Tamannaah Bhatia:తమన్నాకి రోజు ఇడ్లీలు వండిపెట్టిన తమిళ స్టార్ హీరో.. హీరోయిన్ బయటపెట్టిన షాకింగ్ విషయం..!

Tamannaah Bhatia:సౌత్ సినీ పరిశ్రమలో ప్రముఖ హీరోయిన్‌గా గుర్తింపు పొందిన తమన్నా భాటియా ఇటీవల చేసిన ఒక వ్యాఖ్య సోషల్ మీడియాలో వైరల్ అవుతోంది. తమిళ స్టార్ హీరో అజిత్ గురించి ఆమె చెప్పిన ఒక సంఘటన ఇప్పుడు అభిమానుల మధ్య చర్చనీయాంశంగా మారింది.

తమన్నా దాదాపు ఇరవై సంవత్సరాలుగా సినీ రంగంలో కొనసాగుతున్నారు. తెలుగు, తమిళం, హిందీ భాషల్లో అనేక సినిమాల్లో నటించి మంచి పేరు సంపాదించారు. ఆమె నటనతో పాటు డ్యాన్స్ కూడా ప్రేక్షకులను ఆకట్టుకుంటుంది. అందుకే అన్ని భాషల్లోనూ ఆమెకు మంచి అభిమానులు ఉన్నారు.

ఇటీవల చెన్నైలోని ఒక విశ్వవిద్యాలయంలో జరిగిన కార్యక్రమానికి తమన్నా ముఖ్య అతిథిగా హాజరయ్యారు. ఆ కార్యక్రమంలో ఆమె తన సినీ ప్రయాణం గురించి మాట్లాడారు. అలాగే తనతో కలిసి పనిచేసిన కొంతమంది స్టార్ హీరోల గురించి కూడా కొన్ని ఆసక్తికర విషయాలు చెప్పారు.

తమన్నా మాట్లాడుతూ తన కెరీర్ ప్రారంభంలో అల్లు అర్జున్‌తో కలిసి పని చేసిన అనుభవాన్ని గుర్తు చేసుకున్నారు. బన్నీ సినిమాల్లోనే కాదు బయట కూడా చాలా స్టైలిష్‌గా ఉంటారని ఆమె అన్నారు. ఆయన ఎనర్జీ ఎప్పుడూ చాలా ఎక్కువగా ఉంటుందని కూడా తెలిపారు.

ఆయన ఇడ్లీలు చేసి పెట్టారు..!

తర్వాత తమిళ స్టార్ హీరో అజిత్ గురించి మాట్లాడుతూ ఒక ఆసక్తికర సంఘటనను చెప్పారు. అజిత్‌కు వంట చేయడం అంటే చాలా ఇష్టం అని ఆమె తెలిపారు. ఒకసారి షూటింగ్ సమయంలో అజిత్ తన కేరవాన్‌లో స్వయంగా ఇడ్లీలు చేసి ఇచ్చారని చెప్పారు. ఆ సంఘటన తనకు ఇప్పటికీ గుర్తుండిపోయిందని తమన్నా అన్నారు. అజిత్ చాలా సాదాసీదాగా ఉండే వ్యక్తి అని, కుటుంబాన్ని ఎంతో ప్రేమించే మనసున్న వ్యక్తి అని కూడా ఆమె చెప్పారు.

ఈ కార్యక్రమంలో అభిమానులు దళపతి విజయ్ గురించి కూడా అడిగారు. దానికి స్పందించిన తమన్నా, విజయ్ చాలా సాధారణంగా ఉండే వ్యక్తి అని చెప్పారు. ఆయన మంచి మనసున్న జెంటిల్‌మన్ అని ప్రశంసించారు.

అలాగే విజయ్.. జూనియర్ ఎన్టీఆర్ డ్యాన్స్ గురించి మాట్లాడుతూ, వారి స్టెప్పులకు సరిపడేలా డ్యాన్స్ చేయడం చాలా కష్టం అని తెలిపారు. పెద్దగా ప్రాక్టీస్ లేకుండానే వారు అద్భుతంగా డ్యాన్స్ చేస్తారని అన్నారు. ప్రస్తుతం తమన్నా చెప్పిన ఈ విషయాలు సోషల్ మీడియాలో వైరల్ అవుతున్నాయి.

ALSO READ: Ustaad Bhagat Singh: ‘ఉస్తాద్’ ప్రీ రిలీజ్ ఈవెంట్ ఆర్గనైజర్, నిర్మాతలపై కేసు నమోదు.. విషయమిదే!