Suresh Kumar: ప్రముఖ నటుడు సురేశ్ కుమార్ కన్నుమూత..శోక సంద్రంలో టాలీవుడ్..!

Suresh Kumar: టాలీవుడ్‌కు చెందిన ప్రముఖ నటుడు సురేశ్ కుమార్ గుండెపోటుతో కన్నుమూశారు. ఆయన మృతి వార్త సినిమా రంగంలోనూ..అభిమానుల్లోనూ తీవ్ర విషాదాన్ని కలిగించింది. సురేశ్ కుమార్ నటుడిగా మాత్రమే కాకుండా.. మంచి వృత్తి నైపుణ్యం కలిగిన వ్యక్తిగా కూడా గుర్తింపు పొందారు.

సురేశ్ కుమార్ దాదాపు మూడు దశాబ్దాలకు పైగా బ్యాంకింగ్ రంగంలో పని చేశారు. దేశీయంగా.. అంతర్జాతీయంగా ఉన్న పలు మల్టీనేషనల్ బ్యాంకుల్లో ఆయన అత్యున్నత పదవుల్లో సేవలందించారు. ఉద్యోగ జీవితంలో ఎంతో క్రమశిక్షణతో, నిబద్ధతతో పని చేసి మంచి పేరు సంపాదించారు.

అయితే చిన్నప్పటి నుంచే ఆయనకు నటనపై ప్రత్యేకమైన ఆసక్తి ఉండేది. అదే ఆసక్తితో సినిమాల వైపు అడుగులు వేశారు. ఉద్యోగ బాధ్యతల మధ్య కూడా తన అభిరుచిని వదలకుండా చిత్ర రంగంలో అవకాశాలు పొందారు. సహజమైన నటనతో ప్రేక్షకులను ఆకట్టుకున్నారు.

సురేశ్ కుమార్ హిందీ, తెలుగు, తమిళం, మరాఠీ భాషల్లో నటించి తన ప్రతిభను చూపించారు. భాష ఏదైనా పాత్రలో ఒదిగిపోవడం.. ఆయన ప్రత్యేకత. తెలుగులో ముఖ్యంగా సీతమ్మ వాకిట్లో సిరిమల్లె చెట్టు, ‘
మహా నటి, గోల్కొండ హైస్కూల్, ఎన్టీఆర్ కథానాయకుడు..వంటి సినిమాల్లో ఆయన చేసిన పాత్రలు ప్రేక్షకులకు గుర్తుండిపోతాయి.

చిన్న పాత్ర అయినా.. కీలక పాత్ర అయినా దానికి పూర్తి న్యాయం చేసే నటుడిగా సురేశ్ కుమార్ పేరు నిలిచింది. ఆయన మరణంతో సినిమా పరిశ్రమ ఒక మంచి నటుడిని కోల్పోయింది. కుటుంబ సభ్యులకు, స్నేహితులకు, అభిమానులకు ఆయన మృతి తీరని లోటు అని చెప్పవచ్చు. సురేశ్ కుమార్ ఆత్మకు శాంతి చేకూరాలని పలువురు సినీ ప్రముఖులు సంతాపం తెలియజేస్తున్నారు.

ALSO READ: MSVPG Film: ‘ మన శంకర వరప్రసాద్ గారు’ కి సీక్వెల్ ఉందా? ఈ ట్విస్ట్ ఏంటీ బాసు!