Jana Nayagan: జన నాయగన్ రీమేక్ కాదు.. ఇదెక్కడి లాజిక్?

Jana Nayagan: కోలీవుడ్ స్టార్ హీరో విజయ్ దళపతి (Vijay thalapathy) ఒకవైపు సినిమాలలో నటిస్తూనే.. మరొకవైపు రాజకీయాల్లోకి అడుగులు వేసిన విషయం తెలిసిందే. టీవీకే అనే ఒక కొత్త రాజకీయ పార్టీని స్థాపించిన విజయ్ దళపతి ఈ పార్టీ ద్వారా ప్రజలకు సేవ చేయాలని చూస్తున్నారు. అందులో భాగంగానే సినిమాల ద్వారా తనను ఆదరించిన ప్రజలకు మంచి చేకూర్చాలనే నేపథ్యంలో స్థాపించిన ఈ పార్టీ ద్వారా వచ్చే ఎన్నికలలో పోటీ చేసి అధికారంలోకి రావాలని ప్రయత్నం చేస్తున్నారు. ఇక అందులో భాగంగానే ఇటు ప్రేక్షకులను ఆకట్టుకోవడానికి ప్రముఖ డైరెక్టర్ హెచ్ వినోద్ దర్శకత్వంలో జననాయగన్ అనే సినిమా చేస్తున్నారు. పైగా విజయ్ దళపతి ఆఖరి సినిమా కూడా ఇదే కావడం గమనార్హం.

జన నాయగన్ రీమేక్ భగవంత్ కేసరి..

విజయ్ ఆఖరి సినిమా కావడంతో ఈ సినిమాపై అందరి అంచనాలు పెరిగిపోయాయి. ముఖ్యంగా ఇది టాలీవుడ్ బడా సీనియర్ హీరో బాలకృష్ణ అనిల్ రావిపూడి దర్శకత్వంలో చేసిన భగవంత్ కేసరి సినిమాకి రీమేక్ అంటూ గత కొంతకాలంగా వార్తలు వినిపించిన విషయం తెలిసిందే. అయితే ఇటీవల ఈ సినిమా ఆడియో లాంచ్ ఈవెంట్ మలేషియాలో నిర్వహించినప్పుడు.. ఈ చిత్ర దర్శకుడు హెచ్ వినోద్ ఇది 100% భగవంత్ కేసరి రీమేక్ కాదు .. విజయ్ కోసం ప్రత్యేకంగా రాసుకున్న కథ అంటూ తెలిపారు. దీంతో నిజంగానే ఈ సినిమా భగవంత్ కేసరికి రీమేక్ కాదు అని అందరూ ఒక అభిప్రాయానికి వచ్చారు. ఆ తర్వాత ఈ సినిమా నుండి ట్రైలర్ విడుదల చేయగా 90% భగవంత్ కేసరికి రీమేక్ అని స్పష్టం అయ్యింది. దీంతో డైరెక్టర్ అబద్ధం చెప్పాడని ఇది అటు ఇటుగా మార్చి భగవంత్ కేసరి సినిమాను పూర్తిగా దింపబోతున్నాడని కామెంట్లు కూడా వినిపించాయి. పైగా ఈ చిత్రం నిర్మాతలు భగవంత్ కేసరి రీమేక్ హక్కులను 4.5 కోట్లు వెచ్చించి మరి కొనుగోలు చేశారు. ఇక దీంతో రీమేక్ అంటూ వార్తలు రాగా ఇప్పుడు మరో ఫన్నీ పోస్టు సోషల్ మీడియాలో హల్చల్ చేస్తోంది.

రీమేక్ కాదంటూ పోస్ట్ వైరల్..

ఇక ఆ పోస్టులో విజయ్ దళపతి ఎడమ చెంప పైన పుట్టుమచ్చ ఉంది. కానీ బాలకృష్ణ చెంప పైన ఆ పుట్టుమచ్చ లేదు. ఈ రెండింటిని కంపేర్ చేస్తూ ఇది కచ్చితంగా భగవంతుకేసరి రీమేక్ కాదు అంటూ ఫన్నీ పోస్టు సోషల్ మీడియాలో హల్చల్ చేస్తోంది. మొత్తానికైతే రీమేక్ గా రాబోతున్న జననాయగన్ చిత్రం రీమేక్ కాదని డైరెక్టర్ చెప్పడంతో ఇలా ఫన్నీగా మీమ్స్ , ఫోటోలు క్రియేట్ చేసి సోషల్ మీడియాలో రచ్చ చేస్తున్నారు నెటిజన్స్. మరి దీనిపై చిత్ర బృందం ఏదైనా క్లారిటీ ఇస్తుందేమో చూడాలి.

ALSO READ:Balakrishna: బాలయ్య అభిమానిగా మారిన స్టార్ హీరోయిన్.. జై బాలయ్య అంటూ!

జననాయగన్ సినిమా విశేషాలు..

విజయ దళపతి హీరోగా, పూజా హెగ్డే హీరోయిన్ గా హెచ్. వినోద్ దర్శకత్వంలో వస్తున్న ఈ సినిమా సంక్రాంతి సందర్భంగా జనవరి 9వ తేదీన విడుదల కాబోతోంది. తెలుగులో జననాయకుడు అంటూ డబ్బింగ్ వెర్షన్లో ప్రేక్షకుల ముందుకు రానుంది. అలాగే హిందీలో జననేత అనే పేరిట రిలీజ్ చేయబోతున్నారు.