MSG-Venkatesh Shooting Completed: ఇప్పుడు అంతా పాన్ ఇండియా సినిమాల హవా నడుస్తుంది కానీ స్వచ్ఛమైన తెలుగు సినిమాలను ఇష్టపడే ప్రేక్షకులు ఇప్పటికీ కూడా ఉన్నారు. ఒక చక్కని కుటుంబ కథ చిత్రం తీస్తే ఎంతోమంది ఫ్యామిలీ ఆడియన్స్ దానిని ఆదరిస్తారు. ఇది ప్రూవ్ చేసిన అతి కొద్ది మంది దర్శకులు లో అనిల్ రావిపూడి ఒకరు. ఇప్పటివరకు అనిల్ రావిపూడి చేసిన ప్రతి సినిమా కూడా మంచి సక్సెస్ సాధించింది. మంచి సినిమాలు చేయడం మాత్రమే కాకుండా దానిని ప్రేక్షకులలోనికి ఎలా తీసుకెళ్లాలో బాగా అనిల్ రావిపూడి కి తెలుసు. ఒక అద్భుతమైన పాయింట్ రాసుకుని దానిని కామెడీగా చెప్పడమే అనిల్ రావిపూడి స్ట్రెంత్.
సినిమాస్ లో అవుతుంది అనుకునే టైంలో అదిరిపోయే మాస్ మూమెంట్ ఒకటి తన సినిమాల్లో క్రియేట్ చేస్తూ ఉంటాడు. ఇక ప్రస్తుతం అనిల్ రావిపూడి మెగాస్టార్ చిరంజీవి హీరోగా మన శంకర్ వరప్రసాద్ గారు అనే సినిమా చేస్తున్న సంగతి తెలిసిందే. ఈ సినిమా సంక్రాంతి కానుకగా విడుదల కానుంది. అయితే ఈ సినిమాలో మెగాస్టార్ చిరంజీవితో పాటు విక్టరీ వెంకటేష్ కూడా ఒక కీలక పాత్రలో కనిపిస్తున్నారు. వెంకటేష్ కి సంబంధించిన షూటింగ్ కంప్లీట్ అయినట్లు ట్విట్టర్ వేదికగా వెంకి మామ తెలిపారు. చాలామంది ప్రేక్షకులకు మెగాస్టార్ చిరంజీవి, బాలకృష్ణ, నాగార్జున, వెంకటేష్ సినిమాలంటే విపరీతంగా ఇష్టపడుతుంటారు. అయితే ఇద్దరూ స్టార్ హీరోలు కలిసి ఒకే సినిమాలో కనిపిస్తే ఎలా ఉంటుందో అనే ఊహే అద్భుతంగా ఉంది. ఇప్పుడు అనిల్ రావిపూడి దాని నిజం చేస్తూ మెగాస్టార్ చిరంజీవి సినిమాలో విక్టరీ వెంకటేష్ ను ఒక కీలక పాత్రలో తీసుకున్నారు.
Also Read: Nov 2025 Hits And Flops: నవంబర్ హిట్స్-ప్లాప్స్.. మేకర్స్ని నిండా ముంచిన చిత్రాలివే!
ఇద్దరూ కలిసి ఒక పాటకి స్టెప్స్ వేస్తున్నట్లు కూడా బయటకు వార్తలు వచ్చాయి. ఈ సినిమా గురించి విక్టరీ వెంకటేష్ స్పందించారు. మనశంకరవరప్రసాద్ గారు కోసం ఈరోజు నా పాత్రను ముగించాను, మరియు అది ఎంత అద్భుతమైన అనుభవం! నాకు ఇష్టమైన మెగాస్టార్ చిరంజీవి తో కలిసి పనిచేయడం చాలా ఆనందంగా ఉంది మరియు ఈ చిత్రం నాకు చాలా అందమైన జ్ఞాపకాలను మిగిల్చింది. ‘మెగాస్టార్ చిరంజీవి’ తో స్క్రీన్ పంచుకోవాలని చాలా కాలంగా ఉంది. అనిల్ రావిపూడి చివరకు మన శంకర్ వరప్రసాద్ గారు సినిమా కోసం మమ్మల్ని ఒకచోట చేర్చినందుకు నేను చాలా సంతోషంగా ఉన్నాను“ అంటూ లవ్ సింబల్ పెట్టారు. 2026 సంక్రాంతి సీజన్ వరకు ఉండలేకపోతున్నాను అంటూ తన ఉత్సాహాన్ని వెల్లడించారు వెంకిమామ.
Wrapped up my part today for #ManaShankaraVaraPrasadGaru, and what an incredible experience it has been! Working with my favourite @KChiruTweets was an absolute joy and this film has left me with so many lovely memories. It was long overdue to share the screen with ‘Megastar… pic.twitter.com/KAzWcXGBeK
— Venkatesh Daggubati (@VenkyMama) December 3, 2025
అనిల్ రావిపూడి గురించి కొత్తగా చెప్పాల్సిన అవసరం లేదు ఏ సీన్స్ పెడితే వర్క్ అవుట్ అవుతాయో అనే పల్స్ చాలా క్లారిటీగా అనిల్ కు తెలుసు. అయితే అనిల్ రావిపూడి సినిమాలు అంతమందికి ఎక్కవు కానీ కొంతమందికి విపరీతంగా ఎక్కుతాయి. ఆ సినిమాలను థియేటర్స్ లో పడి పడి నవ్వుతూ మరీ చూస్తారు అదే అనిల్ స్ట్రెంత్. ఇక వెంకటేష్ చిరంజీవి ఇద్దరినీ ఒకే స్క్రీన్ పై చూడటం అనేది మంచి ఫీలింగ్ అని చెప్పొచ్చు. కాగా ప్రస్తుతం ఈ మూవీపై విపరీతమైన బజ్ నెలకొంది. ఇంతవరకు ప్లాప్ లేని అనిల్ రావిపూడితో మెగాస్టార్ మూవీ అనగానే అంచనాలు పెరిగిపోయాయి. దానికి తోడు వెంకీమామ గెస్ట్ అప్పియరెన్స్ మూవీ మరింత బజ్ పెంచింది.
Share
TDP vs YSRCP: ఫ్లైట్ జర్నీపై ఫైట్
Adilabad: ఆదిలాబాద్.. హస్తం పార్టీలో అలజడి కారణం ఇదేనా?
