I Bomma Ravi Father: ప్రస్తుతం సినిమా ఇండస్ట్రీలో ఐ బొమ్మ రవి(IBomma Ravi) గురించి పెద్ద ఎత్తున చర్చలు జరుగుతున్నాయి. గత కొన్ని సంవత్సరాలుగా ఈయన సినిమాలను పైరసీ చేస్తున్న నేపథ్యంలో పోలీసులు ప్రత్యేక నిఘా ఉంచి తనని అరెస్టు చేసిన సంగతి తెలిసిందే. ప్రస్తుతం రవి చంచల్ గూడ జైలులో ఉన్నారు. 14 రోజులపాటు కోర్టు ఈయనకు రిమాండ్ విధించడంతో ఈయన రిమాండ్ ఖైదీ ఉన్నారు. అలాగే పోలీసులు కూడా రిమాండ్ లో ఉన్న రవిని విచారణ చేస్తున్న సంగతి తెలిసిందే. ఈ విచారణలో భాగంగా కొన్ని విషయాలు వెలుగులోకి వస్తున్నాయి. ఆ దిశగా పోలీసులు దర్యాప్తును ప్రారంభించారు.
ఇక రవి అరెస్టు కావడంతో తన తండ్రి అప్పారావు (Apparao)మీడియాతో ఇంటరాక్ట్ అవుతున్నారు. అయితే ఈయన తన కొడుకు చేసిన పని తప్పేనని తెలిపారు. తన కొడుకు హైదరాబాదులో ఒక ప్రైవేట్ జాబ్ చేసుకుంటున్నారనే విషయం మాత్రమే తనకు తెలుసని ఇలాంటి పని చేస్తున్నారని తెలియదు అంటూ అప్పారావు తెలియజేశారు. ఇక రవి అరెస్టు కావడంతో ఎంతో మంది దర్శక నిర్మాతలు రవి అరెస్టు గురించి సంచలన వ్యాఖ్యలు చేశారు. ఈ క్రమంలోనే నిర్మాత కళ్యాణ్ .సి సైతం రవి అరెస్టు గురించి మాట్లాడుతూ సినిమాలను పైరసీలకు పాల్పడుతున్న ఇలాంటి వ్యక్తిని ఎన్కౌంటర్ చేసి పడేయాలి అంటూ ఆవేశంగా మాట్లాడారు. నిర్మాతలు కోట్లు ఖర్చుపెట్టి సినిమాలు చేస్తే పైరసీ చేసి పెద్ద ఎత్తున నష్టాలు తీసుకువస్తున్నారంటూ మండిపడ్డారు.
ఈ విధంగా నిర్మాత కళ్యాణ్. సి రవిని ఎన్కౌంటర్ చేసేయాలి అంటూ చేసిన వ్యాఖ్యలపై రవి తండ్రి అప్పారావు ఘాటుగా స్పందిస్తూ చేసిన వ్యాఖ్యలు ప్రస్తుతం వైరల్ అవుతున్నాయి. నిర్మాత కళ్యాణ్ వ్యాఖ్యలపట్ల అప్పారావు మాట్లాడుతూ తన వ్యాఖ్యలను తప్పుపట్టారు. నిర్మాత కళ్యాణ్ ను ఎన్కౌంటర్ చేస్తే ఆ బాధ ఏంటో తెలుస్తుంది. సినిమాలో విషయం ఉంటే జనం కచ్చితంగా చూస్తారు. నేను 45 పైసలతో సినిమా చూశాను ఇప్పుడు సినిమా టికెట్ల రేట్లు పెరిగాయి. కోట్ల రూపాయలు ఖర్చుపెట్టి సినిమా ఎవడు తీయమన్నాడు? నా కొడుకు తరఫున వాదించే న్యాయవాదులకు ఆర్థిక సహాయం చేసి తన కొడుకుకి అండగా ఉంటానని ఈయన తెలిపారు.
రవికి భారీ మద్దతు..
ఇటీవల కాలంలో సినిమా చేయడం కంటే కూడా మిగిలిన వాటికి అధికంగా ఖర్చులు చేస్తూ కోట్ల రూపాయల బడ్జెట్ సినిమాపై పెట్టుబడి పెడుతున్నారు. ఈ భారం అంతా టికెట్ల రూపంలో ప్రజలపైనే పడుతోందని అందుకే రవి లాంటి వాళ్లు పైరసీలకు పాల్పడుతున్నారనే వాదన కూడా బయటకు వచ్చింది. అయితే రవి అరెస్టు కావడంతో ఇండస్ట్రీ ఆయనకు వ్యతిరేకంగా ఉన్న సోషల్ మీడియాలో మాత్రం భారీగా మద్దతు ఉన్న సంగతి తెలిసిందే. ఇక రవి కేసును వాదించడం కోసం సలీం అనే లాయర్ ముందుకు వచ్చారు ఫ్రీగా రవికి కేసు వాదిస్తానని ఆయన చెప్పిన సంగతి తెలిసిందే.
A,so Read: Sobhita: నాగచైతన్య బర్త్ డే.. శోభిత క్యూట్ విషెస్.. లవర్ అంటూ!
Share
Head Bath: ఈ సందేహం మీకూ ఉందా.. పీరియడ్స్ టైంలో తలస్నానం చేయాలా? వద్దా?
Srikakulam Road Accident: లారీ తుఫాన్ ఢీ.. నలుగురు దుర్మరణం
