Sandeep Raj: సానుభూతి కోరుకోలేదు.. నా ఉద్దేశం అది కాదు.. క్లారిటీ ఇచ్చిన సందీప్ రాజ్!

Sandeep Raj: కలర్ ఫోటో సినిమా ద్వారా దర్శకుడిగా ఇండస్ట్రీకి పరిచయమయ్యారు దర్శకుడు సందీప్ రాజ్(Sandeep Raj). ఈ సినిమా థియేటర్లో కాకుండా ఓటీటీలో ప్రేక్షకుల ముందుకు వచ్చి ఎంతో అద్భుతమైన విజయాన్ని సొంతం చేసుకుంది. ఇక ఈ సినిమాకు గాను నేషనల్ అవార్డు లభించిన సంగతి తెలిసిందే ఇలాంటి ఒక సూపర్ హిట్ సినిమా తర్వాత సందీప్ రాజ్ తన తదుపరి చిత్రాన్ని సుమ కనకాల కుమారుడు రోషన్ కనకాల(Roshan Kanakala)తో చేశారు. మోగ్లీ (Mowgli)అంటూ ఈ సినిమా ప్రేక్షకుల ముందుకు రావడానికి సిద్ధమైంది డిసెంబర్ 12వ తేదీ విడుదల కావాల్సిన ఈ సినిమా అఖండ 2 సినిమా కారణంగా వాయిదా పడింది. దీంతో దర్శకుడు ఎమోషనల్ అవుతూ సోషల్ మీడియా వేదికగా ఒక పోస్ట్ షేర్ చేశారు..

మోగ్లీ వాయిదా.. సందీప్ రాజ్ ఎమోషనల్..

నేనే బ్యాడ్ లక్ ఏమో దర్శకుడిగా నా పేరును వెండితెరపై చూసుకోలేనేమో అంటూ ఈ సినిమా వాయిదా పడటం గురించి ఈయన సోషల్ మీడియా వేదికగా ఒక పోస్ట్ చేయటంతో ఈ పోస్ట్ పట్ల ఎంతోమంది ఈయనకు మద్దతుగా నిలబడి కామెంట్లు చేశారు.. ఈ క్రమంలోనే మరి కొంతమంది విమర్శలు కూడా చేశారు. ఇదంతా కేవలం సింపతి డ్రామా అంటూ సందీప్ రాజ్ పోస్ట్ పై విమర్శలు కురిపించారు. ఈ నేపథ్యంలోనే తన పోస్టు పట్ల వచ్చిన ఈ విమర్శలపై సందీప్ రాజ్ స్పందిస్తూ వివరణ ఇచ్చారు.

సానుభూతి కోరుకోలేదు..

ఈ సందర్భంగా సందీప్ రాజ్ ఈ విషయంపై స్పందిస్తూ తన పట్ల ఎవరు సానుభూతి తెలియజేయాలని కోరుకోలేదు అంటూ తెలియచేశారు. నిన్న ఉదయం తనకు ఒక ఫోన్ వచ్చిందని ఈ సందర్భంగా తెలియజేశారు. ఈ సినిమాని 2026 ఫిబ్రవరి లేదా ఏప్రిల్ కు వాయిదా వేద్దామంటూ ఫోన్ కాల్ రావడంతో కాస్త అప్సెట్ అయ్యానని తెలిపారు. ఈ సినిమాని మరి ఇంత ఆలస్యం కాకుండా ముందుగానే తీసుకురావాలని చిత్ర నిర్మాతలు డిస్ట్రిబ్యూటర్లు కూడా ఆలోచించాము. ఈ సినిమా విడుదలకు మరే మార్గం లేదు. రాబోయే క్రిస్మస్, సంక్రాంతి పండుగ సందర్భంగా పెద్ద ఎత్తున సినిమాలు విడుదల కాబోతున్న నేపథ్యంలోనే ఈ సినిమాని డిసెంబర్ 13వ తేదీన విడుదల చేయబోతున్నామని తెలిపారు.

అఖండ 2 పై గౌరవం ఉంది

తాను ఈ విషయంలో ఎవరిని విమర్శించలేదని అలాగే ఎవరి సానుభూతిని తాను కోరుకోలేదని తెలిపారు. అఖండ 2 సినిమా పట్ల నాకు అపారమైన గౌరవం ఉంది. నా మాటలను తప్పుగా అర్థం చేసుకున్నారని, నా ఉద్దేశం అది కాదు అంటూ ఈ సందర్భంగా సందీప్ రాజ్ తన పోస్ట్ వెనుక ఉన్న ఆంతర్యం, తన ఆవేదనను బయట పెడుతూ చేసిన ఈ పోస్ట్ ప్రస్తుతం సోషల్ మీడియాలో వైరల్ అవుతుంది. మరి డిసెంబర్ 13 న ఈ సినిమా విడుదల కాబోతున్న నేపథ్యంలో 12వ తేదీనే ప్రీమియర్లను ప్రసారం చేయనున్నారు. బాలయ్య సినిమాకు పోటీగా విడుదల కాబోతున్న మోగ్లీ ఎలాంటి ఆదరణ సొంతం చేసుకుంటుంది అనేది తెలియాల్సి ఉంది.

Also Read: Aadarsha Kutumbam: ‘ ఆదర్శ కుటుంబం’గా వెంకటేష్ త్రివిక్రమ్ సినిమా టైటిల్.. పోస్టర్ వైరల్!

Share

• 
• 
• 
• 
• 
•