Ustaad Bhagath Singh Collections: ఉస్తాద్ భగత్ సింగ్ బ్రేక్ ఈవెన్ ఇక అసాధ్యమేనా..!

Ustaad Bhagath Singh Collections:పవర్ స్టార్ పవన్ కళ్యాణ్ నటించిన ఉస్తాద్ భగత్ సింగ్ సినిమా ఉగాది సందర్భంగా భారీ అంచనాల.. మధ్య విడుదలైంది. మొదటి రోజు థియేటర్లలో మంచి ఓపెనింగ్ రావడంతో అభిమానుల్లో హర్షం కనిపించింది. అయితే రెండో రోజు నుంచే ఈ సినిమా కలెక్షన్లు తగ్గడం.. ట్రేడ్ వర్గాలను ఆందోళనకు గురి చేస్తోంది.

తొలి రోజు ఈ చిత్రం మంచి స్థాయిలో వసూళ్లు సాధించింది. కానీ రెండో రోజు కలెక్షన్లు ఒక్కసారిగా పడిపోవడం అందరినీ ఆశ్చర్యపరిచింది. వర్కింగ్ డే కావడం, ప్రేక్షకుల నుంచి మిక్స్‌డ్ టాక్ రావడం ఈ డ్రాప్‌కు ప్రధాన కారణాలుగా భావిస్తున్నారు. సోషల్ మీడియాలో మాత్రం సినిమా గురించి చర్చ ఎక్కువగా ఉన్నా, సాధారణ ప్రేక్షకుల్లో స్పందన అంతగా బలంగా లేదు.

ఈ సినిమాకు భారీ బడ్జెట్ పెట్టిన సంగతి తెలిసిందే. అందువల్ల ఈ చిత్రం హిట్ కావాలంటే పెద్ద మొత్తంలో వసూళ్లు రావాలి. ట్రేడ్ అంచనాల ప్రకారం, బ్రేక్ ఈవెన్ చేరుకోవాలంటే చాలా పెద్ద టార్గెట్‌ను అందుకోవాలి. కానీ ప్రస్తుతం ఉన్న ట్రెండ్ చూస్తే ఆ లక్ష్యం చేరుకోవడం కష్టంగా కనిపిస్తోంది.

మొదటిరోజు రోజు ఈ సినిమా రూ.34.75 కోట్ల నెట్ వసూలు చేయగా, రెండో రోజు కేవలం రూ.9.25 కోట్లు మాత్రమే కలెక్ట్ చేయగలిగింది. ఈ సినిమా ఫ్రీ రిలీజ్ బిజినెస్ చూస్తే.. ఈ సినిమా బ్రేక్ ఈవెన్ కావాలి అంటే సుమారు రూ.140 కోట్ల షేర్ సాధించాల్సి ఉంది. అయితే, ఈరోజు నుంచి ధురంధర్ 2 తెలుగు వెర్షన్ విడుదల కావడంతో.. పోటీ మరింత పెరిగింది. పైగా పలువురు స్టార్ హీరోలు ఈ సినిమాను ప్రశంసించడం వల్ల ప్రేక్షకుల్లో ఆసక్తి పెరిగింది. దీంతో ‘ఉస్తాద్ భగత్ సింగ్’కి థియేటర్లలో స్క్రీన్లు తగ్గే అవకాశముంది.

వీకెండ్ రోజులు ఈ సినిమాకు చాలా కీలకం. శని, ఆదివారాల్లో మంచి కలెక్షన్లు వస్తే పరిస్థితి కొంత మెరుగవుతుంది. లేదంటే ఈ సినిమా బ్రేక్ ఈవెన్ చేరుకోవడం మరింత కష్టమవుతుంది. ఇప్పటి పరిస్థితి చూస్తే ఈ సినిమా ముందున్న రోజులు చాలానే పరీక్షించేలా ఉన్నాయి.

మంచి ఓపెనింగ్ వచ్చినప్పటికీ తరువాతి రోజుల్లో వచ్చిన పడిపోయిన వసూళ్లు ‘ఉస్తాద్ భగత్ సింగ్’కు పెద్ద సవాలుగా మారాయి. ఇప్పుడు ఈ సినిమా భవితవ్యం పూర్తిగా వచ్చే రోజుల్లో వచ్చే కలెక్షన్లపైనే ఆధారపడి ఉంది.

ALSO READ: Dhurandhar 2: మన తెలుగు సినిమా రికార్డ్ టచ్ చేయలేకపోయినా దురంధర్ 2