Ustaad Bhagat Singh: ‘ఉస్తాద్ భగత్ సింగ్’ నుంచి సెకండ్ సింగిల్ వచ్చేది అప్పుడే.. ఫ్యాన్స్ రెడీగా ఉండండి..

Ustaad Bhagat Singh: ‘ఓజీ’ హిట్ తర్వాత మంచి జోష్ మీద ఉన్న పవన్ కళ్యాణ్ ‘ఉస్తాద్ భగత్ సింగ్’ తో ప్రేక్షకుల ముందుకురాబోతున్నారు. ఇప్పటికే ఈ సినిమా విడుదల తేదీ కూడా ఖారారు చేశేశారు. ఈ సినిమా నుంచి విడుదలైన మొదటి సింగిల్ ఏ రేంజ్ హిట్ సాధించిందో తెలిసిందే. రిలీజ్ డేట్ కూడా దగ్గరపడటంతో ప్రమోషన్లు మొదలు పెట్టేసింది. ఈ క్రమంలో సెకండ్ సింగిల్ విడుదల చేసేందుకు మూవీ టీం సిద్ధమైంది. ఈ చిత్రం నుంచి రెండో పాటను ఫిబ్రవరి 15న శివరాత్రికి విడుదల చేసేందుకు ప్లాన్ చేస్తున్నారు. ఇప్పటికే విడుదలై ప్రచార చిత్రాలు పవర్ స్టార్ ఫ్యాన్ లో మంచి జోష్ నింపాయి. గబ్బర్ సింగ్ కాంబో దేవీశ్రీ ప్రసాద్ కూడా ఈ సినిమాలో భాగం కావడంతో ఈ సినిమాపై అంచనాలు మరింత పెరిగాయి. దీంతో ఈ మూవీ నుంచి వచ్చే అప్డేట్స్ కోసం పవన్ అభిమానులు ఆసక్తిగా ఎదురు చూస్తున్నారు. మార్చి 26, 2026న ప్రపంచ వ్యాప్తంగా ప్రేక్షకుల ముందుకు రానుంది.

ఈ సినిమాలో పవన్ కు జోడీగా శ్రీలీల నటిస్తోంది. మరో హీరోయిన్ పాత్రలో రాశీ ఖన్నా నటిస్తున్నారు. అశుతోష్ రాణా, గౌతమి, నాగ మహేష్, టెంపర్ వంశీ, కేజీఎఫ్ ఫేమ్ అవినాష్ కీలక పాత్రల్లో కనిపిస్తారు. హీరీష్ శంకర్ దర్శకత్వంలో వస్తున్న ఈ సినిమాను మైత్రీ మూవీ మేకర్స్ నిర్మిస్తోంది. రాక్ స్టార్ దేవి శ్రీ ప్రసాద్ సంగీతాన్ని అందిస్తుండగా, దశరధ్ స్క్రీన్‌ప్లే బాధ్యతలు నిర్వహిస్తున్నారు. గబ్బర్ సింగ్ వంటి బ్లాక్ బస్టర్ హిట్ తర్వాత పవన్ కళ్యాణ్ – హరీష్ శంకర్ కాంబినేషన్లో వస్తున్న సినిమా కావడంతో ఈ చిత్రంపై భారీ అంచనాలు నెలకొన్నాయి. రాక్ స్టార్ దేవీ శ్రీ ప్రసాద్ సంగీతం అందిస్తున్నరు కాబట్టి వీరిద్దరి కాంబినేషన్లో వచ్చిన అన్ని సినిమాలు మ్యూజిక్ బ్లాక్ బాస్టర్లుగా నిలిచాయి. ఇది కూడా అదే స్థాయిలో విజయం సాధిస్తుందని అభిమానులు ఆశిస్తున్నారు.