Prabhas Fauzi Movie: పాన్ ఇండియా స్టార్ ప్రభాస్(Prabhas) హీరోగా, హను రాఘవపూడి (Hanu Raghavapudi) దర్శకత్వంలో తెరకెక్కుతున్న మోస్ట్ అవైటెడ్ చిత్రం ‘ఫౌజీ’. ప్రభాస్ బర్త్‌డే సందర్భంగా విడుదలైన ‘ఫైల్ నంబర్ 25’ గ్లింప్స్ సోషల్ మీడియాను ఊపేస్తోంది. ఈ వీడియోలో సుభాష్ చంద్రబోస్, హిట్లర్ సంభాషణతో ప్రభాస్ పాత్రకు ఇచ్చిన ఎలివేషన్ ఫ్యాన్స్‌కు పూనకాలు తెప్పిస్తోంది. అయితే ఇందులో నేతాజీగా కనిపించి అచ్చుగుద్దినట్లు సరిపోయిన ఆ నటుడు ఎవరా? అని అందరూ తెగ ఆరా తీస్తున్నారు. ఆ ఆసక్తికర వివరాలు ఇప్పుడు చూద్దాం..
ఫౌజీ గ్లింప్స్‌లో నేతాజీ సుభాష్ చంద్రబోస్‌గా కనిపించిన ఆ నటుడు మరెవరో కాదు, మరాఠీ చిత్ర పరిశ్రమకు చెందిన ప్రముఖ నటుడు, దర్శకుడు సుబోధ్ భవే(Subodh bhave) . గ్లింప్స్ చూసిన చాలామంది ఆ దృశ్యాలను ఏఐ తో క్రియేట్ చేశారని అనుకున్నారు. కానీ సుబోధ్ భవే తన ఆహార్యం, గంభీరమైన రూపంతో నిజమైన నేతాజీని తలపించి అందరినీ ఆశ్చర్యపరిచారు. ఇక ఈ ఒక్క గ్లింప్స్‌తో ఆయన ఒక్కసారిగా పాన్ ఇండియా లెవల్లో వైరల్ అయిపోయారు.
మరాఠీ ఇండస్ట్రీలో సుబోధ్ భవేకు తిరుగులేని గుర్తింపు ఉంది. నాటకరంగం ద్వారా కెరీర్ ప్రారంభించిన ఆయన, దాదాపు 20కి పైగా సీరియల్స్, 50కి పైగా మరాఠీ సినిమాలు, 10కి పైగా హిందీ చిత్రాల్లో నటించారు. నటుడిగానే కాకుండా దర్శకుడిగా, నిర్మాతగా కూడా సత్తా చాటారు. ఇక ఆయన అద్భుత నటనకుగానూ మహారాష్ట్ర ప్రభుత్వం ఇచ్చే ప్రతిష్టాత్మక స్టేట్ అవార్డును ఏకంగా 5 సార్లు ఉత్తమ నటుడిగా గెలుచుకోవడం ఆయన నటన ప్రతిభకు నిదర్శనం.
సుబోధ్ భవేకు చారిత్రక మహానాయకుల పాత్రలు పోషించడం కొత్తేమీ కాదు. 2015లో వచ్చిన ‘లోక్‌మాన్య: ఏక్ యుగపురుష్’ చిత్రంలో స్వాతంత్ర్య సమరయోధుడు బాలగంగాధర తిలక్ పాత్రలో జీవించి విమర్శకుల ప్రశంసలు అందుకున్నారు. ఇప్పుడు ‘ఫౌజీ’ సినిమాలో నేతాజీ సుభాష్ చంద్రబోస్ పాత్ర ద్వారా పాన్ ఇండియా ప్రేక్షకులను పలకరించబోతున్నారు. ఇక ప్రభాస్ వంటి స్టార్ సినిమాలో నేతాజీగా నటించడం తనకు ఎంతో ప్రత్యేకమైన అనుభవమని ఆయన సంతోషం వ్యక్తం చేశారు.
మైత్రీ మూవీ మేకర్స్, టీ-సిరీస్ బ్యానర్లపై నిర్మాతలు నవీన్ ఎర్నేని, వై.రవిశంకర్, భూషణ్ కుమార్ ఈ భారీ పీరియాడికల్ యాక్షన్ డ్రామాను నిర్మిస్తున్నారు. ఇమాన్వి కథానాయికగా పరిచయమవుతున్న ఈ సినిమాను వచ్చే ఏడాది మార్చి 19న ప్రపంచవ్యాప్తంగా విడుదల చేయడానికి సన్నాహాలు చేస్తున్నారు. ఇక సుబోధ్ భవే అందించిన ఎలివేషన్స్, హను రాఘవపూడి టేకింగ్ చూస్తుంటే ఈ సినిమా బాక్సాఫీస్ దగ్గర సంచలనం సృష్టించడం ఖాయంగా కనిపిస్తోంది.
also read: టైగర్ ష్రాఫ్ పై దాడి వెనుక బయటపడ్డ అసలు నిజం!
ఇక మొత్తానికి చూస్తే, ‘ఫౌజీ’ గ్లింప్స్‌లో ప్రభాస్ మాస్ ప్రెజెన్స్‌తో పాటు నేతాజీగా సుబోధ్ భవే నటన సినిమాపై అంచనాలను ఒక్కసారిగా ఆకాశానికి తీసుకెళ్లింది. మరాఠీలో ఎన్నో అవార్డులు సాధించిన ఈ వర్సటైల్ యాక్టర్, ‘ఫౌజీ’ విడుదల తర్వాత పాన్ ఇండియా స్థాయిలో మరింత బిజీ నటుడిగా మారడంలో ఎలాంటి సందేహం లేదు.
?utm_source=ig_web_copy_link&obrf=MzRlODBiNWFlZA==&srtk=MzRlODBiNWFlZA==
Share
ఇండియాలోనే డిజైన్, ఇండియాలోనే తయారీ.. 2028 నాటికి రాబోతున్న మన సొంత ఫోన్లు!
అమ్మాయిలూ.. అప్రమత్తంగా ఉండండి, హైదరాబాద్లోని ఆ ఆఫీసులో ఏం జరిగిందంటే?
