Varalakshmi Sarathkumar:ఒకప్పుడు హీరోయిన్ గా కెరియర్ ను మొదలుపెట్టిన వరలక్ష్మి శరత్ కుమార్ (Varalakshmi Sarathkumar) హీరోయిన్ గా సక్సెస్ కాకపోవడంతో క్యారెక్టర్ ఆర్టిస్ట్ గా తన కెరియర్ ను మార్చుకుంది. ఆ తర్వాత తెలుగులో క్రాక్ సినిమాలో విలన్ గా మొదటిసారి నటించి తన అద్భుతమైన నటనతో ఊహించని పాపులారిటీ సొంతం చేసుకుంది. ముఖ్యంగా తెలుగు స్టార్ హీరోలకు లక్కీ లేడీగా మారిపోయిన ఈ ముద్దుగుమ్మ..తెలుగులో ఎన్నో చిత్రాలు చేస్తూ ప్రేక్షకులను అలరించింది. అలాంటి ఈమె తొలిసారి దర్శకురాలిగా మారి లీడ్రోల్ పోషిస్తూ సరస్వతి (saraswathi) అనే సినిమాతో ప్రేక్షకుల ముందుకు రానుంది.
ప్రకాష్ రాజ్, ప్రియమణి, రాధిక, నాజర్ తదితరులు ప్రధాన పాత్రలు పోషించిన ఈ సినిమాలో వరలక్ష్మి కీలకపాత్ర పోషిస్తుంది. ఇటీవల ఈ సినిమా ట్రైలర్ రిలీజ్ చేయగా.. ఆ ట్రైలర్ లాంచ్ ఈవెంట్లో వరలక్ష్మి ఎమోషనల్ అయింది. తనకు పునర్జన్మ నిచ్చిన డైరెక్టర్ గోపీచంద్ మలినేని కి ధన్యవాదాలు తెలిపింది . ఇకపోతే తాజాగా ఈ సినిమా నుంచి ఫస్ట్ సింగిల్ ను రిలీజ్ చేస్తున్నట్లు అధికారికంగా ఇంస్టాగ్రామ్ వేదికగా ఒక పోస్ట్ పంచుకుంది వరలక్ష్మి శరత్ కుమార్.
సరస్వతి సినిమా నుండి ఫస్ట్ సింగిల్ ని మార్చి ఒకటి ఉదయం 10:04 గంటలకు సౌత్ లేడీ సూపర్ స్టార్ నయనతార (Nayanthara) చేతుల మీదుగా లాంచ్ చేయబోతున్నట్లు అధికారికంగా స్పష్టం చేసింది. ఇకపోతే ఈ సినిమా మార్చి 6వ తేదీన థియేటర్లలోకి రాబోతున్న విషయం తెలిసిందే. ఇకపోతే ఈ చిత్రాన్ని దోస డైరీ బ్యానర్ పై తన సోదరీ పూజా శరత్ కుమార్ తో పాటు వరలక్ష్మీ శరత్ కుమార్ నిర్మిస్తోంది. భారీ అంచనాల మధ్య రాబోతున్న ఈ సినిమా ఫస్ట్ సింగిల్ ను నయనతార చేతుల మీదుగా లాంచ్ చేయబోతున్నారని అధికారికంగా ప్రకటించడంతో ఇప్పుడు అంచనాలు రెట్టింపు అయ్యాయని చెప్పాలి..ఈ చిత్రానికి ఎస్.తమన్ సంగీతాన్ని అందించారు.
ALSO READ:Vijay – Sangeetha: విడాకుల వేళ.. విజయ్ పై సంగీత మోపిన 7 అభియోగాలు ఇవే!
సరస్వతి సినిమా ట్రైలర్ విషయానికి వస్తే.. హై కాన్సెప్ట్ థ్రిల్లర్ గా రూపొందుతున్న సరస్వతీ సినిమా నుండి ట్రైలర్ రిలీజ్ చేశారు.. తన కూతురు కోసం క్రూరమైన ప్రపంచానికి వ్యతిరేకంగా సరస్వతి ఎదురు నిలిచే సాహసం ఎలా ఉంటుంది అనే కాన్సెప్ట్ తో ఈ సినిమా తెరకెక్కినట్లు ట్రైలర్ ద్వారా స్పష్టం చేశారు. ఇకపోతే తొలిసారి వరలక్ష్మి దర్శకురాలిగా, నిర్మాతగా తన తొలి ప్రయాణాన్ని మొదలుపెట్టింది. మరి ఈ ప్రయాణం ఆమెకు మరింత విజయాన్ని అందించాలని అభిమానులు ఆకాంక్షిస్తున్నారు. విలక్షణమైన నటిగా భారీ పాపులారిటీ సొంతం చేసుకున్న వరలక్ష్మి శరత్ కుమార్ ఇప్పుడు దర్శకురాలిగా తన టాలెంట్ను ఏ మేరకు నిరూపించుకుంటుందో చూడాలి.
First single of #Saraswathi to be launched by #Nayanthara on March 1st at 10:04 AM…🔥🔥🔥#Tollywood #tollywoodactress #entertainment #Bigtv #Bigtvcinema pic.twitter.com/JSQFQap3Tc
— BIG TV Cinema (@BigtvCinema) February 28, 2026
Share
Smoking: స్మోకింగ్ మానేయాలనుకుంటున్నారా? అయితే ఈ చిట్కాలు మీకోసమే
Gold Rate Increase: పరుగులు పెడుతున్న పుత్తడి.. మళ్ళీ పెరిగిన రేట్లు.. తులం బంగారం ఎంతంటే?
