Tollywood Movies in March: సడన్ ట్విస్ట్… రంగంలోకి పవన్ కళ్యాణ్… మార్చి నుంచి చరణ్, నాని అవుట్..!

Tollywood Movies in March: ప్రస్తుతం సంక్రాంతి హడావిడి తెలుగు బాక్స్ ఆఫీస్ దగ్గర ఎంతటి సెన్సేషన్ క్రియేట్ చేస్తుందో తెలిసిన విషయమే. ఈ క్రమంలో..మార్చి నెల చివరి వారం కూడా సాయంత్రం..తెలుగు సినిమా పరిశ్రమలో భారీ హడావుడి తీసుకొచ్చేలా కనిపిస్తోంది. ముఖ్యంగా మార్చి 26, 27 తేదీలు సినిమాల విడుదలలతో.. బాగా నిండిపోవచ్చని ఇండస్ట్రీలో చర్చ జరుగుతోంది. దీనికి ప్రధాన కారణం రామ్ చరణ్ నటిస్తున్న పెద్ది సినిమా వాయిదా పడే అవకాశముందని వస్తున్న ఊహాగానాలు అని చెప్పవచ్చు.

రామ్ చరణ్ హీరోగా.. బుచ్చిబాబు సానా దర్శకత్వంలో తెరకెక్కుతున్న పెద్ది సినిమాను మొదటగా మార్చి 27.. విడుదల చేయాలని అనుకున్నారు. అయితే కొన్ని కారణాల వల్ల ఈ సినిమా విడుదల వాయిదా పడేలా ఉంది. అలా జరిగితే ఆ తేదీలు మరింత బిజీ అవుతాయన్న మాట.

ఇప్పటికే నాని హీరోగా నటిస్తున్న ది పారడైజ్ సినిమా కూడా అనధికారికంగా వాయిదా పడిందని ప్రచారం జరుగుతోంది. ఈ సినిమా కూడా మార్చి చివరి వారానికి షిఫ్ట్ అవుతుందేమో అన్న అంచనాలు ఉన్నాయి. ఇది కూడా అదే సమయంలో వస్తే సినిమాల మధ్య పోటీ మరింత పెరుగుతుంది.

మరోవైపు, పవన్ కళ్యాణ్ హీరోగా..హరీష్ శంకర్ దర్శకత్వంలో రూపొందుతున్న ఉస్తాద్ భగత్ సింగ్ సినిమాపై భారీ అంచనాలు ఉన్నాయి. ఈ సినిమా కూడా మార్చి చివరి వారంలోనే రిలీజ్ అయ్యే అవకాశముందని సమాచారం. పవన్ కళ్యాణ్ సినిమా అంటే థియేటర్లలో పండుగ వాతావరణం ఖాయం.

ఇవే కాకుండా, యువ హీరో ప్రదీప్ రంగనాథన్ నటిస్తున్న ఎల్‌ఐకే (లవ్ ఇన్సూరెన్స్ కంపెనీ) సినిమా.. అలాగే బైకర్ అనే సినిమా కూడా అదే తేదీలకు లైన్లో ఉన్నాయని టాక్. ఇంకా ఒక కొత్త సినిమా కూడా ఈ జాబితాలో చేరే అవకాశం ఉందని అంటున్నారు.

ఇదిలా ఉండగా.. మార్చి 19న భారీ సినిమాలు ప్రేక్షకుల ముందుకు రానున్నాయి. రణ్‌వీర్ సింగ్ నటించిన బ్లాక్‌బస్టర్ సీక్వెల్ ధురందర్ 2.. అలాగే యష్ హీరోగా నటించిన టాక్సిక్ సినిమాలు ఇప్పటికే టీజర్‌తోనే సంచలనం సృష్టించాయి. ఈ సినిమాలు ముందుగానే థియేటర్లను ఆక్రమించనున్నాయి.

మొత్తంగా చూస్తే.. మార్చి నెల రెండో సగం సినిమాల సందడితో నిండిపోనుంది. ఏ సినిమా ఏ తేదీకి విడుదలవుతుందన్నది ఇంకా స్పష్టత రావాల్సి ఉంది. కానీ ప్రేక్షకులకు మాత్రం మార్చి నెల మొత్తం వినోదంతో నిండిన పండుగలా మారబోతోందని చెప్పొచ్చు.

ALSO READ: RGV Above Rahman: ఏ.ఆర్. రెహమాన్ అలాంటివారు కాదు.. రాంగోపాల్ వర్మ కీలక వ్యాఖ్యలు..!