The Raja Saab: పాన్ ఇండియా స్టార్ హీరో ప్రభాస్ (Prabhas)ది రాజా సాబ్(The Raja Saab) సినిమా ద్వారా ప్రేక్షకుల ముందుకు రాబోతున్నారు. నిజానికి ఈ సినిమా డిసెంబర్ ఐదవ తేదీ విడుదల కావాల్సి ఉండగా కొన్ని కారణాలవల్ల ఈ సినిమా వాయిదా పడుతూ జనవరి 9, 2026వ తేదీ ప్రేక్షకుల ముందుకు రావడానికి సిద్ధమవుతోంది. సంక్రాంతి పండుగను పురస్కరించుకొని ఈ సినిమా విడుదల తేదీని చిత్ర బృందం ప్రకటించారు అయితే జనవరి 9వ తేదీ కూడా ఈ సినిమా విడుదల కాదు అంటూ వార్తలు వస్తున్న నేపథ్యంలో చిత్ర బృందం ఈ వార్తలపై స్పందిస్తూ క్లారిటీ ఇచ్చారు. ఇటీవల ఈ సినిమా నుంచి ఫస్ట్ సింగిల్ విడుదల చేసి పండగకు తప్పకుండా వస్తున్నాము అంటూ చిత్రబృందం వెల్లడించారు.
ఇకపోతే తాజాగా ఈ సినిమా విడుదల గురించి సోషల్ మీడియాలో మరోసారి వార్తలు హల్చల్ చేస్తున్నాయి. ఇప్పటివరకు ఈ సినిమా బిజినెస్ ఎక్కడ పూర్తికాలేదని ఈ సినిమా కొనుగోలు చేయడానికి బయ్యర్లు కూడా ముందుకు రాని నేపథ్యంలో ఈ సినిమా మరోసారి వాయిదా పడే అవకాశాలు ఉన్నాయని తెలుస్తోంది. ఇక ఈ సినిమా విఎఫ్ఎక్స్ కు సంబంధించిన పనులు కూడా పూర్తి కాలేదని అలాగే ఓటిటి డీల్ కూడా ఇంకా పూర్తికాని నేపథ్యంలో చిత్ర బృందం కూడా సందిగ్ధంలో ఉన్నట్టు తెలుస్తోంది.
ఇలా ఈ సినిమా పనులు ఇంకా పూర్తికాని నేపథ్యంలో డిస్ట్రిబ్యూటర్లు కూడా ఈ సినిమాని కొనుగోలు చేసి రిస్క్ తీసుకోవడానికి ఇష్టపడలేదని సమాచారం. ఇటీవల ప్రభాస్ నటించిన సినిమాలు పాన్ ఇండియా స్థాయిలో మంచి సక్సెస్ అందుకున్నప్పటికీ ది రాజా సాబ్ సినిమా కోసం మాత్రం డిస్ట్రిబ్యూటర్లు ముందుకు రాకపోవడం అందరిని ఆశ్చర్యానికి గురిచేస్తుంది. ఇలా ఈ సినిమా మరోసారి వాయిదా పడుతోంది అంటూ వస్తున్న వార్తలు విన్న అభిమానులు ఆందోళన వ్యక్తం చేస్తున్నారు. సంక్రాంతి పండుగ సందర్భంగా ప్రభాస్ సినిమా విడుదల కాబోతోందన్న ఆనందంలో ఉన్న ఫ్యాన్స్ ఒక్కసారిగా షాక్ అవుతున్నారు.
ముందుకురాని బయ్యర్లు….
మరోవైపు చిత్ర బృందం మాత్రం ఈ సినిమా సంక్రాంతి పండుగకు రావడం పక్కా అని చెబుతున్న ఇంకా ఈ సినిమా బిజినెస్ పూర్తి కాకపోవడంతో సందేహాలను వ్యక్తం చేస్తున్నారు. ఇక ఇటీవల ఈ సినిమా నుంచి ఫస్ట్ సింగిల్ విడుదల చేశారు. ఈ పాట కూడా అనుకున్న విధంగా ప్రేక్షకులను ఆకట్టుకోలేకపోయింది. ఈ సినిమా హారర్ కామెడీ థ్రిల్లర్ గా ప్రేక్షకుల ముందుకు రాబోతున్న సంగతి తెలిసిందే. ఈ సినిమాకు మారుతి దర్శకత్వం వహించగా పీపుల్ మీడియా ఫ్యాక్టరీ నిర్మాణంలో ప్రేక్షకుల ముందుకు రాబోతుంది. ఇక ఈ సినిమాలో ప్రభాస్ కి జోడిగా ప్రియాంక మోహన్, రిద్ది కుమార్, నిధి అగర్వాల్ ముగ్గురు హీరోయిన్లు నటించిన బోతున్న సంగతి తెలిసిందే.
Also Read: Peddi Movie: కళ్ళు చెదిరే ధరకు పెద్ది డిజిటల్ రైట్స్.. ఎన్ని కోట్లో తెలుసా?
Share
CM Progress Report: తెలంగాణ రైజింగ్ గ్లోబల్ సమ్మిట్పై సీఎం రేవంత్ ఫోకస్
Businessman Re release: మహేష్ బాబు బిజినెస్ మాన్ రీ రిలీజ్.. థియేటర్ వద్ద ఉద్రిక్తత!
