Keerthy Suresh on Deepika 8 Hours Working: బాలీవుడ్ బ్యూటీ దీపికా పదుకొనె వర్కింగ్స్ అవర్స్ ఇండస్ట్రీలో హాట్ టాపిక్గా మారింది. తల్లయిన తర్వాత తన పనిలో కొన్ని కండిషన్స్ పెట్టుకుంది. అందులో ఆమె వర్కింగ్ అవర్స్ని తగ్గించుకుంది. తన కండిషన్స్ని దర్శక–నిర్మాతలకు చెప్పడంతో దీపికా ఇండస్ట్రీలో చర్చనీయాంశమైంది. ఆమె కండిషన్స్ వల్లే స్పిరిట్ చిత్రానికి దీపికాను వద్దనుకున్నాడు సందీప్ రెడ్డి వంగా. ఆ తర్వాత అదే కండిషన్ కల్కి 2కి కూడా పెట్టడంతో వైజయంతీ మూవీస్ కూడా దీపికాని తొలగించింది.
ఇదే విషయాన్ని బహిరంగంగానూ ప్రకటించారు. అప్పటి నుంచి దీపికా వర్కింగ్ అవర్స్ లిమిట్ పెద్ద ఎత్తున్న చర్చకు దారి తీశాయి. నార్త్ నుంచి సౌత్ వరకు స్టార్ నటీనటులంత ఇదే విషయంపై మాట్లాడుకుంటున్నారు. ఇక ప్రమోషనల్ ఈవెంట్స్, ప్రెస్ మీట్లో పాల్గొంటున్న హీరోయిన్లకు కూడా దీనిపై ప్రశ్న ఎదురవుతుంది. దీనిపై అలియా, మ్రణాల్ ఠాకూర్ వంటి పలువురు నటీనటులు స్పందించారు. తాజాగా కీర్తి కూడా వర్కింగ్స్ అవర్స్ విషయంలో స్పందించింది. ప్రస్తుతం ఆమె నటిస్తున్న చిత్రం ‘రివాల్వర్ రిటా‘. మరికొన్ని రోజుల్లో ఈ సినిమా ప్రేక్షకుల ముందు రానుంది. ఇందులో భాగంగా తాజాగా మూవీ ప్రమోషన్స్లో పాల్గొన్న కీర్తిని ఓ విలేఖరి ప్రస్తుతం ఇండస్ట్రీలో హీరోయిన్ల వర్కింగ్స్ అవర్స్ అనేది సమస్యగా మారిందని, దీనిపై తన అభిప్రాయాన్ని అడిగారు. ఈ ప్రశ్నకు కీర్తి స్పందిస్తూ ఊహించని విధంగా చెప్పింది.
8గంటల వర్క్ అనేది ఆరోగ్యకరమని, కానీ.. తనకు ఎన్ని అవర్సైనా పెద్ద సమస్య కాదంది. నా వ్యక్తిగతం చూస్తే వర్కింగ్స్ అవర్స్ అనేవి పెద్ద సమస్య కాదు. నేను 9 నుంచి 6 గంటలు చేయగలను. 9 నుంచి 9 గంటలు పని చేయగలను. ఒక్కసారి నేను రాత్రి 12 గంటల వరకు వర్క్ చేసిన సందర్బాలు కూడా ఉన్నాయి. మహానటి మూవీ చేస్తున్న టైంలో నేను అజ్ఙాతవాసి, సర్కార్ 2 తో పాటు తమిళ్లో రెండు సినిమాలు చేశాను. అప్పుడు ఒక సినిమా షూట్లో మార్నింగ్ ఉంటే మరో సినిమా షూట్లో రాత్రి పని చేసేదాన్ని. అలా నా వర్క్ని బ్యాలెన్స్ చేసుకుంటూ రోజంత షూటింగ్ చేసేదాన్ని. అందరు 9-6 వర్కింగ్స్ అవర్స్ అయితే.. 9 గంటలకు అందుబాటులో ఉండాలంటే మేకప్ కోసం 7:30 గంటలకే సెట్కి వెళ్లాలి. అలా వెళ్లాలి అంటే 6 గంటల వరకు ఇంటి నుంచి బయలు దేరాలి. అప్పుడు మేము 5 గంటలకే లేవాలి.
