SEYON Film glimpse: కోలీవుడ్ స్టార్ హీరో శివ కార్తికేయన్(Siva Karthikeyan) ఇటీవల వరుస సినిమాల ద్వారా ప్రేక్షకుల ముందుకు వస్తున్నారు సంక్రాంతి పండుగను పురస్కరించుకొని ఈయన పరాశక్తి అనే సినిమా ద్వారా ప్రేక్షకుల ముందుకు వచ్చారు. ఈ సినిమా పర్వాలేదు అనిపించుకుంది. తాజాగా శివ కార్తికేయన్ మరో సినిమాకి కూడా కమిట్ అయ్యారు. ఇటీవల శివ కార్తికేయన్ ఈ సినిమాకు సంబంధించిన ఫస్ట్ లుక్ పోస్టర్ విడుదల చేశారు. ఈయన ‘సేయోన్’ (Seyon) అనే సినిమా ద్వారా ప్రేక్షకుల ముందుకు రాబోతున్నారు. ఫస్ట్ లుక్ పోస్టర్ తోనే సినిమా పట్ల మంచి అంచనాలు పెరిగాయి. ఇక తాజాగా ఈ సినిమా నుంచి ఫస్ట్ గ్లింప్స్ విడుదల చేశారు.
ఈ గ్లింప్స్ వీడియో చూస్తుంటే శివ కార్తికేయన్ సాంప్రదాయ పద్ధతిలో ధోతీ కట్టుకొని, విభూతి రుద్రాక్షలతో కనిపిస్తూనే, చేతిలో కాగడా పట్టుకుని ఊగిపోతున్నట్లు కనిపిస్తున్నాడు. ఇలా ఈయన లుక్ చూస్తుంటే శివ కార్తికేయన్ తమిళులు ఎంతగానో ఆరాధించే సుబ్రహ్మణ్యేశ్వర స్వామి అంశతో ఈ సినిమా మొత్తం ముడిపడి ఉందని తెలుస్తోంది. ఈ సినిమా మొత్తం సుబ్రహ్మణ్యేశ్వర స్వామి నేపథ్యంలోనే ప్రేక్షకుల ముందుకు రాబోతోందని ఈ ఫస్ట్ గ్లింప్స్ తోనే స్పష్టం అవుతుంది. ఇక ఈ సినిమాకు ‘సేయోన్’ అనే టైటిల్ పెట్టడంతో అసలు ఈ పేరుకు అర్థమేంటంటూ కూడా చాలామంది ఆరా తీస్తున్నారు. తమిళంలో సుబ్రహ్మణ్యేశ్వర స్వామిని ‘సేయోన్’ అని కూడా పిలుస్తారు అదేవిధంగా ‘సేయోన్’ అంటే రాజు అని అర్థం కూడా ఉంది.
ఇక ఈ సినిమా ఫస్ట్ గ్లింప్స్ వీడియో సోషల్ మీడియాలో వైరల్ గా మారింది ప్రస్తుతం ఈ సినిమా షూటింగ్ పనులు శరవేగంగా జరుగుతున్నాయి ఈ చిత్రాన్ని 2026 దసరా పండుగ సందర్భంగా ప్రేక్షకుల ముందుకు తీసుకురావడానికి సిద్ధమవుతున్నారు. ఈ సినిమాకు శివకుమార్ మురుగేషన్(Sivakumar Murageshan) దర్శకత్వం వహించగా కమల్ హాసన్(Kamal Hassan) తన సొంత బ్యానర్ రాజ్ కమల్ ఫిలిం ఇంటర్నేషనల్ బ్యానర్ పై ఈ సినిమా ప్రేక్షకుల ముందుకు రాబోతోంది.
ఇదివరకే కమల్ హాసన్ నిర్మాణంలో శివ కార్తికేయన్ అమరన్ సినిమాల్లో నటించిన సంగతి తెలిసిందే. ఈ సినిమా గత ఏడాది ప్రేక్షకుల ముందుకు వచ్చి బ్లాక్ బాస్టర్ హిట్ గా నిలిచింది. ఈ సినిమా మంచి సక్సెస్ కావడంతో తిరిగి కమల్ బ్యానర్ లో ఈ సినిమాకు కమిట్ అయ్యారు. గ్రామీణ యాక్షన్ డ్రామాగా ప్రేక్షకుల ముందుకు రాబోతున్న ఈ చిత్రం ఎలా ఉండబోతుందో తెలియాల్సి ఉంది అయితే ఇలా మురుగన్ పాత్రలో తెలుగు ఇండస్ట్రీలో నటుడు ఎన్టీఆర్ త్రివిక్రమ్ కాంబినేషన్లో సినిమా రాబోతోందంటూ వార్తలు వస్తున్నాయి అయితే ఈ సినిమా గురించి అధికారికంగా ప్రకటించక ముందే శివ కార్తికేయన్ తన సినిమాని ప్రకటించడం విశేషం.
Also Read: Dushyanth: పెళ్లి పీటలు ఎక్కబోతున్న మరొక టాలీవుడ్ హీరో.. ఘనంగా నిశ్చితార్థపు వేడుక!
Share
Khushboo: ఇండస్ట్రీ ఎంట్రీ ఇచ్చిన జూనియర్ ఖుష్బూ.. సినిమా డీటెయిల్స్ ఇవే!
Hair care: కరివేపాకులను ఇలా వాడారంటే జుట్టు పెరగడమే కాదు చుండ్రు కూడా పోతుంది
