Keerthy Suresh:టాలెంటెడ్ నటి కీర్తి సురేష్, వెర్సటైల్ యాక్టర్ రాజ్కుమార్ రావు కాంబినేషన్లో వస్తున్న క్రేజీ ప్రాజెక్ట్ ‘రఫ్తార్’ (Raftaar) అప్డేట్ వచ్చేసింది. నేడు (మార్చి 14) సోషల్ మీడియా వేదికగా ఈ సినిమాను అధికారికంగా ప్రకటిస్తూ రిలీజ్ డేట్ను కూడా కన్ఫర్మ్ చేశారు మేకర్స్. అంబిషన్, గ్రీడ్ (అత్యాశ) నేపథ్యంలో సాగే ఈ ఆసక్తికరమైన కథతో ఈ జంట బాలీవుడ్ బాక్సాఫీస్ వద్ద సందడి చేసేందుకు సిద్ధమైంది. ఆ వివరాలు చూద్దాం..
‘రఫ్తార్’ సినిమా కథ చాలా ఇంట్రెస్టింగ్ గా ఉండబోతోంది. నేటి కాలంలో వేగంగా ఎదిగిపోవాలనే ఆశయం (Ambition) ఒక సామ్రాజ్యాన్ని ఎలా నిర్మిస్తుంది, అదే సమయంలో అత్యాశ ఆ సామ్రాజ్యాన్ని ఎలా పరీక్షిస్తుంది అనే పాయింట్ మీద ఈ సినిమా నడుస్తుంది. ఒక స్టార్టప్ కంపెనీ నేపథ్యంలో, సమానమైన ఆశయాలు గల ఒక పురుషుడు, ఒక స్త్రీ మధ్య ఏర్పడే బంధం, డబ్బు, అధికారం వల్ల వారి ప్రేమలో వచ్చే ఘర్షణలను ఈ సినిమాలో చూపించబోతున్నారు. “గెలవాలనే ఆకలి ప్రేమతో తలపడితే ఎలా ఉంటుంది?” అనే ప్రశ్న చుట్టూ ఈ కథ తిరుగుతుంది. ఇక అమెజాన్ ఎంజిఎం స్టూడియోస్ సమర్పణలో వస్తున్న ఈ చిత్రం జూలై 24, 2026న థియేటర్లలోకి రానుంది.
ఈ సినిమా కేవలం ఒక ప్రేమకథ మాత్రమే కాదు, ప్రస్తుత విద్యా వ్యవస్థపై ఒక వ్యంగ్యాస్త్రం (Satire) అని తెలుస్తోంది. విద్య అనేది దేశ భవిష్యత్తును తీర్చిదిద్దే మార్గంగా కాకుండా, కేవలం లాభాలు ఆర్జించే వ్యాపారంగా ఎలా మారిపోయిందో ఈ సినిమాలో కామెడీ టచ్తో చూపించబోతున్నారట. ఆదిత్య నింబాల్కర్ దర్శకత్వంలో రూపొందుతున్న ఈ చిత్రాన్ని రాజ్కుమార్ రావు భార్య పత్రలేఖ ‘కంప ఫిలిం’ బ్యానర్పై నిర్మిస్తున్నారు. ఇక కీర్తి సురేష్ ఈ పాత్రలో చాలా పవర్ఫుల్ గా కనిపించబోతున్నట్లు టాక్. రాజ్కుమార్ రావుకు జోడీగా ఆమె నటిస్తుండటం ఫ్యాన్స్లో అంచనాలను పెంచేసింది.
ALSO READ:Actress Poorna: మళ్లీ తల్లిగా ప్రమోట్ అయిన పూర్ణ.. ఈసారి పాప? బాబా?
ఈ సినిమాలో కేవలం లీడ్ పెయిర్ మాత్రమే కాకుండా రజత్ కపూర్, తన్యా మణిక్తలా వంటి ప్రతిభావంతులైన నటులు కూడా ఉన్నారు. రాజ్కుమార్ రావు ఈ సినిమాతో పాటు సౌరవ్ గంగూలీ బయోపిక్, ఉజ్వల్ నికమ్ బయోపిక్లతో బిజీగా ఉండగా, కీర్తి సురేష్ కూడా తన మార్కెట్ను బాలీవుడ్లో విస్తరించే ప్లానింగ్లో ఉంది. “అంబిషన్ నిర్మించింది.. అత్యాశ పరీక్షిస్తుంది” అంటూ వీరు షేర్ చేసిన పోస్టర్ ఇప్పటికే వైరల్ అవుతోంది. ఇక జూలై 24న థియేటర్లలో ‘రఫ్తార్’ ఎలాంటి మ్యాజిక్ క్రియేట్ చేస్తుందో వేచి చూడాలి. ఇక మంచి కంటెంట్ ఉన్న సినిమాలు ఎప్పుడూ ప్రేక్షకులను అలరిస్తాయని మరోసారి ఈ మూవీ నిరూపిస్తుందని ఆశిద్దాం.
Share
Tanveer Ahmed: ఐపీఎల్ లోకి పాక్ ప్లేయర్లను తీసుకోవాల్సిందే..లేకపోతే ఐసీసీ బ్యాన్ వేయాలి
AP Crime News: కర్నూలులో తీరని విషాదం.. కన్నబిడ్డలతో సహా చెరువులో దూకి తల్లి ఆత్మహత్య
