Vishnu Vinyasam First Review: విష్ణు విన్యాసం సినిమాపై ఇప్పటికే మంచి అంచనాలు ఉన్నాయి. ఎంటర్టైన్మెంట్కు కింగ్గా పేరున్న శ్రీ విష్ణు మరోసారి ప్రేక్షకులను నవ్వించేందుకు సిద్ధమయ్యారు. ఆయన తాజా చిత్రం ఫిబ్రవరి 27న థియేటర్లలో విడుదల కానుంది. ఇప్పటికే టికెట్ బుకింగ్స్ ఓపెన్ అవ్వగా మంచి స్పందన వస్తోంది. ప్రేక్షకుల్లో సినిమాపై ఆసక్తి స్పష్టంగా కనిపిస్తోంది.
ఈ సినిమాకు సంబంధించిన సెన్సార్ ప్రక్రియ పూర్తైంది. సెన్సార్ బోర్డు నుంచి యూ/ఏ సర్టిఫికెట్ లభించింది. సినిమా నిడివిని రెండు గంటలుగా ఖరారు చేశారు. లాగుడు లేకుండా సింపుల్గా.. ఫన్తో సినిమా ఉంటుందని టాక్. ముఖ్యంగా ఫస్ట్ హాఫ్ చాలా ఎంజాయ్మెంట్గా ఉంటుందని సమాచారం. జ్యోతిష్యం వాస్తు మీద గట్టి నమ్మకం ఉన్న వ్యక్తిగా శ్రీ విష్ణు చేసే విన్యాసాలు నవ్వులు పూయిస్తాయని అంటున్నారు.
ఈ కథలో హీరోయిన్గా నయన్ సారిక నటిస్తున్నారు. ఆమె ఎంట్రీ తర్వాత కథ మరింత ఆసక్తికరంగా మారుతుందని చెప్పుకుంటున్నారు. హీరో హీరోయిన్ మధ్య కెమిస్ట్రీ సినిమాకు పెద్ద ప్లస్ అవుతుందని టాక్. ఇద్దరి మధ్య వచ్చే సన్నివేశాలు సరదాగా ప్రేక్షకులను ఆకట్టుకుంటాయట.
శ్రీ విష్ణు తన సహజమైన నటనతో మరోసారి మెప్పించారని సమాచారం. ఆయనకు ఉన్న కామిక్ టైమింగ్ బాడీ లాంగ్వేజ్ చురుకైన డైలాగులు సినిమాకు బలంగా నిలుస్తాయని చెబుతున్నారు. జ్యోతిష్యం వాస్తు మీద నమ్మకం ఉన్న పాత్రను ఆయన చాలా ఈజ్తో పండించారని ఇండస్ట్రీ వర్గాలు అభిప్రాయపడుతున్నాయి.
ఈ సినిమాను నిర్మాత సుమంత్ జి నాయుడు నిర్మించారు. రిలీజ్కు ముందే ఈ సినిమాకు మంచి ప్రీ రిలీజ్ బిజినెస్ పూర్తయ్యిందని సమాచారం. ఇది చిత్రంపై ఉన్న నమ్మకాన్ని చూపిస్తోంది. హోలీ పండుగ వీకెండ్ కావడంతో బాక్సాఫీస్ వద్ద సినిమాకు అదనపు అడ్వాంటేజ్ ఉండే అవకాశాలు ఉన్నాయి.
విష్ణు విన్యాసం ఒక ఫన్ ఫుల్ ఎంటర్టైనర్గా ప్రేక్షకుల ముందుకు రానుంది. నవ్వులు వినోదం కోరుకునే ప్రేక్షకులకు ఈ సినిమా మంచి ఎంపిక అవుతుందనే అంచనాలు ఉన్నాయి. అయితే అసలు తీర్పు మాత్రం సినిమా విడుదలైన తర్వాత ప్రేక్షకుల స్పందన మీదే ఆధారపడి ఉంటుంది.
ALSO READ: Rashmika Mandanna: విజయ్ తో పెళ్లి వేళ.. మాతృభాషలో రష్మిక వీడియో రిలీజ్!
Share
Viral Video: టీమిండియా ఓడిపోవాలని పాకిస్తాన్ మసీదులో పూజలు..ఇదిగో షాకింగ్ వీడియో
Epstein Files: బికినీ అమ్మాయిలు.. చేతిలో మద్యం.. స్టీఫెన్ హాకింగ్ ఫొటో కలకలం
