Anil Ravipudi: యాక్షన్.. కట్ మీరే చెప్పేయండి.. ఫైనల్లీ తన సినిమాపై అప్డేట్ ఇచ్చిన అనిల్ రావిపూడి!

Anil Ravipudi: పటాస్ సినిమా ద్వారా దర్శకుడిగా ఇండస్ట్రీకి పరిచయమైన అనిల్ రావిపూడి ఇప్పటివరకు తన కెరియర్ లో తొమ్మిది సినిమాలకు దర్శకత్వం వహించారు. ఈ తొమ్మిది సినిమాలు కూడా మంచి సక్సెస్ కావడంతో అనిల్ రావిపూడి పేరు ప్రస్తుతం ఇండస్ట్రీలో మారు మోగిపోతుంది. ఇక అనిల్ రావిపూడి తదుపరి సినిమా గురించి ఇప్పటికే ఎన్నో రకాల వార్తలు సోషల్ మీడియాలో హల్చల్ చేస్తున్నాయి. ఈయన తన పదవ సినిమాని విక్టరీ వెంకటేష్ తో చేయబోతున్నారంటూ వార్తలు బయటకు వచ్చాయి ఇక ఈ సినిమాలో హీరోయిన్గా పూజ హెగ్డే లేదా కీర్తి సురేష్ నటించబోతున్నారంటూ వార్తలు బయటకు వచ్చాయి.

రూమర్లపై స్పందించిన అనిల్ రావిపూడి..

ఈ సినిమాలో విలన్ పాత్రలో నటుడు ఫహద్ ఫాజిల్ నటించబోతున్నారంటూ వార్తలో నెట్టింట చక్కర్లు కొట్టడంతో అభిమానులు కూడా ఈ సినిమాపై భారీగా అంచనాలు పెంచుకున్నారు. ఇలా ఈ సినిమా గురించి ఎన్నో రకాల వార్తలు వస్తున్నా అనిల్ రావిపూడి నుంచి ఏ విధమైనటువంటి స్పందన లేకపోవడంతో అభిమానులు కూడా ఈయన సినిమా విషయంలో ఎన్నో సందేహాలను వ్యక్తం చేశారు. ఇకపోతే తాజాగా ఈ సినిమాకు శ్రీమతి లత వెంకటరెడ్డి అనే టైటిల్ ఫిక్స్ చేశారంటూ కూడా వార్తలు బయటకు వచ్చాయి. ఈ సినిమా గురించి తరచూ ఏదో ఒక వార్త బయటకు వస్తున్న నేపథ్యంలో నేరుగా అనిల్ రావిపూడి స్పందించారు.

పేపర్ మీద పెన్ను కూడా పెట్టలేదు..

ఈ సందర్భంగా అనిల్ రావిపూడి తన అధికారక ఎక్స్ ఖాతా ద్వారా స్పందిస్తూ..”నేను పేపర్ మీద కలం కూడా పెట్టలేదు ఇంకా నటినటులు, కధ, టైటిల్ కూడా పెట్టేసారు. ఈ ఫ్లో చూస్తుంటే . యాక్షన్..కట్ కూడా చెప్పేస్తారేమో మీ ఉత్సాహన్ని నేను అర్థం చేసుకోగలను….అలాగే నేను చేసే సినిమా ఏంటి ఎవరితో అనేది అతి త్వరలో…నిజమైన పూర్తి వివరాలు మీకు అందిస్తాం” అంటూ ఈ సినిమా గురించి వస్తున్నటువంటి వార్తలపై ఈయన క్లారిటీ ఇచ్చారు. దీంతో ఈ సినిమా పనులు ఇంకా పూర్తి కాలేదని ఈయన ఎవరిని ఎంపిక చేయలేదు అంటూ స్పష్టత వచ్చింది.

నేను పేపర్ మీద కలం కూడా పెట్టలేదు ఇంకా 😭🙏

నటినటులు
కధ
టైటిల్ కూడా
పెట్టేసారు
ఈ ఫ్లో చూస్తుంటే .యాక్షన్..కట్ కూడా చెప్పేస్తారేమో 😉😉😉😊😄
మీ ఉత్సాహన్ని నేను అర్థం చేసుకోగలను….
అలాగే నేను చేసే సినిమా ఏంటి ఎవరితో అనేది అతి త్వరలో…నిజమైన
పూర్తి వివరాలు… మీకు… pic.twitter.com/bfhQ4NrOfu

— Anil Ravipudi (@AnilRavipudi) February 10, 2026

ఇక అనిల్ రావిపూడి ఈ వార్తలను పూర్తిగా ఖండించడంతో ఈ సినిమా విషయంలో మరిన్ని సందేహాలు కూడా తలెత్తుతున్నాయి మరి వెంకటేష్ తో కాకపోతే అనిల్ రావిపూడి సినిమా ఎవరితో ఉండబోతోంది అంటూ కామెంట్లు చేస్తున్నారు. మరి కొంతమంది అనిల్ రావిపూడిని బెదిరింపులకు కూడా గురి చేస్తున్నారు. ఈ వార్తలలో ఏ ఒక్కటి నిజమైన నీకు మాత్రం ఉంటది అంటూ వార్నింగులు ఇవ్వగా మరికొందరు రామ్ పోతినేనితో చేయండి, పవన్ కళ్యాణ్ తో చేయండి అంటూ సలహాలు కూడా ఇస్తున్నారు. మరి అనిల్ రావిపూడి తదుపరి సినిమా ఏ హీరోతో ఉండబోతుంది? కథ నేపథ్యం ఏంటి అనేవి విషయాలు తెలియాల్సి ఉంది.

Also Read: Ranveer Singh: రణవీర్ సింగ్ కు బెదిరింపు ఫోన్ కాల్స్.. పోలీసులను ఆశ్రయించిన నటుడు!