Jayakrishna: తెలుగు చిత్ర పరిశ్రమలో దివంగత నటుడు సూపర్ స్టార్ కృష్ణ(Krishna) గారికి ఎలాంటి పేరు ప్రఖ్యాతలు ఉన్నాయో ప్రత్యేకంగా చెప్పాల్సిన పనిలేదు. ఇలా ఘట్టమనేని హీరోగా ఎంతో మంచి పేరు ప్రఖ్యాతలు సొంతం చేసుకున్న కృష్ణ గారి లెగసీని ఆయన కుమారుడు మహేష్ బాబు (Mahesh Babu) కంటిన్యూ చేస్తూ వచ్చారు. అయితే ప్రస్తుతం ఇండస్ట్రీలోకి మూడోతరం అడుగు పెట్టిన సంగతి తెలిసిందే. కృష్ణ మొదటి కుమారుడు దివంగత నటుడు రమేష్ బాబు కుమారుడిగా జయకృష్ణ (Jayakrishna)ఘట్టమనేని అందరికీ ఎంతో సుపరిచితమే. అజయ్ భూపతి దర్శకత్వంలో తెరకెక్కుతున్న శ్రీనివాస మంగాపురం(Srinivasa Mangapuram) అనే సినిమా ద్వారా ఇండస్ట్రీకి జయ కృష్ణ పరిచయం కాబోతున్నారు.
ఇన్ని రోజులు పాటు మీడియాకు దూరంగా ఉన్న జయకృష్ణ మొదటిసారి బహిరంగ వేదికపై తన కుటుంబం గురించి మాట్లాడుతూ చేసిన కామెంట్స్ ప్రస్తుతం వైరల్ అవుతున్నాయి. తాజాగా విజయవాడలో లెనిన్ సర్కిల్లో సూపర్ స్టార్ కృష్ణ విగ్రహవిష్కరణ కార్యక్రమం ఎంతో ఘనంగా జరిగింది. ఈ కార్యక్రమంలో భాగంగా జయకృష్ణ హాజరయ్యారు. ఈ విగ్రహవిష్కరణ అనంతరం జయకృష్ణ మాట్లాడుతూ.. నేను ఏ పని చేసిన అందులో కృష్ణ గారు నా పక్కనే ఉండి నన్ను నడిపిస్తున్న భావన నాకు కలుగుతుందని తెలిపారు. చిన్నప్పటి నుంచి తాతయ్య, బాబాయ్ నుంచి ఎన్నో విషయాలు నేర్చుకున్నానని, నా జీవిత ఆశయం కృష్ణ గారు గర్వపడేలా చేయటమేనని తెలిపారు.
ఇక సూపర్ స్టార్ మహేష్ బాబు గురించి కూడా మాట్లాడుతూ తన జీవితంలో మహేష్ బాబు బాబాయ్ ఒక భాగం అయ్యారని చిన్నప్పటినుంచి ఆయన సినిమాలు చూస్తూ పెరిగి, ఆయనకు వీరాభిమానిగా మారానని తెలిపారు. సినిమాలకు సంబంధించిన ఎన్నో సలహాలు, సూచనలు బాబాయ్ దగ్గర నుంచి తీసుకుంటానని, తను నాకు ఒక గైడ్ అంటూ తన బాబాయ్ గురించి కూడా జయకృష్ణ ఎంతో గొప్పగా మాట్లాడారు.
థాంక్యూ బాబాయ్..
ఇక తాను నటిస్తున్న శ్రీనివాసమంగాపురం సినిమా ఫస్ట్ లుక్ బాబాయ్ చేతుల మీదుగా విడుదల చేయడం చాలా సంతోషంగా ఉంది థాంక్యూ బాబాయ్ అంటూ ఈ సందర్భంగా జయ కృష్ణ మాట్లాడుతూ చేసిన కామెంట్స్ ప్రస్తుతం వైరల్ అవుతున్నాయి. ఇలా మొదటిసారి జయకృష్ణ ఒక పబ్లిక్ వేదికపై మాట్లాడుతూ తన స్పీచ్ తో అందరిని ఆకట్టుకున్నారని చెప్పాలి. ఇక ఈ కార్యక్రమంలో భాగంగా పలువురు రాజకీయ నాయకులు శ్రీనివాస మంగాపురం చిత్ర నిర్మాత అశ్వినీ దత్ వంటి తదితరులు పాల్గొన్నారు. ఈ విగ్రహావిష్కరణ కార్యక్రమంలో భాగంగా పెద్ద ఎత్తున మహేష్ బాబు అభిమానులు పాల్గొని సందడి చేశారు. ఇక జయకృష్ణ సినిమా విషయానికి వస్తే అజయ్ భూపతి దర్శకత్వంలో ఈయన ఇండస్ట్రీ హీరోగా పరిచయం కాబోతున్నారు. లవ్ యాక్షన్ డ్రామగా ఈ చిత్రం ప్రేక్షకుల ముందుకు రాబోతోంది. ఈ సినిమాలో జయ కృష్ణకు జోడిగా రాషా తడాని హీరోయిన్ గా తెలుగు ప్రేక్షకుల ముందుకు రాబోతున్నారు. ప్రస్తుతం ఈ సినిమా షూటింగ్ పనులను శరవేగంగా జరుపుకుంటుంది.
Also Read: Actress nupur sanon: ప్రియుడిని పెళ్లి చేసుకున్న టాలీవుడ్ హీరోయిన్.. వీడియో వైరల్!
Share
Indiramma Indlu Scheme: ఇందిరమ్మ ఇండ్లపై మరో గుడ్ న్యూస్.. ఇకపై ప్రతి వారం నిధులు విడుదల
Dasari Narayanarao: ఆ స్టార్ హీరోతో దాసరి కల్కి సినిమా చేయాలనుకున్నారా.. ఎవరంటే?
