హీరోగా ఓకే.. మరి నిర్మాతగా? రెంటల్ సిస్టమ్ వివాదంలో కిరణ్ అబ్బవరం షాకింగ్ ఆన్సర్

Kiran Reaction : టాలీవుడ్ ఇండస్ట్రీలో ఇప్పుడు ఎక్కడ చూసినా ఒకటే చర్చ.. అదే థియేటర్ల రెంటల్ వర్సెస్ షేరింగ్ సిస్టమ్. మొన్నటి వరకు సైలెంట్‌గా ఉన్న ఈ ఇష్యూ కాస్త ఇప్పుడు ప్రొడ్యూసర్ గిల్డ్ మరియు ఎగ్జిబిటర్ల మధ్య పెద్ద యుద్ధానికే దారితీస్తుంది. ట్రేడ్ వర్గాల్లో హీట్ పెంచుతున్న ఈ అంశంపై ఒక క్లారిటీ వచ్చే లోపు, ఈ కోల్డ్ వార్‌లోకి అనవసరంగా దూరి కాంట్రవర్సీ అవడం ఎందుకు అనుకుంటూ చాలా హీరోలు సైలెంట్ గా ఉన్నారు. కానీ, ముక్కుసూటిగా మాట్లాడతారని పేరున్న యంగ్ హీరో కిరణ్ అబ్బవరంకు మాత్రం మీడియా నుంచి ఒక చిక్కు ప్రశ్న ఎదురైంది. తన కొత్త ప్రొడ్యూస్ చేసిన తిమ్మరాజు పల్లి టీవీ స్ట్రీమింగ్ కానున్న సందర్భంగా ఏర్పాటు చేసిన ప్రెస్ మీట్‌లో కిరణ్ అబ్బవరం ఈ ఇష్యూ పై రియాక్ట్ అవ్వాల్సిన పరిస్థితి ఏర్పడింది.

ఒక్క క్షణం నోటమాట రాక సైలెంట్

గత రెండు మూడు రోజులుగా తెలంగాణ ఫిలిం ఛాంబర్ ఆఫ్ కామర్స్ మరియు ప్రొడ్యూసర్ గిల్డ్ మధ్య థియేటర్ల మెయింటెనెన్స్, ఖర్చుల విషయంలో తీవ్ర స్థాయిలో వాదనలు నడుస్తున్నాయి. చిన్న సినిమాల మనుగడ కష్టమవుతుందని నిర్మాతలు అంటుంటే, థియేటర్ల మెయింటెనెన్స్ భారం అవుతోందని ఎగ్జిబిటర్లు వాదిస్తున్నారు. ఈ క్రమంలోనే కిరణ్ అబ్బవరంను టార్గెట్ చేస్తూ మీడియా ప్రతినిధులు ఒక సెన్సిటివ్ క్వశ్చన్ వదిలారు. “కిరణ్ గారు.. మీరు కేవలం హీరో మాత్రమే కాదు, ఇప్పుడు సొంతంగా ప్రొడక్షన్ హౌస్ పెట్టి సినిమాలు చేస్తున్నారు. మరి నిర్మాతగా మీకు రెంటల్ సిస్టమ్ లాభమా లేక షేరింగ్ సిస్టమ్ కరెక్టా?” అని అడిగేసరికి కిరణ్ ఒక్క క్షణం నోటమాట రాక సైలెంట్ అయిపోయారు.

also read :టాప్ ప్రొడ్యూసర్స్ కి ఎగ్జిబిటర్ల షాక్.. 6 నెలలు థియేటర్లు మూసేస్తామంటూ వార్నింగ్!

నన్ను వదిలేయండి సార్.. నేను వెళ్ళిపోతాను

నిజానికి కిరణ్ అబ్బవరం ఈ మధ్యే ‘కే ర్యాంప్ ‘ సినిమాతో భారీ విజయాన్ని అందుకున్నారు. బాక్సాఫీస్ వద్ద మంచి వసూళ్లు సాధించడమే కాకుండా, కిరణ్‌కు మంచి గుర్తింపు తెచ్చింది. ఇంతకుముందు ‘ఎస్ఆర్ కళ్యాణమండపం’, ‘సెబాస్టియన్’ వంటి సినిమాలతో యూత్‌కు దగ్గరైన కిరణ్, ఇప్పుడు ఇండస్ట్రీలోని కీలక సమస్యపై మాట్లాడాల్సి రావడంతో చాలా తెలివిగా వ్యవహరించారు. ఈ ఇష్యూలో ఏ ఒక్క వైపు మాట్లాడినా అది వివాదానికి దారితీస్తుందని గ్రహించిన ఆయన, “నన్ను వదిలేయండి సార్.. నేను ఇక్కడి నుంచి వెళ్ళిపోతాను” అంటూ నవ్వుతూ తప్పించుకునే ప్రయత్నం చేయడం అక్కడున్న వారందరినీ ఆశ్చర్యపరిచింది.

వివాదాలకు దూరంగా ఉండటమే మేలు

ఇండస్ట్రీలో ఈ వివాదం ముదురుతున్న తరుణంలో, కిరణ్ అబ్బవరం వంటి యంగ్ హీరోలు వివాదాలకు దూరంగా ఉండటమే మేలని భావిస్తున్నట్లు కనిపిస్తోంది. గతంలో కూడా పలు సందర్భాల్లో తన సినిమాలపై వచ్చే విమర్శలకు స్ట్రాంగ్‌గా కౌంటర్ ఇచ్చిన కిరణ్, ఈసారి మాత్రం “పెద్దలు ఉన్నారండి.. వారు చూసుకుంటారు. ఈ సమస్యపై మాట్లాడేంత నాలెడ్జ్ నాకు ఇంకా లేదని అనుకుంటున్నాను” అంటూ తన పరిణతిని చాటుకున్నారు. సాధారణంగా ప్రొడ్యూసర్లు తమకు లాభాలు రావాలని కోరుకుంటారు, కానీ అదే సమయంలో ఎగ్జిబిటర్ల మద్దతు లేనిదే సినిమా జనాల్లోకి వెళ్లదు. ఈ బ్యాలెన్సింగ్ యాక్ట్ చేయడం ఇప్పుడు టాలీవుడ్ పెద్దలకు పెద్ద సవాలుగా మారింది.

సోషల్ మీడియాలో తెగ వైరల్

ఈ వివాదం ఇలాగే కొనసాగితే రాబోయే బడా ప్రాజెక్ట్ అయిన పెద్ది సినిమాపై ప్రభావం పడే అవకాశం ఉందని ట్రేడ్ నిపుణులు హెచ్చరిస్తున్నారు. కిరణ్ అబ్బవరం రియాక్షన్ చూస్తుంటే, ప్రస్తుతానికి తటస్థంగా ఉండి తన తదుపరి ప్రాజెక్టులపై దృష్టి పెట్టడమే ఉత్తమమని ఆయన డిసైడ్ అయినట్లు అర్థమవుతోంది. ఏదేమైనా, సినిమాటిక్ స్టైల్‌లో కిరణ్ అబ్బవరం ఇచ్చిన ఈ రియాక్షన్ ఇప్పుడు సోషల్ మీడియాలో తెగ వైరల్ అవుతోంది.

also read :రామ్ పోతినేని ‘ఓవర్’ కాన్ఫిడెన్స్.. హీరోగా ఫెయిల్ అయ్యి డైరెక్టర్‌గా సక్సెస్ అవుతాడా?