Akhanda 2 : నందమూరి బాలకృష్ణ (Balakrishna) హీరోగా బోయపాటి కాంబినేషన్లో సినిమా వస్తుంది అంటేనే ఆ సినిమాపై ఎలాంటి అంచనాలు ఉంటాయో ప్రత్యేకంగా చెప్పాల్సిన పనిలేదు. ఇప్పటివరకు వీరిద్దరి కాంబినేషన్లో మూడు బ్లాక్ బస్టర్ సినిమాలు ప్రేక్షకుల ముందుకు వచ్చాయి మరో బ్లాక్ బాస్టర్ కూడా లోడింగ్ అని చెప్పాలి. శబరి ఐదవ తేదీ బాలకృష్ణ బోయపాటి కాంబినేషన్లు తెరకెక్కిన అఖండ 2 (Akhanda 2)సినిమా ప్రేక్షకుల ముందుకు రాబోతోంది. ఈ సినిమా ఎన్నో అంచనాల నడుమ పాన్ ఇండియా స్థాయిలో ప్రేక్షకుల ముందుకు రాబోతున్న నేపథ్యంలో సినిమాపై భారీ అంచనాలు నెలకొన్నాయి.
ఇప్పటివరకు సినిమా నుంచి విడుదల చేసిన పాటలు కానీ టీజర్ ట్రైలర్ వంటి వీడియోలు కూడా సినిమా పట్ల అంచనాలను పెంచేయడమే కాకుండా 200 కోట్లకు పైగా కలెక్షన్లను రాబడుతుంది అంటూ ధీమా వ్యక్తం చేస్తున్నారు. అయితే తాజాగా నిర్మాతలు అఖండ 2 సినిమా విషయంలో సంచలన నిర్ణయం తీసుకున్నారు. ఈ సినిమా ప్రీమియర్లను (Premieres) వేయాలని ఆలోచనలు చిత్ర బృందం ఉన్నట్టు తెలుస్తుంది. ఈ సినిమా డిసెంబర్ 5వ తేదీ పాన్ ఇండియా స్థాయిలో విడుదల కాబోతున్న నేపథ్యంలో ఒకరోజు ముందుగా అంటే డిసెంబర్ 4వ తేదీ సాయంత్రం ఈ సినిమా థియేటర్లలోకి రానుంది. ఇలా ఈ సినిమాకు పెయిడ్ ప్రీమియర్ వేయాలని చిత్ర బృందం నిర్ణయించుకున్నట్టు తెలుస్తోంది.
సాధారణంగా ప్రీమియర్లు అనేది చిన్న సినిమాలకు కంటెంట్ బేస్డ్ సినిమాలకు వేస్తారు. కేవలం పాజిటివ్ టాక్ కోసమే చిన్న సినిమాలకు ఇలా ప్రీమియర్లను ప్రసారం చేస్తూ ఉంటారు కానీ బాలయ్య లాంటి స్టార్ హీరోకి ప్రీమియర్లు అవసరంలేదని చెప్పాలి.అందులో బోయపాటి బాలయ్య కాంబో అంటేనే సూపర్ హిట్ కాంబినేషన్.. ఇలా వీరిద్దరి కాంబినేషన్లో రాబోతున్న ఆఖండ 2 సినిమాకి ప్రీమియర్లను ప్రసారం చేయబోతున్నారని తెలిసి అభిమానులు ఒకింత ఆశ్చర్యపోయినా, మరోవైపు సంతోషం వ్యక్తం చేస్తున్నారు. ఒకరోజు ముందుగానే బాలకృష్ణ అఖండ తాండవం ఏంటో చూపించబోతున్నారంటూ కామెంట్లు చేస్తున్నారు.
సంతోషపడుతున్న బాలయ్య అభిమానులు..
బాలకృష్ణ సినిమాకు ప్రీమియర్లను ప్రసారం చేయడం వెనుక కూడా నిర్మాతలు మంచి ప్రణాళికలను రచించారనే తెలుస్తుంది. ఇప్పటికే ఈ సినిమా పట్ల మంచి బజ్ ఉన్న నేపథ్యంలో పెయిడ్ ప్రీమియర్ల ద్వారా ఈ సినిమాకు పాజిటివ్ టాక్ వస్తే సినిమా పట్ల మరింత హైప్ పెరగడమే కాకుండా కలెక్షన్ల పై కూడా మంచి ప్రభావం చూపుతుందని అందుకే నిర్మాతలు ఇలాంటి నిర్ణయం తీసుకున్నారని కూడా తెలుస్తుంది. ఏది ఏమైనా బాలయ్య సినిమా ఒకరోజు ముందుగానే థియేటర్లలోకి రాబోతుందని తెలిసిన అభిమానులు మాత్రం సంతోషం వ్యక్తం చేస్తున్నారు. మరి నాలుగో సారి వీరిద్దరి కాంబోలో రాబోతున్న ఈ సినిమా ఎలాంటి రికార్డులను సృష్టిస్తుందో తెలియాల్సి ఉంది.
Share
Smriti Mandhana Wedding: బ్రేకప్.. హల్దీ ఫోటోలు డిలీట్ చేసిన స్మృతి మందాన..పలాష్ తో పెళ్లి రద్దు ?
Tourist Family Director: టూరిస్ట్ ఫ్యామిలీ డైరెక్టర్ చేతికి రజనీ 173 చిత్రం.. క్లారిటీ ఇచ్చిన నటుడు!
