రామాయణ తెలుగు ప్రీ రిలీజ్ ఈవెంట్ డేట్ ఫిక్స్..ఎప్పుడు? ఎక్కడంటే?

Ramayana Telugu Pre Release: బాలీవుడ్ డైరెక్టర్ నితీష్ తివారి దర్శకత్వంలో తెరకెక్కుతున్న అత్యంత భారీ బడ్జెట్ చిత్రం రామాయణ (Ramayana). ఇదివరకు రామాయణం ఆధారంగా ఎన్నో సినిమాలు ప్రేక్షకుల ముందుకు వచ్చిన సంగతి తెలిసిందే. ఈ నేపథ్యంలోనే నితీష్ తివారి సైతం మరోసారి రామాయణ(Ramayana) సినిమా ద్వారా ప్రేక్షకుల ముందుకు రావడానికి సిద్ధమవుతున్నారు. రెండు భాగాలుగా తెరకెక్కిన ఈ సినిమా మొదటి భాగం ప్రేక్షకుల ముందుకు రావడానికి సిద్ధమవుతోంది.

అక్టోబర్ 19న ప్రీ రిలీజ్ ఈవెంట్..

రామాయణ సినిమా మొదటి భాగం దీపావళి పండుగను పురస్కరించుకొని నవంబర్ 5వ తేదీ ఎంతో ఘనంగా పాన్ ఇండియా స్థాయిలో ప్రేక్షకుల ముందుకు రావడానికి సిద్ధమవుతోంది. ఈ నేపథ్యంలోనే ప్రమోషన్ కార్యక్రమాలను కూడా వేగవంతం చేశారు. ఇక తాజాగా ఈ సినిమా ప్రమోషన్లలో భాగంగా తెలుగులో ప్రీ రిలీజ్ (Telugu Pre Release) వేడుకను ఎంతో ఘనంగా నిర్వహించబోతున్నారు. తాజాగా ఈ వేడుకకు సంబంధించిన వివరాలను చిత్ర బృందం వెల్లడించారు. ఈ సినిమా తెలుగు ప్రీ రిలీజ్ వేడుకను అక్టోబర్ 19వ తేదీ సాయంత్రం ఐదు గంటలకు జెఆర్ సీ కన్వెన్షన్, హైదరాబాద్ లో ఎంతో ఘనంగా జరగబోతుందని చిత్ర బృందం పోస్టర్ ద్వారా తెలియజేశారు.

ముఖ్యఅతిథిగా రాజమౌళి?

ఇక ఈ కార్యక్రమంలో భాగంగా చిత్ర బృందం పాల్గొనబోతున్నారు అయితే టాలీవుడ్ ఇండస్ట్రీ నుంచి ఈ కార్యక్రమానికి ముఖ్య అతిథులు ఎవరు అనే విషయంపై చిత్రబృందం ఇంకా క్లారిటీ ఇవ్వలేదు.ఇక ఈ సినిమా వేడుకలో భాగంగా రాజమౌళి ముఖ్య అతిథిగా పాల్గొనబోతున్నారని సమాచారం. ఈ సినిమాలో రణబీర్ కపూర్(Ranbir Kapoor) రాముడి పాత్రలో కనిపించగా సీత పాత్రలో నేచురల్ బ్యూటీ సాయి పల్లవి(Sai Pallavi) సందడి చేయబోతున్నారు. ఇదివరకే ఈ సినిమా నుంచి విడుదల చేసిన అప్డేట్స్ సినిమా పట్ల మంచి అంచనాలను పెంచేసాయి.

రావణాసురుడిగా యష్..

మరి నవంబర్ 5వ తేదీ ప్రేక్షకుల ముందుకు రాబోతున్న రామాయణ ఏ విధమైనటువంటి సక్సెస్ అందుకుంటుంది అనేది తెలియాల్సి ఉంది. ఈ సినిమాలో రావణాసురుడి పాత్రలో ప్రముఖ పాన్ ఇండియా స్టార్ హీరో యశ్ (Yash) నటించబోతున్న సంగతి తెలిసిందే.సన్నీ డియోల్ హనుమంతుడు, రవి దూబే లక్ష్మణుడు, అమితాబ్ బచ్చన్ జటాయు పాత్రలో కనిపించబోతున్నారు. ఈ సినిమాని నమిత్ మల్హోత్రా, యష్ సంయుక్తంగా నిర్మిస్తున్న సంగతి తెలిసిందే. ఇటీవల టాక్సిక్ సినిమా ద్వారా ప్రేక్షకుల ముందుకు వచ్చింది నిరాశ ఎదుర్కొన్న నటుడు యష్ రామాయణ సినిమా పైనే భారీ అంచనాలు పెట్టుకున్నారు. ఇక ఈ సినిమాలో ఈయన నెగిటివ్ పాత్రలో కనిపిస్తున్న నేపథ్యంలో సినిమా పట్ల మంచి అంచనాలు ఉన్నాయి.

Also Read: నా కోరిక నెరవేరలేదు.. ఎమ్మెస్ సుబ్బలక్ష్మి బయోపిక్ పై విద్యాబాలన్ కామెంట్స్!