Globe Trotter Event: టాలీవుడ్ సినిమా ఇండస్ట్రీలో గ్రాండ్ ఈవెంట్ గ్లోబ్ ట్రాటర్(Globe Trotter) వేడుక ఎంతో అంగరంగ వైభవంగా జరుగుతుంది. రాజమౌళి, మహేష్ బాబు కాంబినేషన్లో ప్రేక్షకుల రాబోతున్న సినిమాకు సంబంధించిన ఈ వేడుకను ఎంతో ఘనంగా నిర్వహిస్తున్నారు. ఇక ఈ కార్యక్రమంలో భాగంగా తాజాగా ఈ సినిమా టైటిల్ తో పాటు ఒక గ్లింప్ వీడియోని కూడా విడుదల చేశారు. అందరూ ఊహించిన విధంగానే ఈ సినిమాకు వారణాసి అనే టైటిల్ ప్రకటించారు. ఇక ఈ గ్లింప్ వీడియోలో భాగంగా మహేష్ బాబు నంది పై ఎంట్రీ ఇచ్చే సన్నీ వేషాలు ప్రేక్షకులకు గూస్ బంప్స్ తెప్పిస్తున్నాయని చెప్పాలి. ఈ వీడియో అభిమానులు ప్రేక్షకుల అంచనాలకు అనుగుణంగా ఉందని చెప్పాలి.
ఇక ఈ సినిమాలో మహేష్ బాబు రుద్ర (Rudra) పాత్రలో కనిపించబోతున్నట్లు కూడా వెల్లడించారు. ఇలా మహేష్ బాబు రుద్ర పాత్రలో, నంది పై త్రిశూలం పట్టుకొని ఎంట్రీ సన్నివేశాలు ఆకట్టుకున్నాయి. ఈ గ్లింప్ వీడియోని విడుదల చేయడంతో ఒక్కసారిగా చిత్ర బృందం మొత్తం ఎమోషనల్ అయ్యారు. ఇక అభిమానులకు కూడా మహేష్ బాబుని రుద్ర పాత్రలో చూస్తూ సంతోషం వ్యక్తం చేస్తున్నారు. ఇప్పటికే ఈ సినిమా నుంచి పృథ్వీరాజ్ సుకుమారన్ పాత్రకు సంబంధించి ఫస్ట్ లుక్ పోస్టర్ విడుదల చేశారు. ఈ సినిమాలో ఈయన కుంభ పాత్రలో కనిపించబోతున్నారు. ఇక నటి ప్రియాంక చోప్రా ఫస్ట్ లుక్ పోస్టర్ కూడా విడుదల చేసిన సంగతి తెలిసిందే.
ప్రియాంక చోప్రా ఈ సినిమాలో మందాకిని పాత్రలో కనిపించబోతున్నారు. ఇక నేడు జరిగిన ఈ కార్యక్రమంలో మహేష్ బాబు ఫస్ట్ లుక్ విడుదల చేశారు. మహేష్ బాబు రుద్ర పాత్రలో కనిపించబోతున్నారని ఈ సినిమాకు వారణాసి(Varanasi) అనే టైటిల్ ఫిక్స్ చేసినట్లు రాజమౌళి అధికారికంగా వెల్లడించడంతో అభిమానులు ఎంతో సంతోషం వ్యక్తం చేస్తున్నారు. ఇక ఈ సినిమా ప్రస్తుతం శరవేగంగా షూటింగ్ పనులను జరుపుకుంటుంది. ఈ సినిమాని 2027 సమ్మర్లో విడుదల చేయబోతున్నట్లు కీరవాణి ఈ కార్యక్రమంలో భాగంగా వెల్లడించారు.
ఈ సినిమా అంతర్జాతీయ స్థాయిలో ప్రేక్షకుల ముందుకు రాబోతుందని స్పష్టమవుతుంది. ఈ సినిమా కోసం రాజమౌళి ఏ విధంగా కష్టపడుతున్నారో ఒక్క గ్లోబ్ ట్రాటర్ ఈవెంట్ చూస్తేనే స్పష్టం అవుతుంది..RRR సినిమాతో ఆస్కార్ అవార్డు అందుకున్న రాజమౌళి వారణాసి సినిమాని అంతకుమించి ప్రేక్షకుల ముందుకు తీసుకురావడానికి ఎంతో కృషి చేస్తున్నారు. మొదటిసారి మహేష్ బాబు రాజమౌళి కాంబినేషన్లో సినిమా ప్రేక్షకుల ముందుకు రాబోతున్న నేపథ్యంలో ఈ సినిమాపై ఎన్నో అంచనాలు ఏర్పడ్డాయి.
Also Read: Globe Trotter Event: మహేష్ రాజమౌళి సినిమా రిలీజ్ డేట్ ఫిక్స్.. లీక్ చేసిన కీరవాణి!
Share
IPL 2026: ఐపీఎల్ 2026.. ఏ జట్టు ఎవర్ని రిటైన్ చేసుకుందంటే?
Globe Trotter Event: మహేష్ బాబు గొప్ప అలవాటు... ప్రతి ఒక్కరూ నేర్చుకోవాలన్న రాజమౌళి!
