బాలీవుడ్ కు దూరంగా నాగచైతన్య..లాల్ సింగ్ చద్దా డిజాస్టర్ కారణమా?

Nagachaitanya: అక్కినేని వారసుడిగా టాలీవుడ్ ఇండస్ట్రీలో వరుస సినిమాలో నటిస్తూ బిజీగా ఉన్న వారిలో నటుడు నాగచైతన్య(Nagachaitanya) ఒకరు. ప్రస్తుతం తెలుగు చిత్ర పరిశ్రమలో ఈయన వరుస సినిమాలకు కమిట్ అవుతూ కెరియర్ పరంగా బిజీగా ఉన్నారు. ఇక నాగచైతన్య కేవలం తెలుగు సినిమాలు మాత్రమే కాకుండా బాలీవుడ్ ఇండస్ట్రీలోకి కూడా అడుగుపెట్టిన సంగతి తెలిసిందే. బాలీవుడ్ ఇండస్ట్రీలో ఈయన ప్రముఖ నటుడు అమీర్ ఖాన్ (Aamirkhan)తో కలిసి లాల్ సింగ్ చద్దా(Laal Singh Chaddha) అనే సినిమాలో నటించిన సంగతి తెలిసిందే .ఈ సినిమా2022 లో ప్రేక్షకుల ముందుకు వచ్చింది ఎన్నో అంచనాల నడుమ ఈ సినిమా విడుదలైనప్పటికీ పెద్దగా ప్రేక్షకులను ఆకట్టుకోలేకపోయింది.

నిరాశ పరచిన లాల్ సింగ్ చద్దా..

ఈ నేపథ్యంలోనే నాగచైతన్య తదుపరి బాలీవుడ్ సినిమాలకు పూర్తిగా దూరంగా ఉన్నారు. బాలీవుడ్ సినిమాలకు ఈయన దూరం అవ్వడానికి గల కారణం ఏంటి అంటూ అభిమానుల సందేహాలను వ్యక్తం చేశారు. బహుశా మొదటి సినిమానే అక్కడ డిజాస్టర్ గా మారడంతో తదుపరి సినిమాలలో అవకాశం రాలేదని అభిమానులు భావిస్తున్నారు. ఈ నేపథ్యంలోనే తదుపరి బాలీవుడ్ ఇండస్ట్రీలో ఎందుకు సినిమాలు చేయలేదనే విషయంపై తాజాగా నాగచైతన్య క్లారిటీ ఇచ్చారు.

తెలుగులో అవకాశాలు రావటమే కారణమా..

ఈ విషయం గురించి నాగచైతన్య మాట్లాడుతూ.. తాను తిరిగి బాలీవుడ్ సినిమాలు చేయకపోవడానికి కారణం అంటూ ఏమీ లేదని తెలిపారు. ప్రస్తుతం తనకు తెలుగులో వరుస సినిమా అవకాశాలు వస్తున్న నేపథ్యంలోనే తెలుగు సినిమాలలో బిజీగా ఉన్నానని అందుకే బాలీవుడ్ వైపు ఫోకస్ పెట్టలేదని తెలిపారు. లాల్ సింగ్ చద్దా కారణంగా బాలీవుడ్ ఇండస్ట్రీలో వెనకడుగు వేయలేదని ప్రస్తుతం మంచి అవకాశాలు వస్తే తప్పకుండా బాలీవుడ్ సినిమాలలో నటిస్తాను అంటూ ఈ సందర్భంగా నాగచైతన్య బాలీవుడ్ ఇండస్ట్రీకి గ్యాప్ ఇవ్వడం గురించి క్లారిటీ ఇచ్చారు.

అంచనాలు పెంచిన వృషకర్మ గ్లింప్స్..

ఇక ప్రస్తుతం నాగచైతన్య తెలుగు సినిమాల విషయానికి వస్తే ఇటీవల చందు మొండేటి దర్శకత్వంలో ఈయన తండేల్ సినిమాలో నటించి మంచి సక్సెస్ అందుకున్నారు .ప్రస్తుతం ఈయన కార్తీక్ వర్మ దండు దర్శకత్వంలో వృషకర్మ(Vrusha karma) అనే సినిమా పనులలో బిజీగా ఉన్న సంగతి తెలిసిందే. నాగచైతన్య కెరియర్లో ఇది మొట్టమొదటి పని ఇండియా సినిమా కావటం విశేషం. మైథాలాజికల్ నేపథ్యంలో ఈ సినిమా ప్రేక్షకుల ముందుకు రాబోతోంది. ఇటీవల ఈ సినిమా నుంచి విడుదల చేసిన గ్లింప్స్ ఎంతో మంచి ఆదరణను సొంతం చేసుకుంది. ఇక ఈ సినిమాలో నాగచైతన్య జోడిగా మీనాక్షి చౌదరి హీరోయిన్ల నటిస్తున్నారు ఈ సినిమా జూన్ లేదా జూలై నెలలో ప్రేక్షకుల ముందుకు రాబోతుందని తెలుస్తుంది.

Also Read: అల్లు అర్జున్ బర్త్ డే స్పెషల్… బిగ్ ట్రీట్ ప్లాన్ చేస్తున్న అట్లీ.. ఫాన్స్ కు పూనకాలే..