Rajasekhar’s Role: శర్వానంద్ ‘బైకర్‌’ లో రాజశేఖర్ పాత్ర ఇదే.. ఒపీనియనే కదా మారుద్దాం!

Rajasekhar’s Role: టాలీవుడ్ యంగ్ హీరో శర్వానంద్, సీనియర్ హీరో రాజశేఖర్ కాంబినేషన్‌లో వస్తున్న క్రేజీ ప్రాజెక్ట్ ‘బైకర్’. తాజాగా ఈ సినిమా నుంచి లేటెస్ట్ అప్‌డేట్ వచ్చేసింది. బైకర్స్ నేపథ్యంలో తెరకెక్కుతున్న ఈ సినిమాలో రాజశేఖర్ పాత్రకు సంబంధించిన గ్లింప్స్ ను చిత్ర యూనిట్ అధికారికంగా విడుదల చేసింది. ఈ సినిమాలో రాజశేఖర్ ఒక కీలక పాత్రలో కనిపిస్తున్నారు. ఆయన పాత్ర పేరు ‘బుల్లెట్ సునీల్’. ఈ పేరు వినడానికి విభిన్నంగా ఉండటమే కాకుండా, రాజశేఖర్ లుక్ కూడా చాలా పవర్‌ఫుల్‌గా ఉంది. రఫ్ అండ్ టఫ్ మేకోవర్‌తో, వింటేజ్ రాయల్ ఎన్‌ఫీల్డ్ బైక్‌పై రాజశేఖర్ కనిపిస్తున్న తీరు అభిమానులను ఆకట్టుకుంటోంది. ఇది కేవలం అతిథి పాత్ర మాత్రమే కాకుండా, కథను మలుపు తిప్పే కీలకమైన పాత్ర అని సమాచారం. శర్వానంద్ లాంటి డైనమిక్ యాక్టర్ పక్కన రాజశేఖర్ లాంటి సీనియర్ హీరో తోడవ్వడం సినిమాపై అంచనాలను పెంచింది.

అభిరామ్ దొగ్గిరాల దర్శకత్వంలో రూపొందుతున్న ఈ చిత్రం పక్కా స్పోర్ట్స్ డ్రామాగా, ముఖ్యంగా బైక్ రేసింగ్ చుట్టూ తిరుగుతుంది. స్పోర్ట్స్ డ్రామా లో రాబోతున్న ఈ చిత్రానికి ఘంటసాల భరణి సంగీతాన్ని అందిస్తున్నారు. యూవీ క్రియేషన్స్ బ్యానర్‌పై ఈ సినిమా రూపొందుతోంది. చాల కాలం తర్వాత రాజశేఖర్ ఒక వైవిధ్యమైన, మాస్ టచ్ ఉన్న పాత్రలో కనిపిస్తుండటంతో, ఆయన అభిమానులు ఈ సినిమా కోసం ఆసక్తిగా ఎదురుచూస్తున్నారు. ఇప్పటికే ఈ సినిమా విడదల కావాల్సి ఉంది. గత ఏడాది డిసెంబర్ 12న విడుదలకు సిద్ధం అవగా బాలయ్య బాబు ‘అఖండ 2’ విడుదల సందర్భంగా వాయిదా పడింది. ‘నారీ నారీ నడుమ మురారీ’ అంటూ సంక్రాంతి బరిలోకి దిగిన శర్వానంద్ ఆ సినిమా మంచి హిట్ టాక్ తెచ్చుకుంది. ఈ సినిమాతో అదే జోష్ కొనసాగిద్దాం అనుకుంటున్నాడు శర్వానంద్.