Prabhas Upcoming Movie: మారుతీతో మళ్ళీ ప్రభాస్ సినిమా.. ఇదేం కర్మ రా బాబు..!

Prabhas Upcoming Movie: మారుతీ దర్శకత్వంలో ప్రభాస్ హీరోగా వచ్చిన ది రాజా సాబ్ సినిమా ఎంత పెద్ద చర్చకు దారి తీసిందో అందరికీ తెలిసిందే. సంక్రాంతికి విడుదలైన ఈ సినిమా భారీ అంచనాలతో థియేటర్లకు వచ్చింది. కానీ విడుదలైన తర్వాత బాక్సాఫీస్ వద్ద తీవ్రంగా నిరాశపరిచింది. సినిమా చూసిన ప్రేక్షకుల్లో ఎక్కువ మంది అసంతృప్తి వ్యక్తం చేశారు.

ప్రభాస్ రేంజిలో లేవా..

ముఖ్యంగా సినిమాలో విజువల్ ఎఫెక్ట్స్ చాలా బలహీనంగా ఉన్నాయని కామెంట్స్ వచ్చాయి. ప్రభాస్ లాంటి స్టార్ హీరోకి సరైన స్థాయిలో గ్రాఫిక్స్ ఉపయోగించలేదని అభిమానులు మండిపడ్డారు. అలాగే ప్రభాస్ బాడీ డబుల్ వాడకం.. కూడా చాలా చోట్ల స్పష్టంగా కనిపించిందని విమర్శలు వచ్చాయి. దీంతో సినిమా చూస్తున్నప్పుడు కనెక్ట్ అవ్వలేకపోయామని ప్రేక్షకులు చెప్పుకున్నారు.

ఇక ఈ సినిమా ఫ్లాప్‌కు కారణం ప్రభాస్ కాదు, మారుతీ నిర్లక్ష్యమే అని ఒక వర్గం వాదించింది. ప్రభాస్ తన పాత్రకు న్యాయం చేసినా, దర్శకత్వంలో స్పష్టత లేకపోవడం వల్లే సినిమా డిజాస్టర్ అయిందని టాక్ నడిచింది. అంతేకాదు, విజువల్ ఎఫెక్ట్స్ పేరుతో ప్రొడ్యూసర్ల నుంచి భారీ మొత్తాలు ఖర్చయ్యాయని..ఆ విషయంలో కూడా అనేక అనుమానాలు వ్యక్తమయ్యాయి.

ఈ క్రమంలో మారుతీపై ప్రభాస్ అభిమానులు సోషల్ మీడియాలో తీవ్ర విమర్శలు చేశారు. కొన్ని సందర్భాల్లో ఈ ట్రోలింగ్ హద్దులు దాటిందనే చెప్పాలి. ఈ వివాదాల మధ్య ఇక ప్రభాస్ – మారుతీ కాంబినేషన్ మళ్లీ రాదు అని చాలా మంది భావించారు.

కానీ ఇప్పుడు వినిపిస్తున్న వార్తలు అందరికీ షాక్ ఇస్తున్నాయి. తాజా సమాచారం ప్రకారం ప్రభాస్ మరోసారి మారుతీకే తన కొత్త సినిమా అవకాశం ఇచ్చారట. అంతేకాదు, ఈ ప్రాజెక్ట్ కోసం ప్రభాస్ ఇప్పటికే హోంబాలే ఫిల్మ్స్ ద్వారా మారుతీకి అడ్వాన్స్ కూడా ఏర్పాటు చేసినట్లు టాక్.

ప్రస్తుతం మారుతీ స్క్రిప్ట్ పనిలో బిజీగా ఉన్నారని సమాచారం. స్క్రిప్ట్ పూర్తయ్యాక ప్రభాస్ ఈ సినిమాను ముందుకు తీసుకెళ్లాలని భావిస్తున్నారట. “Man with a Gold Heart” అని ప్రభాస్‌ను ఎందుకు అంటారో దీనితో మరోసారి అర్థమవుతోందని అభిమానులు మాట్లాడుకుంటున్నారు.

మారుతికి మళ్ళీ ట్రోలింగ్..

ఇంతటి విమర్శలు, ట్రోలింగ్ ఎదురైనా మారుతీకి మరో ఛాన్స్ ఇవ్వడం ప్రభాస్ గొప్ప మనసుకు నిదర్శనమని ఒక వర్గం అంటోంది. అయితే మరో వర్గం మాత్రం “ఇదేం కర్మ రా బాబు” అంటూ ఆశ్చర్యం వ్యక్తం చేస్తోంది. ఈసారి అయినా ఈ కాంబినేషన్ సక్సెస్ అవుతుందా లేదా అనేది కాలమే చెప్పాలి.

Also Read: Prabhas: తెలుగు స్టార్ హీరోని భయపెడుతున్న ప్రభాస్ సినిమా దర్శకుడు..!