Samantha marriage : లింగ భైరవి పవిత్ర క్షేత్రంలో సమంత రుత్ ప్రభు భూతశుద్ధి వివాహం, ఏమిటా ప్రత్యేకత?

Samantha marriage : నటి సమంత రుత్ ప్రభు, ఫిల్మ్ మేకర్ రాజ్ నిడిమోరు ను పెళ్లి చేసుకున్న సంగతి తెలిసిందే. అయితే ఈ విషయం పెళ్లి జరిగేంతవరకు కూడా బయటకు రాలేదు. చాలా భద్రంగా ఈ దీనిని దాచారు. కోయంబత్తూర్లోని ఈశా యోగా కేంద్రంలో ఉన్న లింగ భైరవి దేవి దివ్య సన్నిధిలో, పవిత్రమైన భూత శుద్ధి వివాహ వేడుక ద్వారా ఒక కొత్త జీవితాన్ని ప్రారంభించారు. ప్రాచీన యోగ శాస్త్రం నుండి ఉద్భవించిన ఈ వేడుక, జంటలకు భౌతిక స్థాయికి అతీతంగా, ఒక గాఢమైన రీతిలో ఏకమయ్యే మార్గాన్ని అందిస్తుంది. ఇది వారిలోని పంచభూతాల శక్తులను శుద్ధి చేసి, వారి బంధాన్ని, వారి జీవిత ప్రయాణాన్ని మరింతగా బలోపేతం చేస్తుంది.

భూత శుద్ధి వివాహంలో ఏమి జరుగుతుంది?

భూత శుద్ధి వివాహం కేవలం ఒక పెళ్ళి కంటే ఎక్కువ; ఇది ఒక పవిత్రమైన వేడుక. ఇది ఇద్దరు భాగస్వాములలోని పంచభూతాలైన పృథ్వీ (భూమి), జలం (నీరు), వాయువు (గాలి), అగ్ని (నిప్పు), మరియు ఆకాశంలను శుద్ధి చేస్తుంది. ఈ పెళ్ళిలో భాగంగా, దంపతులు పవిత్రమైన అగ్ని చుట్టూ ప్రదక్షిణ చేస్తారు. ఈ వేడుక యొక్క సారాంశం, లింగ భైరవి దైవిక శక్తిలో లీనమవ్వడం, తద్వారా ఉనికిలోని ప్రతి స్థాయిలో లోతైన అనుబంధాన్ని పొందడం.

లింగ భైరవి వద్ద వివాహ వేడుకల గురించి సద్గురు మాటల్లో

దేవి వద్ద వివాహ ఆచారాలను సద్గురు అందంగా వివరిస్తూ, “రెండు జీవితాలు ఒకటిగా కలవడానికి చేసే ప్రయత్నంలో ఒక అందం ఉంది. మిమ్మల్ని మీరు దాటి ఆలోచించడం, మిమ్మల్ని దాటి మీరు అనుభూతి చెందడం, మరొకరికి చోటు కల్పించడం అనేది కూడా పరిపూర్ణ ఐక్యానికి ఒక సోపానం. భూత శుద్ది వివాహం అనేది పెళ్లికి ఒక రకమైన పవిత్రీకరణ. ఇది చాలా పురాతనమైన పద్ధతి, దీని మూలాలు యోగ శాస్త్రంలో

ఉన్నాయి. ఇందులో ‘భూత శుద్ధి’ అనేది ప్రాథమికమైన ప్రక్రియ. భూత శుద్ధి అంటే పంచభూతాల శక్తిపై జ్ఞానాన్ని, పట్టును సాధించడం. యోగ శాస్త్రం మొత్తం దీనిపైనే కేంద్రీకృతమై ఉంటుంది. ఈ భూత శుద్ధి ద్వారా, వారు ఆలోచన, స్నేహం, భావోద్వేగం, శరీరానికి అతీతంగా -పంచభూతాల స్థాయిలో ఐక్యం కావాలని మేము ఆశిస్తాము,” అని .

లింగ భైరవి దేవి గురించి

ఈ వేడుకకు ప్రధాన శక్తి లింగ భైరవి దేవి సద్గురు స్వయంగా ప్రతిష్టించిన తీక్షణత, కరుణల కలబోత అయిన దైవిక స్త్రీ స్వరూపం. స్వరూపం. ఎనిమిది అడుగుల రూపంలో, మూడున్నర చక్రాల శక్తితో, దేవి తన భక్తులకు సంపూర్ణ అనుగ్రహాన్ని, శ్రేయస్సును ప్రసాదిస్తుంది. ఆమె వారి భౌతిక, ప్రాపంచిక అవసరాలకి కాక, అన్నింటికన్నా ముఖ్యంగా వారి ఆధ్యాత్మిక ప్రగతికి సహాయపడుతుంది.

ఆలయ సమయాలు: భక్తులు దేవి దర్శనం ఉదయం 6:30 నుండి మధ్యాహ్నం 1:20 వరకు, మళ్ళీ సాయంత్రం 4:20 నుండి రాత్రి 8:20 వరకు ఉంటుంది. పౌర్ణమి, నవరాత్రుల సమయంలో ప్రత్యేక ఉత్సవాలు జరుగుతాయి.

ఎవరు వివాహం చేసుకోవచ్చు?

ఈ పురాతన యోగ శాస్త్ర ప్రక్రియ ద్వారా తమ బంధాన్ని మరింతగా బలోపేతం చేసుకోవాలనుకునే నిశ్చితార్ధం చేసుకున్న జంటలతో పాటు, ఇప్పటికే వివాహమైన జంటలు కూడా ఈ పవిత్ర ప్రక్రియలో పాల్గొనవచ్చు.

ఈ పవిత్రమైన అనుభూతిని పొందాలనుకునే జంటలు vivaha@isha vivaha@ishausa.org కు ఈమెయిల్ పంపడం ద్వారా రిజిస్టర్ చేసుకోవచ్చు, అక్కడ వారికి అనువైన తేదీలు, ఇంకా వేడుకల ఎంపికలకు సంబంధించి మార్గనిర్దేశం లభిస్తుంది. వివాహ ధృవీకరణ పత్రం (Marriage License) ఈ వివాహ ప్రక్రియకు తప్పనిసరి.

భూత శుద్ధి వివాహంలో ఫోటోగ్రఫీ సదుపాయం కూడా అందించబడుతుంది. అదనపు రుసుము చెల్లించడం ద్వారా వీడియోగ్రఫీ, లైవ్ స్ట్రీమ్ సౌకర్యాలను కూడా పొందవచ్చు.

కేవలం పెళ్లి మాత్రమే కాకుండా, యోగ జ్ఞానం, ఇంకా లింగ భైరవి దేవి అనుగ్రహం ఆధారంగా సాగే ఒక పవిత్రమైన ప్రయాణాన్ని కోరుకునే లెక్కలేనన్ని జంటలను ఈ ప్రాచీన ప్రక్రియతో ఆశిర్వదాలను అందుకుంటున్నారు.

ఈశాలో జరిగే వివిద వివాహ వేడుకల గురించి మరింత తెలుసుకోవడానికి, దయచేసి ఈ లింక్ను సందర్శించండి: https://isha.sadhguru.org/linga-bhairavi/us/en/rituals/vivaha

Also Read: Naga Chaitanya : నాగచైతన్య ఫేస్ మాడిపోయింది, దూత అనే పోస్ట్ సమంతా కోసమేనా?