Pawan Kalyan: పవన్ కళ్యాణ్ రికార్డ్ బ్రేక్ చెయ్యనున్న బాలీవుడ్ హీరో..!

Pawan Kalyan: ఏకంగా పవన్ కళ్యాణ్ రికార్డు ఒక బాలీవుడ్ హీరో బ్రేక్ చేయడం అందరిని ఆశ్చర్యపరుస్తోంది. అసలు విషయానికి వస్తే..బాలీవుడ్ హీరో రణ్‌వీర్ సింగ్ నటించిన స్పై యాక్షన్ థ్రిల్లర్ సినిమా ధురంధర్ 2 విడుదలకు ముందే భారీ క్రేజ్ సంపాదించింది. ఈ సినిమా విడుదలకు ఇంకా కొన్ని రోజులు ఉన్నప్పటికీ అడ్వాన్స్ టికెట్ బుకింగ్స్ ద్వారా ఇప్పటికే పెద్ద మొత్తంలో కలెక్షన్లు సాధించింది. ట్రేడ్ వర్గాల సమాచారం ప్రకారం ఈ చిత్రం ఇప్పటివరకు ప్రపంచవ్యాప్తంగా అడ్వాన్స్ బుకింగ్స్ ద్వారానే సుమారు రూ.60 కోట్ల గ్రాస్ వసూలు చేసినట్లు తెలుస్తోంది.

ధురంధర్ సినిమా భారీ విజయాన్ని సాధించిన తర్వాత దానికి సీక్వెల్‌గా రూపొందించిన ఈ చిత్రం ప్రేక్షకుల్లో భారీ ఆసక్తి కలిగిస్తోంది. ఈ మూవీని ప్రపంచవ్యాప్తంగా మార్చి 19న విడుదల చేయడానికి నిర్మాతలు సిద్ధమవుతున్నారు. విడుదలకు ముందు నుంచే ప్రీమియర్ షోలు, అడ్వాన్స్ టికెట్ బుకింగ్స్ వేగంగా జరుగుతున్నాయి.

భారతదేశంలో మాత్రమే ఈ సినిమా ప్రీమియర్ షోలకు మంచి స్పందన వచ్చింది. తాజా సమాచారం ప్రకారం మార్చి 13 ఉదయం వరకు సుమారు 4.7 లక్షల టికెట్లు అమ్ముడయ్యాయి. ఈ టికెట్ అమ్మకాల ద్వారా ఇండియాలోనే దాదాపు రూ.24.4 కోట్ల గ్రాస్ వచ్చినట్లు తెలుస్తోంది. ఈ సంఖ్య మరింత పెరిగే అవకాశం ఉందని సినీ ట్రేడ్ వర్గాలు చెబుతున్నాయి.

ఓజి సినిమా రికార్డ్ బ్రేక్..!

ఈ నేపథ్యంలో గత సంవత్సరం పవన్ కళ్యాణ్ నటించిన ఓజీ సినిమా ప్రీమియర్ షోల ద్వారా వచ్చిన కలెక్షన్ల రికార్డును ఈ చిత్రం చేరుకునే అవకాశం ఉందని చర్చ జరుగుతోంది. ఓజీ సినిమా ప్రీమియర్ షోల ద్వారా దాదాపు రూ.25 కోట్ల గ్రాస్ సాధించింది. ఇప్పుడు ధురంధర్ 2 కూడా ఆ రికార్డును దాటే అవకాశముందని విశ్లేషకులు అంటున్నారు.

విదేశాల్లో కూడా ఈ చిత్రానికి మంచి డిమాండ్ కనిపిస్తోంది. ముఖ్యంగా అమెరికా, కెనడా వంటి దేశాల్లో అడ్వాన్స్ టికెట్ బుకింగ్స్ వేగంగా జరుగుతున్నాయి. ఉత్తర అమెరికాలోనే మొదటి వీకెండ్‌లో 3 మిలియన్ డాలర్లకు పైగా కలెక్షన్లు వచ్చే అవకాశం ఉందని ట్రేడ్ విశ్లేషకులు అంచనా వేస్తున్నారు.

అలాగే నార్త్ అమెరికాలో ప్రీమియర్ షో టికెట్ల అమ్మకాలు ఇప్పటికే 1 మిలియన్ డాలర్లకు చేరువలో ఉన్నాయి. యూరప్, ఆసియా, ఓషియానియా దేశాల్లో కూడా అడ్వాన్స్ బుకింగ్స్ మంచి స్థాయిలో కొనసాగుతున్నాయి. ఈ కారణంగా ప్రపంచవ్యాప్తంగా కలిపి ఈ సినిమా అడ్వాన్స్ బుకింగ్స్ ద్వారా రూ.60 కోట్ల మార్క్ దాటింది.

ఇంకా విడుదలకు కొన్ని రోజులు ఉండటంతో ఈ సంఖ్య త్వరలోనే రూ.100 కోట్లకు చేరే అవకాశం ఉందని సినీ ట్రేడ్ నిపుణులు భావిస్తున్నారు. మొత్తంగా చూస్తే ధురంధర్ 2 విడుదలకు ముందే భారీ హైప్ క్రియేట్ చేసి బాక్సాఫీస్ వద్ద పెద్ద రికార్డులు సృష్టించే అవకాశముందని చెప్పవచ్చు.

ALSO READ: Varalakshmi Sarathkumar: పిల్లలపై వరలక్ష్మీ ఊహించని కామెంట్స్.. ఆర్థికంగా ఎవరూ సహాయం చేయరంటూ?