‘పెద్ది’ వీకెండ్ కలెక్షన్లు చూస్తే షాక్ అవ్వాల్సిందే.. రామ్ చరణ్ కెరీర్ లోనే..

Peddi Collections: మెగా పవర్‌స్టార్ రామ్ చరణ్, ‘ఉప్పెన’ ఫేమ్ బుచ్చిబాబు సన కాంబినేషన్‌లో వచ్చిన మోస్ట్ ఎవైటెడ్ మాస్ యాక్షన్ ఎంటర్‌టైనర్ ‘పెద్ది’ (PEDDI) బాక్సాఫీస్ వద్ద కలెక్షన్ల సునామీ సృష్టిస్తోంది. రిలీజ్ అయిన మొదటి రోజు నుంచే పాజిటివ్ టాక్‌తో దూసుకుపోతున్న ఈ చిత్రం, కేవలం 7 రోజుల్లోనే ప్రపంచవ్యాప్తంగా రూ.345 కోట్లకు పైగా గ్రాస్ వసూలు చేసి సరికొత్త రికార్డులను లిఖించింది. బాక్సాఫీస్ వద్ద ‘రియల్ ఛాంపియన్’గా నిలిచింది ‘పెద్ది’.

సరికొత్త రికార్డులతో..

రామ్ చరణ్ గ్లోబల్ స్టార్‌డమ్‌కు బుచ్చిబాబు మార్క్ ఎమోషన్స్ తోడవడంతో థియేటర్ల వద్ద పండగ వాతావరణం నెలకొంది. తొలి వారం ముగిసేసరికి ఈ చిత్రం తెలుగు రాష్ట్రాలతో పాటు ఓవర్సీస్, నార్త్ ఇండియాలోనూ భారీ వసూళ్లను సాధించింది. రూ. 345 కోట్ల మైలురాయిని కేవలం వారం రోజుల్లోనే దాటడం రామ్ చరణ్ కెరీర్‌లో వన్ ఆఫ్ ది బిగ్గెస్ట్ మైలురాయిగా నిలిచింది. ట్రేడ్ వర్గాల అంచనాల ప్రకారం ఈ చిత్రం లాంగ్ రన్‌లో మరిన్ని రికార్డులను బద్దలు కొట్టడం ఖాయంగా కనిపిస్తోంది.

‘పెద్ది’ సినిమా ఇంతటి భారీ విజయాన్ని అందుకోవడంలో టెక్నికల్ టీమ్ పాత్ర ఎంతో కీలకమైనది. ఆస్కార్ విజేత ఎ.ఆర్. రెహమాన్ అందించిన బ్యాక్‌గ్రౌండ్ స్కోర్ (BGM,) సాంగ్స్ సినిమాను మరో లెవెల్‌కు తీసుకెళ్లాయి. ముఖ్యంగా ఎమోషనల్ సీన్స్‌లో ఆయన మ్యూజిక్ థియేటర్లలో రోమాంచితమైన అనుభూతిని ఇస్తోంది. రత్నవేలు అందించిన సినిమాటోగ్రఫీ సినిమాకు మెయిన్ పిల్లర్‌గా నిలిచింది. ప్రతి ఫ్రేమ్‌ను ఎంతో రిచ్‌గా, సహజత్వానికి దగ్గరగా చూపించారు. నవీన్ నూలి ఎడిటింగ్ సినిమా ఎక్కడా ల్యాగ్ లేకుండా వేగంగా సాగిపోయేలా చేయడంలో సక్సెస్ అయింది.

నిర్మాణ విలువలు

వృద్ధి సినిమాస్ సమర్పణలో మైత్రీ మూవీ మేకర్స్, సుకుమార్ రైటింగ్స్ సంయుక్తంగా ఈ చిత్రాన్ని ఎక్కడా కాంప్రమైజ్ కాకుండా భారీ బడ్జెట్‌తో నిర్మించాయి. జాన్వీ కపూర్ కథానాయికగా నటించిన ఈ చిత్రంలో కన్నడ సూపర్ స్టార్ శివ రాజ్‌కుమార్, జగపతి బాబు కీలక పాత్రల్లో మెరిశారు. బాక్సాఫీస్ వద్ద భారీ కలెక్షన్లతో సంచలనం సృష్టిస్తున్న ‘పెద్ది’ చిత్రం, రామ్ చరణ్ ఖాతాలో మరొక సాలిడ్ ఇండస్ట్రీ హిట్ గా నిలిచిందని చెప్పడంలో ఎలాంటి సందేహం లేదు. ప్రస్తుతం ఈ చిత్రం ప్రపంచవ్యాప్తంగా రికార్డు కలెక్షన్లతో దూసుకుపోతుంది.

BOX OFFICE CHAMPION 💥💥#Peddi collects a gross of over 345 CRORES WORLDWIDE in 7 days ❤‍🔥#PEDDI Now In Cinemas 💥https://t.co/EMhY3eMGKq pic.twitter.com/5p6FrjrmUv

— PEDDI (@PeddiMovieOffl) June 11, 2026