Biker Trailer: టాలీవుడ్ ఇండస్ట్రీలో యంగ్ హీరోగా కొనసాగుతూ కెరియర్ పరంగా ఎంతో బిజీగా ఉన్న వారిలో నటుడు శర్వానంద్(Sharwanand) ఒకరు. ఈ ఏడాది సంక్రాంతి పండుగ సందర్భంగా నారీ నారీ నడుమ మురారి అనే సినిమా ద్వారా ప్రేక్షకుల ముందుకు వచ్చారు. ఈ సినిమా ఎంతో అద్భుతమైన విజయాన్ని అందుకుంది. అయితే త్వరలోనే ఈయన మరో సినిమా ద్వారా ప్రేక్షకుల ముందుకు రాబోతున్నారు. ఏప్రిల్ మూడో తేదీ శర్వానంద్ బైకర్ (Biker)అనే సినిమా ద్వారా ప్రేక్షకుల ముందుకు రానున్నారు. ఈ సినిమా విడుదల తేదీ దగ్గర పడుతున్న నేపథ్యంలో తాజాగా ట్రైలర్ విడుదల చేశారు. ప్రస్తుతం ఈ ట్రైలర్ వీడియో సోషల్ మీడియాలో వైరల్ అవుతుంది. ఇప్పటివరకు శర్వానంద్ నటించని జానర్ లో ఈ సినిమా ప్రేక్షకుల ముందుకు రాబోతుంది.
తాజాగా విడుదల చేసిన ట్రైలర్ సినిమా పట్ల భారీగా అంచనాలను పెంచేసిందే. రేసింగ్ అంటే ఎంతో ఇష్టమైనటువంటి ఒక వ్యక్తి తన లక్ష్యాన్ని చేరుకోవడం కోసం ఎలా కష్టపడ్డారనేది ఈ ట్రైలర్ లో చూపించారు. ఇక ఈ సినిమాలో శర్వానంద్ తండ్రి పాత్రలో సీనియర్ నటుడు రాజశేఖర్(Rajasekhar) నటించిన సంగతి తెలిసిందే. ఇక తండ్రి కొడుకులుగా వీరిద్దరి మధ్య వచ్చే సన్నివేశాలు, డైలాగులు అద్భుతంగా ఉండబోతున్నాయని ట్రైలర్ చూస్తేనే స్పష్టమవుతుంది. చిన్నప్పటినుంచి రేసింగ్ లో తన కొడుకుకు శిక్షణ ఇస్తూ తన లక్ష్యాన్ని చేరుకోవడంలో తండ్రి పాత్ర కీలకంగా ఉండబోతుందని తెలుస్తుంది.
ఇక ట్రైలర్ లో నువ్వు అందరికంటే ముందు రాలేదు అందరూ నీకంటే వెనుక వచ్చారు. రెండింటికి చాలా తేడా ఉంది. ఒకరిది కెరియర్ మరొకరిది కల, బైకర్ అంటే స్పీడ్ కాదు.. రెస్పెక్ట్ అంటూ చివరిలో వచ్చే డైలాగ్ సినిమా ఏ స్థాయిలో ఉండబోతుందనేది తెలుస్తుంది. ఇలా సినిమా నుంచి విడుదల చేసిన ట్రైలర్ వీడియో సినిమాపై భారీగా అంచనాలను పెంచేసింది. ఇప్పటివరకు తెలుగు చిత్ర పరిశ్రమలో ఎన్నో రకాల స్పోర్ట్స్ బ్యాక్ డ్రాప్ లో సినిమాలు వచ్చాయి కానీ రేసింగ్ నేపథ్యంలో ఇప్పటివరకు ఎలాంటి సినిమాలు ప్రేక్షకుల ముందుకు రాలేదు.
ఇలా మొదటిసారి రేసింగ్ జానర్ లో ఈ సినిమా ప్రేక్షకుల ముందుకు రాబోతున్న నేపథ్యంలో సినిమా పట్ల మంచి అంచనాలే ఉన్నాయి. ఇక ఈ చిత్రాన్ని యు .విక్రియేషన్ బ్యానర్ ఎంతో ప్రతిష్టాత్మకంగా ప్రేక్షకుల ముందుకు రాబోతుంది. ఈ చిత్రానికి అభిలాష్ రెడ్డి(Abilash Reddy) కంకర దర్శకత్వం వహించారు.మాళవిక నాయర్ (Malavika Nair)హీరోయిన్గా నటిస్తున్న ఈ సినిమాలో బ్రహ్మాజీ, అతుల్ కులకర్ణి వంటి తదితరులు కీలకపాత్రలలో కనిపించబోతున్నారు. మరి ఎన్నో అంచనాల నడుమ ప్రేక్షకుల ముందుకు రాబోతున్న ఈ సినిమా ఎలాంటి సక్సెస్ అందించబోతోందనేది తెలియాల్సి ఉంది. నారి నారి నడుమ మురారి తర్వాత శర్వా నటించిన సినిమా విడుదల కానున్న నేపథ్యంలో ఈ సినిమాపై కూడా మంచి అంచనాలే ఏర్పడ్డాయి.
Also Read: Manchu Manoj: కోడలు విద్యాకు అండగా మను మామ.. భావోద్వేగ పోస్ట్ చేసిన మనోజ్
Share
Mohsin Naqvi: నఖ్వీ సంచలన ప్రకటన.. ప్రేక్షకులు లేకుండానే PSL 2026 నిర్వహణ
Sreeleela: సినిమాలకు శ్రీలీల గుడ్ బై...షాకింగ్ డెసిషన్ తీసుకున్న నటి..అదే కారణమా?
