Jr.NTR -Neel : యంగ్ టైగర్ ఎన్టీఆర్ ప్రస్తుతం ప్రశాంత్ నీల్ దర్శకత్వంలో ఓ సినిమా చేస్తున్న సంగతి తెలిసిందే. ఈ సినిమా ప్రస్తుతం డ్రాగన్ అనే వర్కింగ్ టైటిల్ తో షూటింగ్ పనులను జరుపుకుంటుంది. ఈ సినిమాకు ఈ టైటిల్ కాకుండా మరొక టైటిల్ ఉందని త్వరలోనే ఈ టైటిల్ అధికారికంగా ప్రకటించబోతున్నట్లు చిత్ర బృందం తెలియచేశారు. ప్రస్తుతం ఈ సినిమా షూటింగ్ పనులు జరుగుతున్నాయి. గత కొన్ని నెలలుగా ఈ సినిమా షూటింగ్ జరుగుతున్నప్పటికీ కేవలం 40 శాతం మాత్రమే షూటింగ్ పనులు పూర్తి అయ్యాయని తెలుస్తోంది. ఇక ఈ సినిమాని 2027లో ప్రేక్షకుల ముందుకు తీసుకురాబోతున్నారు.
ఇక ఈ సినిమా భారీ యాక్షన్ సినిమాగా ప్రేక్షకుల ముందుకు రాబోతున్న సంగతి తెలిసిందే. పలు యాక్షన్ సన్ని వేషాలకు సంబంధించిన సీన్లు సోషల్ మీడియాలో కూడా గతంలో వైరల్ అయ్యాయి. తాజాగా ఈ సినిమాకు సంబంధించి ఒక వార్త సోషల్ మీడియాలో వైరల్ అవుతుంది. ఈ సినిమాలో ఒక భారీ యాక్షన్ సన్నివేశాన్ని ప్రశాంత్ ప్లాన్ చేశారని తెలుస్తోంది. అయితే ఈ యాక్షన్ ఎపిసోడ్ ఎగురుతున్న ఫ్లైట్ లో ఉండే విధంగా డైరెక్టర్ ప్లాన్ చేసినట్టు సమాచారం.
మూవీ ఇంటర్వెల్ కి సంబంధించిన ఈ యాక్షన్ ఎపిసోడ్ హీరో విలన్ మధ్య కొనసాగుతుందని తెలుస్తోంది. ఇప్పటివరకు ఏ సినిమాలో కూడా లేనివిధంగా మొదటి సారి ప్రశాంత్ నీల్ డ్రాగన్ సినిమాలో ఇలాంటి యాక్షన్ ఎపిసోడ్ పెట్టబోతున్నారనే విషయం తెలిసిన అభిమానులు ఎంతో సంతోషం వ్యక్తం చేస్తున్నారు. అయితే మరి కొంతమంది మాత్రం ఈ వార్తలపై విభిన్న రీతిలో స్పందిస్తున్నారు . అసలు గాల్లో ఎగురుతున్న ఫ్లైట్ లో యాక్షన్ ఎపిసోడ్ ఏంటి.. వర్కౌట్ అయితే పర్లేదు కానీ లేదంటే మొదటికే మోసం వస్తుంది అంటూ ఈ విషయంపై వారి అభిప్రాయాలను తెలుపుతూ కామెంట్లు చేస్తున్నారు.
ఎన్టీఆర్ జోడిగా రుక్మిణి వసంత్..
ఇక ప్రశాంత్ నీల్ దర్శకత్వంలో ఇప్పటివరకు ప్రేక్షకుల ముందుకు వచ్చిన సినిమాలు పాన్ ఇండియా స్థాయిలో అద్భుతమైన విజయాలను అందుకున్నాయి. ఈ నేపథ్యంలోనే ఎన్టీఆర్ సినిమాపై కూడా భారీ స్థాయిలోనే అంచనాలు ఉన్నాయి. ఇక ఈ సినిమా వచ్చే ఏడాది ప్రేక్షకుల ముందుకు రాబోతుంది. ఇక ఈ సినిమాలో ఎన్టీఆర్ జోడిగా రుక్మిణి వసంత్ హీరోయిన్ గా నటిస్తున్నారు. ఇక ఈ సినిమాలో సీనియర్ నటి కుష్బూ బాలీవుడ్ నటుడు అనిల్ కపూర్ వంటి తదితరులు కూడా కీలక పాత్రలలో కనిపించబోతున్నట్లు వార్తలు వస్తున్నాయి కానీ ఇప్పటివరకు అధికారక ప్రకటన మాత్రం వెలబడలేదు.
Also Read: బాలీవుడ్ కు దూరంగా నాగచైతన్య..లాల్ సింగ్ చద్దా డిజాస్టర్ కారణమా?
Share
నా కాళ్లు మొక్కినా ఎవడినీ వదలను..బాల్ టాంపరింగ్ పై జై షా హెచ్చరిక
అర్థరాత్రి వరకే డెడ్ లైన్.. ఇప్పటికే 80 ప్రాపర్టీలు సీజ్ చేసిన అధికారులు
