The Raja Saab Pre Release: కైతలపూర్ గ్రౌండ్‌లోనే రాజా సాబ్ ఈవెంట్ ఎందుకు.. ఇన్ని కారణాలు ఉన్నాయా?

The Raja Saab Pre Release: పాన్ ఇండియా స్టార్ హీరో ప్రభాస్(Prabhas) హీరోగా నటించిన ది రాజా సాబ్ (The Raja Saab)సినిమా త్వరలోనే ప్రేక్షకుల ముందుకు రాబోతున్న సంగతి తెలిసిందే. ఈ సినిమా సంక్రాంతి పండుగను పురస్కరించుకొని జనవరి 9వ తేదీ పాన్ ఇండియా స్థాయిలో విడుదల కాబోతున్న నేపథ్యంలో ప్రమోషన్ కార్యక్రమాలను కూడా నిర్వహిస్తున్నారు. ఈ సినిమా ప్రమోషన్లలో భాగంగా ఇప్పటికే సినిమా నుంచి వరుస అప్డేట్స్ తెలియచేస్తున్నారు. ఇకపోతే నేడు సాయంత్రం ఐదు గంటలకు ఈ సినిమా ప్రీ రిలీజ్ వేడుకను హైదరాబాదులో నిర్వహించబోతున్న సంగతి తెలిసిందే.

8000 మందికి మాత్రమే అనుమతి..

ఈ సినిమా జనవరి 9వ తేదీ విడుదల కాబోతున్న నేపథ్యంలో డిసెంబర్ 27వ తేదీనే ప్రీ రిలీజ్ వేడుకను నిర్వహిస్తున్నారు. ఈ కార్యక్రమం కైతలపూర్ (kaithalapur)గ్రౌండ్లో నిర్వహిస్తున్నారు. అయితే ఈ కార్యక్రమానికి కేవలం ఎనిమిది వేల మంది అభిమానులకు మాత్రమే అనుమతి లభించింది. ఇలా ఈ గ్రౌండ్లో ఈ సినిమా ఈవెంట్ నిర్వహించడం ఏంటి అంటూ అభిమానులు కూడా ఎన్నో సందేహాలు వ్యక్తం చేస్తున్నారు. కానీ ఈ సినిమా ప్రీ రిలీజ్ వేడుక కైతలపూర్ గ్రౌండ్లో చేయడం వెనుక ఎన్నో కారణాలు ఉన్నాయని తెలుస్తుంది. ఇలా ఈ వేదికను ఎంపిక చేయడం వెనుక గల కారణాలను చిత్ర బృందం వెల్లడించారు.

న్యూ ఇయర్ ఎఫెక్ట్..

గత వారం రోజులుగా ప్రభాస్ సినిమా ప్రీ రిలీజ్ పెద్ద గ్రౌండ్ లోనే నిర్వహించాలని ప్లాన్ చేసాము కానీ త్వరలోనే న్యూ ఇయర్ రాబోతున్న నేపథ్యంలో కుదరలేదని తెలిపారు. ఇలా పెద్ద గ్రౌండ్ లో ఈ వేడుకను నిర్వహిస్తే భారీ స్థాయిలో బందోబస్తు అవసరమవుతుంది. ఇలా న్యూ ఇయర్ సందర్భంగా ఉన్న ప్రోటోకాల్ ప్రకారం ఇది కుదరని నేపథ్యంలో చివరికి అభిమానుల క్షేమమే లక్ష్యంగా కైతలపూర్ గ్రౌండ్ ను ఎంపిక చేసినట్లు చిత్ర బృందం వెల్లడించారు. ఇటీవల కాలంలో పెద్ద ఎత్తున తొక్కిసలాట ఘటనలు జరుగుతున్న నేపథ్యంలోనే ముందస్తు జాగ్రత్త చర్యలను చేపడుతున్నారు.

అభిమానులపై లాఠీ చార్జ్..

ఈ నేపథ్యంలోనే త్వరలోనే న్యూ ఇయర్ రాబోతున్న సందర్భంగా ప్రోటోకాల్ ప్రకారమే ఇలా కైతలపూర్ గ్రౌండ్లో ఈ వేడుకను నిర్వహించాల్సి వచ్చిందని చిత్ర బృందం వెల్లడించారు. ఇక ఈ గ్రౌండ్ లో ప్రీ రిలీజ్ ఈవెంట్ ఏర్పాట్లు కూడా పూర్తి అయ్యాయి. ఇక ప్రభాస్ అభిమానులు పెద్ద ఎత్తున అక్కడికి చేరుకున్నారు. ఈ వేడుకకు ప్రభాస్ హాజరు కాబోతున్న నేపథ్యంలో ప్రభాస్ అభిమానులు భారీ స్థాయిలో అక్కడికి చేరుకోవడంతో గందరగోల వాతావరణ పరిస్థితిలో ఏర్పడ్డాయి. దీంతో పోలీసులు తప్పనిసరి పరిస్థితులలో ప్రభాస్ అభిమానులపై లాఠీ చార్జ్ చేశారు. ఇక చాలా రోజుల తర్వాత ప్రభాస్ మీడియా ముందుకు రాబోతున్న నేపథ్యంలో ఈ సినిమా వేడుకలో ప్రభాస్ స్పీచ్ కోసం అభిమానులు ఎంతో ఆతృతగా ఎదురుచూస్తున్నారు.

Also Read; Prakash Raj: మొరిగే వాళ్లను మొరగనివ్వండి.. అనసూయకు మద్దతుగా ప్రకాష్ రాజ్!