిమా తీసినా.. హీరోయిన్ కి సమానంగా హీరో క్యారెక్టర్ ను కూడా డిజైన్ చేశాను. వీరిద్దరి పాత్రలకు ఉండే ఎలివేషన్లు ఆ పాత్రలో ఉండే డిఫరెంట్ షేడ్స్ సినిమాకి స్పెషల్ అట్రాక్షన్ గా నిలుస్తాయి” అంటూ అర్జున్ చెప్పుకొచ్చారు . మొత్తానికైతే ప్రముఖ కన్నడ స్టార్ హీరో ఉపేంద్ర అన్న కొడుకు ఇప్పుడు ఈ సినిమాలో హీరోగా నటిస్తున్నాడని తెలిసి సినిమాపై అంచనాలు మరింత పెరిగిపోయాయి.

నిరంజన్ సినిమాలు…

అలా ఫ్యామిలీ బ్యాక్ గ్రౌండ్ తోనే ఇండస్ట్రీలోకి అడుగు పెడుతున్న నిరంజన్, ఐశ్వర్య అర్జున్ ఈ సినిమాతో ఎలాంటి సక్సెస్ సొంతం చేసుకుంటారో చూడాలి. ఇకపోతే హీరో నిరంజన్ కి కన్నడ సెలబ్రిటీలతో మంచి అవినాభావ సంబంధాలు ఉన్నట్లు తెలుస్తోంది. కిచ్చా సుదీప్ తో పాటూ పలువురు హీరోయిన్స్ తో కూడా మంచి రిలేషన్ కొనసాగిస్తున్నట్లు సమాచారం మరొకవైపు కన్నడ లో ‘ హంటర్ ఆన్ డ్యూటీ’ అనే సినిమాలో హీరోగా నటిస్తున్నారుk

also read: Hero Arjun: రియల్ హీరోలకు అర్జున్ ఘనంగా సన్మానం.. క్యాష్ కూడా!