Sardar 2 Collections: కోలీవుడ్ ఇండస్ట్రీలో నటుడిగా ఎంతో మంచి గుర్తింపు సంపాదించుకున్న వారిలో నటుడు కార్తీ (Karthi)ఒకరు. ఈయన పేరుకే కోలీవుడ్ హీరో అయినప్పటికీ తెలుగులో కూడా విపరీతమైన క్రేజ్ సొంతం చేసుకున్నారు. కార్తీ నటిస్తున్న ప్రతి ఒక్క సినిమా కూడా తెలుగులో ప్రేక్షకుల ముందుకు వస్తూ మంచి ఆదరణ సొంతం చేసుకుంటుంది .ఈ నేపథ్యంలోనే కార్తి పి ఎస్ మిత్రన్ దర్శకత్వంలో ప్రేక్షకుల ముందుకు వచ్చిన సర్దార్ సినిమా ఎలాంటి సక్సెస్ అందుకుందో ప్రత్యేకంగా చెప్పాల్సిన పనిలేదు. ఈ సినిమాకు మంచి సక్సెస్ కావడంతో ప్రస్తుతం సీక్వెల్ కూడా విడుదలకు సిద్ధంగా ఉంది.
కార్తీ, ఎస్ జె సూర్య ప్రధాన పాత్రలలో నటించిన సర్దార్ 2(Sardar 2) సెప్టెంబర్ 10వ తేదీ తెలుగు తమిళ భాషలలో ప్రేక్షకుల ముందుకు రావడానికి సిద్ధమవుతుంది. ఈ నేపథ్యంలోనే కార్తీ తెలుగులో కూడా పెద్ద ఎత్తున ప్రమోషన్ కార్యక్రమాలను నిర్వహిస్తున్నారు. ఈ ప్రమోషన్ కార్యక్రమాలలో భాగంగా ఎస్ జె సూర్య, కార్తీ ఇద్దరు కలిసి నటుడు మంచు మనోజ్ (Manchu Manoj)తో ఒక ఇంటర్వ్యూ నిర్వహించారు. ఈ ఇంటర్వ్యూలో భాగంగా ఎన్నో ఆసక్తికరమైన విషయాలను అభిమానులతో పంచుకున్నారు. ఇక మంచు మనోజ్ సర్దార్ 2 సినిమా గురించి మాట్లాడుతూ పలు విషయాలను తెలియచేశారు.
సర్దార్ సినిమా తెలుగులో చాలా మంచి సక్సెస్ అందుకుంది. ఇప్పుడు ఈ సినిమాకు సీక్వెల్ రాబోతుంది.. తాను కూడ సర్దార్ 2 ట్రైలర్ చూశానని ట్రైలర్ మాత్రం అదిరిపోయిందని మనోజ్ తెలిపారు. ఈ సినిమా ట్రైలర్ చూస్తుంటే మాత్రం ఖచ్చితంగా 500 కోట్ల కలెక్షన్లను రాబడుతుందని కేవలం తెలుగులో మాత్రమే ఈ వసూళ్లు వస్తాయనీ దాదాపు దురంధర్ సినిమా కలెక్షన్లకు దగ్గరగా సర్దార్ 2 కలెక్షన్లు వస్తాయని తెలిపారు.. ఈ విధంగా మంచు మనోజ్ ఈ సినిమాకు దురంధర్ రేంజ్ లో ఎలివేషన్ ఇవ్వటంతో ఈ కామెంట్స్ కాస్త వైరల్ అవుతున్నాయి.
ఇలా మనోజ్ ఈ సినిమా కలెక్షన్ల విషయంలో జోస్యం చెప్పడంతో ఈ సినిమాకు 500 కోట్లు వస్తే చాలా సంతోషం అంటూ కార్తీ కూడా ఆనందపడ్డారు. ఇక మనోజ్ చెప్పిన విధంగానే ఈ సినిమాకు 500 కోట్లు కలెక్షన్లు వస్తాయా? అంత నమ్మకం ఏంటి బ్రో అంటూ ఈ వ్యాఖ్యలపై అభిమానులు కామెంట్స్ చేస్తున్నారు. ఇక సర్దార్ 2 సినిమా స్పై థ్రిలలర్ గా ప్రేక్షకుల ముందుకు రాబోతున్న సంగతి తెలిసిందే. ఈ సినిమా మంచి సోషల్ మెసేజ్ ఉన్న సినిమాగా ప్రేక్షకుల ముందుకు రాబోతుంది. యాక్షన్ అవతార్ లో మాళవిక మోహనన్ సర్ప్రైజ్ చేస్తుండగా, ఆషికా రంగనాథ్, రజిషా విజయన్ కీలక పాత్రల్లో నటిస్తున్నారు. భారీ బడ్జెట్‌తో తెరకెక్కిన ఈ సినిమాను ఈ నెల 10 తెలుగు, తమిళ భాషలలో ప్రేక్షకుల ముందుకు తీసుకురాబోతున్నారు. మరి ఈ సినిమా మనోజ్ చెప్పిన విధంగానే ధరందర్ కు దీటుగా కలెక్షన్లను రాబడుతుందా లేదా అనేది తెలియాల్సి ఉంది.
Also Read:‘బిగ్ బాస్’ హౌస్‌లోకి జంటగా బాలు, మీనా.. మరి ‘గుండె నిండా గుడి గంటలు’ పరిస్థితి ఏమిటీ?
Share
రోజుకి రూ.6 ఖర్చుతో ఏడాదికి పైగా అన్లిమిటెడ్ కాల్స్, 824GB డేటా.. BSNL దిమ్మతిరిగే ఆఫర్!
అర్ధరాత్రి నిద్రలోనే దాడి చేసే ఆత్మలు... నిద్రపోవడానికి కూడా భయపడే హర్రర్ థ్రిల్లర్
