The RajaSaab:ప్రముఖ డైరెక్టర్ మారుతీ దర్శకత్వంలో రెబల్ స్టార్ ప్రభాస్ తాజాగా నటించిన చిత్రం ది రాజాసాబ్. తన సినీ కెరియర్లో తొలిసారి హారర్ బ్యాక్ డ్రాప్ లో నటించారు. భారీ అంచనాల మధ్య ప్రేక్షకుల ముందుకు వచ్చింది ఈ సినిమా. మలయాళ బ్యూటీ మాళవిక మోహనన్ ఈ సినిమా ద్వారా తొలిసారి తెలుగు ప్రేక్షకులకు పరిచయమైంది.ఈమెతో పాటు నిధి అగర్వాల్, రిద్దీ కుమార్ హీరోయిన్లుగా నటించారు. అలాగే బాలీవుడ్ నటులు సంజయ్ దత్, బోమన్ ఇరానీ, జరీనా వాహబ్ లాంటి భారీ తారాగణం భాగమైంది..
ఇదిలా ఉండగా ఈ సినిమా ఒక ఎత్తు అయితే.. ఈ సినిమాలో ప్రభాస్ – మొసలికి మధ్య వచ్చే ఫైట్ సీన్ మరో ఎత్తు. నిజానికి ఈ ఫైట్ సీన్ ను దర్శకుడు మొదట కొంత భాగం షూటింగ్ చేసి బడ్జెట్ ఎక్కువ కావడంతో ఈ సీను సినిమా నుంచి తొలగిద్దాం అనుకున్నారట. కానీ ప్రభాస్ పట్టుబట్టి మరి ఏకంగా తన రెమ్యూనరేషన్ లో తగ్గించుకోమని చెప్పి ఈ ఫైట్ సీన్ సినిమాలో ఉంచినట్లు సమాచారం. పైగా ఈ ఒక్క సీను కోసం ఏకంగా నిర్మాతలు రూ.23 కోట్లు ఖర్చు చేసినట్లు తెలుస్తోంది. మరి 23 కోట్ల రూపాయలు కేటాయించి సినిమాలో ఉంచిన ఈ సీన్ వర్కౌట్ అయ్యిందా అంటే అభిమానుల నుంచి మిశ్రమ స్పందన లభిస్తోంది. కొంతమంది ఈ ఫైట్ సీన్ అదిరిపోయింది అంటే మరి కొంతమంది మేము ఊహించినంత రేంజ్ లో లేదు అనే కామెంట్లు వ్యక్తం చేస్తున్నారు.
ఇదిలా ఉండగా మరొకవైపు ట్రైలర్ లో ప్రభాస్ కి – మొసలికి మధ్య ఫైట్ సీన్ చూపించిన విషయం తెలిసిందే. ఇక ఆ సీన్ సినిమాలో వస్తుంది కాబట్టి దానిని రీ క్రియేట్ చేయడానికి కొంతమంది అభిమానులు ఏకంగా మొసళ్ల బొమ్మలు తీసుకొని థియేటర్లలో తెగ హంగామా చేశారు. క్లైమాక్స్ లో ప్రభాస్ మొసలితో ఫైట్ చేసే సన్నివేశం థియేటర్లో వచ్చే సమయంలో ఆ బొమ్మలను పట్టుకుని స్క్రీన్ వద్దకు వెళ్లి దానిని రీ క్రియేట్ చేశారు. ఇందుకు సంబంధించిన వీడియోలు కూడా ఇప్పుడు సోషల్ మీడియాలో వైరల్ గా మారుతున్నాయి. ఇకపోతే ఈ సినిమా విడుదల సందర్భంగా హీరో ప్రభాస్ ఏమో కానీ మొసలి మాత్రం భారీగా హైలైట్ అవుతుందని చెప్పవచ్చు. ఈ ఫన్నీ మీమ్స్ , ఈ వీడియోలు చూసిన నెటిజన్లు “ఇది రాజాసాబ్ కాదు మొసళ్ల పండుగ” అంటూ ఫన్నీగా కామెంట్లు పెడుతున్నారు. మొత్తానికైతే అభిమానుల రీ క్రియేషన్ సోషల్ మీడియాలో తెగ హల్చల్ చేస్తోంది.
also read:The RajaSaab 2: జోకర్ గా ప్రభాస్.. టైటిల్ తెలిస్తే షాక్!
ఇకపోతే అభిమానులు సన్నివేశాలను ఇలా రీ క్రియేట్ చేయడం ఇదే మొదటిసారి కాదు. ఇప్పటికే ఎంతోమంది హీరోల సినిమాలు రీ రిలీజ్ అయినప్పుడు కూడా ఆ సినిమాలలోని కొన్ని హైలైట్ అయిన పాత్రలను కూడా ఇలా రీ క్రియేట్ చేసి సోషల్ మీడియాలో హల్చల్ చేసిన విషయం తెలిసిందే.
Omg 😱 see the Rebels bring crocodile 🐊 to #RajaSaab movie theatres 🥵🔥💥#Prabhas 🔥🔥🥵 pic.twitter.com/4FuA3V1UdP
— ℙℝ𝔼𝔼𝕋𝕐 (@MySelf_Preety) January 8, 2026
Share
Agricultural University: యూనివర్సిటీలో ప్రశ్నాపత్రాల లీక్.. అధికారులు సస్పెండ్, రంగంలోకి సైబర్ క్రైమ్?
Case on Private Buses: సంక్రాంతి ప్రయాణికులకు ఊరట.. ప్రైవేట్ ట్రావెల్స్పై ఆర్టీవో దాడులు..