Also Read: IBomma Ravi Case : ఐబొమ్మ రవి కేసులో బిగ్ ట్విస్ట్… అతను పైరసీ చేయలేదు?
అలా వచ్చి సాయంత్రం ప్యాకప్ చెప్పాక ఇంటికి వెళ్లేసరి 9 అవుతుంది. కప్ రీమూవ్ చేసి ఇంటికి వెళ్లేసరి 9 అయితే మేము వర్కౌట్ చేసి డిన్నర్ ముగించుకుని పడుకునే సరికి 10 అయిపోతుంది. అది 9-6 వర్కింగ్ అవర్స్ అయితే. మరి షూటింగ్ లేట్ అయితే ఇంకా మాకు ఎలా ఉంటుందో ఆలోచించండి. టెక్నిషియన్స్ అయితే మాకంటే ముందే రావాలి. లైట్బాయ్, ప్రొడక్షన్ బాయ్స్ సెట్టింగ్ కొసం మాకంటే ముందే వస్తారు. మా తార్వాత వెళ్లిపోతారు. వారికి అయితే అసలు నిద్రే ఉండదు. కేవలం 2-3గంటలే నిద్ర ఉంటుంది. తెలుగు, తమిళ్ అయితే ఒకే. పనికి నిర్థిష్ట సమయం ఉంది. ఏదోక ముఖ్యమైన సమయంలో తప్పా షూటింగ్ ఆలస్యం అవ్వదు. కానీ మలయాళం, హిందీలో అలా కాదు. అక్కడ పన్నెండు గంటల షూట్ ఉంటుంది.
మలయాళంలో అయితే అసలు బ్రేకే ఉండదు. 12 గంటల పాటు కంటిన్యూగా షూటింగ్ చేయాలి. అలాంటి టైంలో నటీనటులకు, టెక్నిషియన్లకు అసలు నిద్ర ఉండదు. ఇక్కడ సమస్యల్లా నిద్రనే. కానీ, ఒక సగటు వ్యక్తి ఆరోగ్యకరమైన నిద్ర అంటే 8 గంటలు. మరి అంత కాకున్న కనీసం 6 గంటలైన నిద్ర కావాలి. దాని ప్రకారం చూస్తే ఎనిమిది గంటల వర్కింగ్ అవర్స్ అనేది కరెక్టే. ఒక మనిషి ఆరోగ్యానికి తిండి ఎంత అవసరమో నిద్ర కూడా అంత ముఖ్యమంటారు. అలా చూస్తే ఎనిమిది గంటలు చేస్తేనే.. నటీనటులకైనా, టెక్నిషియన్లు, ఇతర మూవీ టీం సభ్యులకైనా సరైనా నిద్ర దొరుకుతుంది” అని కీర్తి వివరణ ఇచ్చింది. అంటే పని గంటలు అనేవి ఒక్క హీరోహీరోయిన్లకే కాదని, ఇతర మూవీ టీం సభ్యులు, టెక్నిషియన్లకు కూడా అవసరమే అని చెప్పింది. ప్రస్తుతం కీర్తి కామెంట్స్ ఇండస్ట్రీలో వైరల్ అవుతున్నాయి.
Share
Devotional News: సాయంత్రం పూట ఈ పనులు చేస్తే.. పరమ దరిద్రం
Top 20 News: జీఓ 46ను సవాల్ చేస్తూ హైకోర్టులో పిటిషన్...సైబర్ క్రైమ్ మోసగాళ్లు అరెస్ట్
