Irumudi: ‘ఇరుముడి’ నుంచి శ్రీరామనవమి స్పెషల్ పోస్టర్.. షూటింగ్ అప్డేట్ ఇదే!

Irumudi: మాస్ మహారాజా రవితేజ (Mass Maharaja Ravi Teja) హీరోగా శివ నిర్వాణ (Shiva Nirvana) దర్శకత్వంలో రూపుదిద్దుకుంటోన్న చిత్రం ‘ఇరుముడి’ (Irumudi Movie). ప్రస్తుతం రవితేజ వరుస ఫ్లాప్స్‌లో ఉన్న విషయం తెలిసిందే. ఈ సినిమాతో కచ్చితంగా హిట్ కొడతాడని, ఆయన అభిమానులు ఎంతగానో ఎదురు చూస్తున్నారు. కారణం ఈ సినిమా దర్శకుడే. శివ నిర్వాణ దర్శకత్వంలో వచ్చిన సినిమాలన్నీ దాదాపు మంచి చిత్రాలుగా గుర్తింపు పొందాయి. అందుకే ఈ సినిమాపై అభిమానులు ఎంతో నమ్మకంగా ఉన్నారు. పాన్-ఇండియన్ పవర్‌హౌస్ మైత్రి మూవీ మేకర్స్ (Mythri Movie Makers) బ్యానర్‌ ఎంతో ప్రతిష్టాత్మకంగా నిర్మిస్తోన్న ఈ సినిమా నుంచి ఇప్పటి వరకు వచ్చిన రవితేజ, ప్రియా భవానీ శంకర్‌ల ఫస్ట్ లుక్‌ పోస్టర్స్ సినిమాపై క్యూరియాసిటీని పెంచేశాయి. తాజాగా ఈ మూవీ షూటింగ్ అప్డేట్‌తో పాటు, శ్రీరామనవమి (Sri Rama Navami) శుభాకాంక్షలు తెలుపుతూ మేకర్స్ ఓ స్పెషల్ పోస్టర్ వదిలారు.

Also Read- Big TV Kissik Talks: నా భర్త ఫైర్ బ్రాండ్ మాత్రమే కాదు.. రొమాంటిక్ కూడా- మాధురి

షూటింగ్‌పై తాజా అప్డేట్

షూటింగ్ అప్డేట్ విషయానికి వస్తే.. ఈ సినిమా షూటింగ్ శరవేగంగా సాగుతుందని తెలుపుతూ.. ఇప్పటికే 50 శాతం షూటింగ్ పూర్తయిందని మేకర్స్ ప్రకటించారు. ప్రస్తుతం చిత్ర బృందం హైదరాబాద్‌లో హై-ఆక్టేన్ యాక్షన్ సన్నివేశాలను షూట్ చేస్తోందని.. అనల్ అరసు, రియల్ సతీష్ స్టంట్ సన్నివేశాలకు కొరియోగ్రఫీ అందిస్తున్నారని తెలిపారు. ఇటీవలి కాలంలో చూడనటువంటి అత్యంత అద్భుతమైన ఫైట్‌లను ప్రేక్షకులు ఈ సినిమాలో చూడబోతున్నారని టీం చెబుతోంది. యాక్షన్ ప్రధాన ఆకర్షణగా ఉన్నప్పటికీ ఈ సినిమాలో అద్భుతమైన కథ, కాన్సెప్ట్ ఉంటుందని.. అయ్యప్ప స్వామి, అయ్యప్ప మాల నేపథ్యంలో సాగే ఈ కథలో ఓ అందమైన కుటుంబం, ఫ్యామిలీ ఎమోషన్స్ అద్భుతంగా ఉండబోతున్నాయని మేకర్స్ వదిలిన పోస్టర్స్ ఇప్పటికే ఓ క్లారిటీ ఇచ్చాయి.

Also Read- Nandamuri Balakrishna: అసెంబ్లీకి తాగి వస్తాడంటూ బాలయ్యపై అనుచిత వ్యాఖ్యలు.. కేసు నమోదు

తండ్రీకూతుళ్ల మధ్య బాండింగ్ తెలిపేలా..

శ్రీరామనవమి స్పెషల్‌గా వదిలిన పోస్టర్‌ను గమనిస్తే.. రవితేజ ఇంతకు ముందు పోషించిన పాత్రల్లన్నింటిలోకి విభిన్నమైన పాత్రను ఈ సినిమాలో చేస్తున్నట్లుగా ఫస్ట్ లుక్ తెలియజేసింది. ఈ చిత్రంలో తన కుమార్తెగా నటించిన బేబీ నక్షత్రతో రవితేజకు ఉన్న బంధాన్ని తెలియజేస్తూ, చిత్ర బృందం ఒక అందమైన, ఆకట్టుకునే పోస్టర్‌ను విడుదల చేసింది. ఈ పోస్టర్‌లో రవితేజ వింటేజ్, విలేజ్, మాస్ లుక్‌లో కనిపిస్తున్నారు. సాధారణ చెక్డ్ షర్ట్, లుంగీ ధరించి తన కుమార్తెతో కలిసి నడుస్తూ ఉన్నట్టుగా ఈ పోస్టర్ ఉంది. ఈ పోస్టర్‌ను చూస్తుంటే తండ్రీకూతుళ్లు మధ్య మంచి ఎమోషనల్ సీన్స్ ఉన్నాయని అనిపిస్తుంది. తప్పకుండా ఈ చిత్రం రవితేజ కెరీర్‌లో ఓ మైలురాయిగా నిలిచిపోతుందని మేకర్స్ చెబుతున్నారు. సాయి కుమార్, అజయ్ ఘోష్, రమేష్ ఇందిర, స్వాసిక వంటి వారు ఇతర పాత్రలలో నటిస్తున్న ఈ చిత్రానికి జీవీ ప్రకాష్ కుమార్ సంగీతం అందిస్తున్నారు.

Also Read- Duvvada Madhuri: బట్టలిప్పుకుని తిరిగితే స్వాతంత్య్రం వచ్చినట్లు కాదు.. అనసూయకు భారీ పంచ్