Singer Mangli Bayilone Ballipalike Controversy: ప్రముఖ ఫోక్ సింగర్ మంగ్లీ మరోసారి వివాదంలో చిక్కుకుంది. ఆమె నటించి పాడిన బావిలోన బల్లిపలికే పాటపై తెలంగాణ ఫోక్ సింగర్స్ అభ్యంతరం వ్యక్తం చేస్తున్నారు. వెంటనే ఈ పాటను వెంటనే డిలిట్ చేయాలని వారంత డిమాండ్ చేస్తున్నారు. ఇంతకి ఈ వివాదం ఏంటో చూద్దాం!
సింగర్ మంగ్లీ గురించి ప్రత్యేకంగా చెప్పనవసరం లేదు. తెలంగాణ సంస్కృతి, జానపద నేపథ్యంలో పాడుతూ పాపులర్ అయ్యింది. సినిమాల్లో, ప్రైవేట్ అల్భమ్ సాంగ్స్ మంగ్లీ మంచి గుర్తింపు పొందింది. అయితే ఈ మధ్య ఆమె తరచూ వివాదంలో చిక్కుకుంటుంది. ఇటీవల తను పాడిన బాయిలోన బల్లి పలికే పాట మేడిపల్లి స్టార్ చేసిన వ్యాఖ్యలు తీవ్ర దుమారం రేపాయి. ఈ పాటలోని లిరిక్స్ని ఉద్దేశిస్తూ మంగ్లీపై అసభ్యకరమైన కామెంట్స్ చేశాడు. ఈ విషయంలో ఆమె పోలీసులను ఆశ్రయించింది.
ఈ వివాదం మరవకముందే మంగ్లీ పాడిన ఈ పాట మరింత వివాదం అయ్యింది. బాయిలోన బల్లి పలికే పాట ఎంతగా వైరల్ అయ్యిందో ప్రత్యేకంగా చెప్పనవసరం లేదు. యూట్యూబ్లో మిలియన్ల వ్యూస్తో ఈ సాంగ్ దూసుకుపోతుంది. సోషల్ మీడియాలో ఎక్కడ చూసిన ఈ పాట హుక్ స్టెప్ బాగా వైరల్ అవుతున్నాయి. ఎక్కడ చూసిన ఈ పాట మారుమ్రోగుతుంది. అయితే ఇప్పుడు ఈ పాటపై తెలంగాణ ఫోక్ సింగర్స్, యాక్టివిస్ట్స్ తీవ్ర అభ్యంతరం వ్యక్తం చేస్తున్నారు. తెలంగాణ జానపద సంస్కృతిని గౌరవిస్తూ చేసిన ఈ పాటలో ఇతర రాష్ట్రాల సంస్కృతిని మిక్స్ చేసిందని మండిపడుతున్నారు. దీనిపై జానపద గాయకులే కాదు తెలంగాణకు చెందిన సోషల్ యాక్టివిస్ట్స్ కూడాత తీవ్ర అభ్యంతరం తెలుపుతున్నారు.
Also Read: Akhanda 2 : మూడు గంటలు సినిమా అవసరమా? బాలకృష్ణ సంచలన వ్యాఖ్యలు
తెలంగాణ తెలుగు పాటను గుజరాత్, రాజస్థాన్ సంస్కృతి చిత్రీకరించాల్సిన అవసరం ఏంటని, వెంటనే ఈ పాట డిలీట్ చేయాలని డిమాండ్ చేస్తున్నారు. ఒకవేళ అలా చేయకపోతే దీనిపై తీవ్ర చర్యలు తీసుకుంటామని, పోలీసులకు ఫిర్యాదు చేస్తామని అంటున్నారు. మరింత ముందుకు వెలుతూ భవిష్యత్తులో ఆమె పాట పాడకుండ ఆమె లైసెన్స్ రద్దు చేయిస్తామని వారు హెచ్చరిస్తున్నారు. అయితే దీనిపై సింగర్ మంగ్లీ స్పందించినట్టు సమాచారం. ప్రేక్షకులు సరికొత్త అనుభూతి ఇచ్చేందుకు కొత్తగా ట్రే చేసిన పాట ఇదని, కేవలం వినోదం కోసమే మాత్రమే చేసిందని వివరణ ఇచ్చుకుంది. ఈ పాట వినోదంలా కాకుండ వివాదం ఎందుకు చూస్తున్నారని, ఇందులో తాను ఎక్కడ తెలంగాణ సంస్కృతిని రిప్రెజెంట్ చేయలేదని, అలాంటప్పుడు ఈ పాటను అంత వివాదం చేయడం ఎందుకని ఆమె ప్రశ్నిస్తుంది.
Share
Bigtv Free Medical Camp: బిగ్ టీవి ఫ్రీ మెడికల్ క్యాంప్.. @కరీంనగర్
Facts About Crow: ఒక్క కాకి చనిపోతే వంద కాకులు వాలతాయ్, అది ఐక్యత కాదు.. అసలు సీక్రెట్ ఇదే!
