Nenu Ready Teaser Review: నువ్విలా, జీనియస్, రామ్ లీల, సెవెన్ వంటి సినిమాలతో తనకంటూ ఒక ప్రత్యేక గుర్తింపు తెచ్చుకున్న యంగ్ హీరో హవిష్ ఇప్పుడు మరో కొత్త కమర్షియల్ ఎంటర్టైనర్తో ప్రేక్షకుల ముందుకు రానున్నారు. మాస్తో పాటు ఫ్యామిలీ ప్రేక్షకులను అలరించే సినిమాలు రూపొందించడంలో ప్రత్యేక గుర్తింపు తెచ్చుకున్న దర్శకుడు త్రినాధ రావు నక్కిన దర్శకత్వంలో తెరకెక్కుతున్న.. ఈ సినిమా పేరు నేను రెడీ.
సినిమా చూపిస్తా మామ, నేను లోకల్, ధమాకా, మజాకా వంటి విజయవంతమైన చిత్రాలను అందించిన త్రినాధ రావు నక్కిన, ఈసారి నేను రెడీ సినిమాను పూర్తిస్థాయి కమర్షియల్ ఫ్యామిలీ ఎంటర్టైనర్గా తెరకెక్కిస్తున్నారు. ఈ చిత్రాన్ని హర్నిక్స్ ఇండియా LLP బ్యానర్పై నిర్మాత నిఖిల కొనేరు నిర్మిస్తున్నారు. ఈ సినిమాలో కథానాయికగా కావ్య థాపర్ నటిస్తోంది.
ఇటీవల విడుదలైన నేను రెడీ సినిమా టీజర్ ప్రేక్షకుల్లో మంచి బజ్ను క్రియేట్ చేసింది. కథ విషయానికి వస్తే, ఇది రెండు మధ్యతరగతి కుటుంబాల చుట్టూ తిరుగుతుంది. ఒక ప్రైవేట్ కంపెనీలో పని చేస్తూ కుటుంబాన్ని నడిపించే బాధ్యత గల యువకుడిగా హవిష్ కనిపిస్తాడు. అతనికి తెలంగాణకు చెందిన అమ్మాయితో పెళ్లి కుదురుతుంది. అయితే పెళ్లి తర్వాత రెండు కుటుంబాల మధ్య ఉన్న సంస్కృతి, అలవాట్లు, భోజనపు అభిరుచుల్లో తేడాల వల్ల సరదా సరదా సంఘటనలు చోటుచేసుకుంటాయి.
ఈ సినిమాలో హవిష్ బాధ్యతాయుతమైన హీరోగా, మంచి కామెడీ టైమింగ్తో ప్రేక్షకులను నవ్విస్తాడు. కావ్య థాపర్ చలాకీగా, గ్లామర్తో కూడిన వధువు పాత్రలో ఆకట్టుకుంటుంది. దర్శకుడు త్రినాధ రావు నక్కినకు ఉన్న హ్యూమర్ టచ్ ప్రతి సన్నివేశంలోనూ స్పష్టంగా కనిపిస్తుంది.
హాస్యాన్ని మరింత పెంచేలా బ్రహ్మానందం, శ్రీలక్ష్మి, వెన్నెల కిషోర్, వీటీవీ గణేష్ కీలక పాత్రల్లో నటిస్తున్నారు. సినిమాటోగ్రఫీని నిజార్ షఫీ అందిస్తుండగా.. మిక్కీ జే మేయర్ సంగీతం సినిమాకు మరింత ఉత్సాహాన్ని ఇస్తోంది.
ప్రస్తుతం షూటింగ్ చివరి దశలో ఉన్న నేను రెడీ చిత్రం వేసవిలో విడుదలకు సిద్ధమవుతోంది. కుటుంబ సమేతంగా థియేటర్లలో చూసి ఆనందించదగిన వినోదాత్మక సినిమాగా ఇది ప్రేక్షకులను అలరించనుంది.
ALSO READ: Vijay Thalapathy : విజయ్ మరో షాక్.. సీబీఐ ఎదుట విచారణకు హాజరు..
Share
Japan Sleep: జపనీయులు నిద్రపోయేది 6 గంటలే.. కానీ అంత ఆరోగ్యంగా ఎలా ఉంటారో
Top 20 News Today: ల్యాండ్ పూలింగ్ ప్రక్రియను ప్రారంభించిన మంత్రి, చైనీస్ మాంజాపై పోలీసుల ఉక్కుపాదం
