SSMB 29: మహేష్ బాబు(Magesh Babu), రాజమౌళి (Rajamouli)కాంబినేషన్ లో రాబోతున్న సినిమా కోసం ఇండియన్ సినీ ఇండస్ట్రీ ఎంతో ఆత్రుతగా ఎదురు చూస్తున్న సంగతి తెలిసిందే. ప్రస్తుతం రాజమౌళి అంతర్జాతీయ స్థాయిలో దర్శకుడిగా సక్సెస్ అందుకున్నారు. రాజమౌళి డైరెక్షన్లో నుంచి సినిమా వస్తుంది అంటే ఈ సినిమాపై హాలీవుడ్ స్థాయిలో కూడా అంచనాలు ఏర్పడి ఉంటాయి. ఇక ప్రస్తుతం మహేష్ బాబుతో రాజమౌళి సినిమా చేస్తున్న విషయం తెలిసిందే అయితే ఈ సినిమాకు సంబంధించి ఒక చిన్న విషయం కూడా బయటకు రాకుండా జాగ్రత్త పడుతూ రాజమౌళి షూటింగ్ పనులను పూర్తి చేస్తున్నారు.
ఈ సినిమా టైటిల్ కి సంబంధించి గత కొద్దిరోజులుగా సోషల్ మీడియాలో ఎన్నో రకాల వార్తలు బయటకు వచ్చాయి. ఈ సినిమాకు వారణాసి అనే టైటిల్ పెట్టబోతున్నారని అందరూ భావించారు కానీ తాజాగా ఈ సినిమా కోసం మరో టైటిల్ వెలుగులోకి వచ్చింది. ఈ సినిమా టైటిల్ లాంచ్ కార్యక్రమాన్ని రామోజీ ఫిలిం సిటీలో ఎంతో ఘనంగా నిర్వహించబోతున్న సంగతి తెలిసిందే. గ్లోబ్ ట్రాటర్ (Globe Trotter)గా ఈ కార్యక్రమం ఇప్పటివరకు ఇండియన్ సినీ ఇండస్ట్రీలోనే జరగని విధంగా నిర్వహించబోతున్నారు. అయితే తాజాగా గ్లోబ్ ట్రాటర్ కు సంబంధించి పాటను విడుదల చేయగా ఈ పాట సోషల్ మీడియాలో వైరల్ అవుతుంది.
ఎలాంటి అనౌన్స్మెంట్ లేకుండా ఈ పాటను విడుదల చేయడంతో అభిమానులు ఎంతో సర్ప్రైజ్ అయ్యారు. ఈ పాట సంచారి అంటూ మొదలు కావడంతో ఈ సినిమాకు రాజమౌళి “సంచారి”(Sanchari) అనే టైటిల్ పెట్టబోతున్నారా? అనే సందేహాలను వ్యక్తం చేస్తున్నారు. ఈ సినిమా ఓ అడ్వెంచరస్ మూవీగా ప్రేక్షకుల ముందుకు రాబోతున్న నేపథ్యంలో సంచారి టైటిల్ సరిగ్గా సరిపోతుందని అభిమానులు కూడా భావిస్తున్నారు. అయితే ఈ టైటిల్ కి సంబంధించి ఊహగానాలు మాత్రమే సోషల్ మీడియాలో వైరల్ అవుతున్నాయి కానీ ఎలాంటి అధికారిక ప్రకటన మాత్రం వెలువడలేదు.
ట్రెండింగ్ లో SSMB 29సాంగ్..
గ్లోబ్ ట్రాటర్ కు సంచారి కాస్త దగ్గరగా ఉన్న నేపథ్యంలో ఇదే టైటిల్ పెట్టవచ్చని అభిమానులు భావిస్తున్నారు. మరి ఇందులో ఎంతవరకు నిజం ఉంది అనేది తెలియాలి అంటే నవంబర్ 15వ తేదీ వరకు వేచి చూడాల్సిందే. ఇక ఈ కార్యక్రమంలో భాగంగా టైటిల్ తో పాటు మూడు నిమిషాల వ్యవధితో ఒక గ్లింప్ వీడియోని కూడా విడుదల చేయబోతున్నట్టు తెలుస్తుంది. ఇక తాజాగా విడుదలైన సంచారి అనే పాట సోషల్ మీడియాలో ట్రెండింగ్ లోకి వచ్చేస్తుంది. కీరవాణి సంగీత సారథ్యంలో నటి శృతిహాసన్(Shruthi Hassan) ఆలపించిన ఈ పాట అద్భుతంగా ఉందని చెప్పాలి. ఇలా ఎలాంటి అనౌన్స్మెంట్ లేకుండా సినిమా నుంచి బిగ్ అప్డేట్ రావడంతో మహేష్ బాబు అభిమానుల ఆనందానికి అవధులు లేకుండా పోయాయి. ఇక ఈ ఐదు రోజుల వ్యవధిలో రాజమౌళి ఇంకా ఎలాంటి సర్ ప్రైజ్ లు ఇవ్వబోతున్నారు తెలియాల్సి ఉంది.
Also Read: Mowgli: సుమ కొడుకు కోసం రంగంలోకి ఎన్టీఆర్.. టీజర్ ముహూర్తం ఫిక్స్ !
Share
Tirumala Annadanam: అంబటి ప్రశంస.. భూమనకు ఝలక్
RGV: శివ కథను 20 నిమిషాల్లో రాశా, అక్కడి నుంచి కాపీ చేసా
