Vijay – Rashmika:టాలీవుడ్ సినీ ఇండస్ట్రీలో గత ఎనిమిది సంవత్సరాలుగా మోస్ట్ రూమర్డ్ లవ్లీ జంటగా పేరు తెచ్చుకున్నారు విజయ్ దేవరకొండ (Vijay Deverakonda), రష్మిక మందన్న (Rashmika mandanna). 2018లో పరుశురాం రచన, దర్శకత్వంలో గీతా ఆర్ట్స్ 2 పిక్చర్స్ బ్యానర్ పై నిర్మించిన ‘గీతాగోవిందం’ సినిమాలో తమ అద్భుతమైన పర్ఫామెన్స్ తో అందరి దృష్టిని ఆకట్టుకున్నారు. ముఖ్యంగా వీరి ఆన్ స్క్రీన్ కెమిస్ట్రీకి అభిమానులు ఫిదా అయిపోయారు. పైగా వీళ్ళిద్దరి కాంబినేషన్లో మళ్లీ 2019లో ‘డియర్ కామ్రేడ్’ సినిమా వచ్చి ఈ సినిమా కూడా పర్వాలేదు అనిపించుకుంది. అప్పటినుంచి విజయ్ దేవరకొండ – రష్మిక మందన్న మధ్య ఏదో సాగుతోంది అనే వార్తలు గట్టిగా వినిపించాయి. ఇక ఆ వార్తలను రహస్యంగా మైంటైన్ చేస్తూ వచ్చిన ఈ జంట గత 4 రోజుల క్రితం అధికారికంగా ప్రకటించి, వైవాహిక బంధంలోకి అడుగుపెడుతున్నామని స్పష్టం చేశారు.
ఇక ఎట్టకేలకు రాజస్థాన్లోని జైపూర్ లో ఉదయపూర్ ప్యాలెస్ వేదికగా అత్యంత సన్నిహితులు, కుటుంబ సభ్యులు సమక్షంలో వేదమంత్రాల సాక్షిగా విజయ్ దేవరకొండ – రష్మిక మందన్న మూడు ముళ్ళు.. ఏడడుగులు వేసి కొత్త బంధంలోకి అడుగు పెట్టారు. దాదాపు 8 సంవత్సరాలుగా ఊరిస్తూ ప్రేక్షకులలో ఉత్కంఠ రేపిన విజయ్ దేవరకొండ, రష్మిక మందన్న ఎట్టకేలకు వైవాహిక బంధంలోకి అడుగుపెట్టి అభిమానులను ఖుషీ చేశారు. ఇక ఈ జంటకు అటు పలువురు సినీ సెలబ్రిటీలు, రాజకీయ నాయకులు వివాహం సందర్భంగా శుభాకాంక్షలు తెలియజేస్తున్నారు.
ఇకపోతే విజయ్ దేవరకొండ , రష్మిక మందన్న జంటకు అభిమానులు “విరోష్” అని అభిమానంగా పేరు పెట్టిన విషయం తెలిసిందే. ఇక ఈ పేరును వీరు స్వాగతిస్తూ “ది వెడ్డింగ్ ఆఫ్ విరోష్” అంటూ తమ వివాహ విషయాన్ని అధికారికంగా ప్రకటించారు. పైగా “విరోష్ ప్రీమియర్ లీగ్” అంటూ ఈ వివాహ వేడుకకు వచ్చిన సన్నిహితులతో క్రికెట్ గేమ్ కూడా ఆడారు.. ఇక నిన్న అట్టహాసంగా సంగీత్ , హాల్దీ వేడుకలు కూడా జరిగిన విషయం తెలిసిందే. ఇందులో విజయ్ దేవరకొండ , రష్మిక మందన్న ఒకరి చెయ్యి మరొకరు పట్టుకొని డాన్స్ చేస్తూ అందరిని సంతోషపరిచారు. ఇక అంతేకాదు ఈ వివాహ వేడుకకు హాజరైన బంధుమిత్రులు, సన్నిహితుల కోసం జపనీస్ వంటకాలను ప్రత్యేకంగా ఏర్పాటు చేసిన విషయం తెలిసిందే.
ALSO READ:Varanasi film : భారతీయ సినిమా చరిత్రలోనే నిలిచిపోతుంది.. ప్రియాంక చోప్రా కామెంట్స్!
ఇటీవల జరిగిన హై ప్రొఫైల్ వివాహాల లో విజయ్ దేవరకొండ రష్మిక మందన్న పెళ్లి కూడా ఒకటి కావడం గమనార్హం. ఇక్కడ మరో ఆశ్చర్యకరమైన విషయం ఏమిటంటే ఉదయపూర్ వేదికగా హై ప్రొఫైల్ వివాహాలకు ఆతిథ్యం ఇస్తున్న హోటల్లోనే వీరిద్దరి వివాహం చేసుకొని తమ బంధువులకు ఆతిథ్యం అందించనున్నట్లు తెలుస్తోంది. మొత్తానికైతే విజయ్ దేవరకొండ హ రష్మిక మందన్న పెళ్లి కోసం ఎదురుచూసిన అభిమానులకు ఊహించని సర్ప్రైజ్ లభించడమే కాకుండా పెళ్లి బంధంతో ఒక్కటై అభిమానులను సంతోషపరిచారు.
Share
Romantic Movie OTT : ఈత కొడుతూ సీదా మొసలి నోట్లోకి... ఈ మూవీని ఎప్పుడు, ఎక్కడ చూడచ్చు అంటే ?
Jagan Politics: జగన్ టీమ్లోకి ఇద్దరు యోధులు? కూటమి ప్రభుత్వానికి కష్టాలు తప్పవా?
