Xiaomi AC: ప్రముఖ టెక్ దిగ్గజం షావోమీ (Xiaomi) సరికొత్త ఏసీని లాంచ్ చేసింది. సరికొత్త ఎనర్జీ-ఎఫిషియంట్ స్మార్ట్ ఎయిర్ కండిషనర్లను చైనాలో విడుదల చేసింది. ప్రస్తుతం ఈ ఏసీల ప్రీ-ఆర్డర్లు జోరుగా జరుగుతున్నట్లు కంపెనీ వర్గాలు తెలిపాయి. ఇందులోని ఫీచర్లు వినియోగదారులను ఆకర్షిస్తున్నట్లు పేర్కొన్నాయి. 2026 వేసవిని దృష్టిలో ఉంచుకొని త్వరలోనే భారత మార్కెట్ లోకి ఈ సరికొత్త ఏసీని లాంచ్ చేయనున్నట్లు షావోమీ వర్గాలు తెలిపాయి. ఈ నేపథ్యంలో ఈ ఏసీలోని ప్రధాన ఫీచర్లు ఏంటీ? వాటి వల్ల కలిగే ప్రయోజనాలు? ధర ఎంత ఉండొచ్చు? వంటి అంశాలను ఇప్పుడు పరిశీలిద్దాం.
ఇందులో ఏఐ ఆధారిత హ్యుమన్ సెన్సింగ్ టెక్నాలజీని అమర్చారు. దీనిలోని ప్రత్యేక రాడార్ సెన్సార్లు గదిలో ఉన్న వ్యక్తులను గుర్తిస్తాయి. వాటికి అనుగుణంగా ఏసీ చల్లదనాన్ని వాటంతట అవే అడ్జస్ట్ చేసుకుంటాయి. అలాగే వ్యక్తులు ఎక్కడ ఉన్నారో గమనించి నేరుగా వారికి చల్లదనం తగిలేలా చేస్తుంది. దీనిలోని ఆటోమేటిక్ సేవింగ్ ఫీచర్.. గదిలో ఎవరూ లేనప్పుడు ఎనర్జీ సేవింగ్ మోడ్ లోకి మారిపోతుంది.
ఈ సరికొత్త ఏసీ యాన్యువల్ పెర్ఫార్మెన్స్ ఫ్యాక్టర్ (APF) 6.30 వరకు ఉంది. ఇది చైనాలోని లెవల్-1 ఎనర్జీ ఎఫిషియన్సీ ప్రమాణాలకు అనుగుణంగా రూపొందింది. సాధారణ ఏసీలతో పోలిస్తే ఇది ఏడాదికి సుమారు 207 యూనిట్ల నుండి 500 యూనిట్ల వరకు విద్యుత్తును ఆదా చేయగలదని కంపెనీ పేర్కొంది.
షావోమి లేటెస్ట్ టెక్నాలజీ HyperOSపై ఇది పనిచేస్తుంది. Mi Home యాప్తో దీనిని కంట్రోల్ చేయవచ్చు. వినియోగదారులు తమ స్మార్ట్ఫోన్ ద్వారా ప్రపంచంలో ఎక్కడి నుండైనా ఏసీని నియంత్రించవచ్చు. వాయిస్ కమాండ్స్ ద్వారా కూడా ఈ ఏసీ పనిచేస్తుంది.
ఇది కేవలం 16 డెసిబుల్స్ (16 dB) శబ్దంతో మాత్రమే పనిచేస్తుంది. ఫలితంగా రాత్రిళ్లు చాలా ప్రశాంతంగా నిద్రపోవచ్చు. కేవలం 30 సెకన్లలో ఫాస్ట్ కూలింగ్, 60 సెకన్లలో హీటింగ్ చేయగల సామర్థ్యం దీనికి అందించారు. ఇండోర్, అవుట్డోర్ యూనిట్లు రెండూ వాటంతట అవే శుభ్రం చేసుకునే (Self-cleaning) ఫీచర్ను కలిగి ఉన్నాయి.
Also Read: LPG Alternatives: గ్యాస్ సమస్య వేధిస్తుందా? ఈ స్మార్ట్ పరికరాలతో.. నచ్చింది తినేయచ్చు!
ప్రస్తుతానికి ఈ అధునాతన ఏసీ చైనాలో మాత్రమే విడుదలైంది. దీని ప్రారంభ ధరను 2,399 యువాన్లుగా నిర్ణయించారు. భారత కెరన్సీలో దీని ధర సుమారు రూ.32,288. త్వరలో భారత్ లోనూ అడుగుపెట్టనున్న నేపథ్యంలో ఇక్కడి మధ్యతరగతి ప్రజలకు.. ఈ ఏసీ ఎంతో ప్రయోజనకరంగా ఉంటుందని నిపుణులు చెబుతున్నారు.
Also Read: Gas Alternatives: దేశంలో గ్యాస్ కొరత.. ఎయిర్ ఫ్రైయర్, మైక్రోవేవ్, ఇండక్షన్ స్టవ్.. వంటకు ఏది బెస్ట్?
Share
OTT Releases: ఈ రోజు ఓటీటీలోకి వచ్చిన సినిమాల లిస్ట్ ఇదే.. స్ట్రీమింగ్ ఎక్కడంటే?
Ustaad Bhagat Singh: పవన్ కళ్యాణ్ ‘ఉస్తాద్ భగత్ సింగ్’కు డాల్బీ అట్మాస్ మ్యాజిక్.. ఇక థియేటర్లలో పూనకాలే!
