Samantha -Raj Nidimoru: సమంత రాజ్ మధ్య ఏజ్ గ్యాప్ ఎంతో తెలుసా.. అన్నేళ్లు చిన్నదా?

Samantha -Raj Nidimoru: సినీ నటి సమంత (Samantha)రెండో పెళ్లి చేసుకోవడంతో ప్రస్తుతం వార్తల్లో నిలుస్తున్నారు. సమంత సినీ నటుడు అక్కినేని నాగచైతన్యకు విడాకులు ఇచ్చిన తర్వాత కొంతకాలం పాటు సింగిల్ లైఫ్ ఎంజాయ్ చేస్తూ వచ్చారు. అయితే ఈమె గత కొద్ది రోజులుగా దర్శకుడు రాజ్ నిడిమోరు(Raj Nidimoru)తో రిలేషన్ లో ఉన్నారు కానీ వీరి రిలేషన్ గురించి అధికారకంగా ఎక్కడ ప్రకటించలేదు అయితే తాజాగా వీరిద్దరూ ఈషా ఫౌండేషన్ లోని యోగ ఆశ్రమంలోని లింగ బైరవి ఆలయంలో వివాహం చేసుకున్న సంగతి తెలిసిందే. ఈ వివాహానికి సంబంధించిన ఫోటోలను సమంత అధికారికంగా తన ఇంస్టాగ్రామ్ ద్వారా షేర్ చేయడంతో ఈ ఫోటోలు వైరల్ అవుతున్నాయి.

రాజ్ కంటే 8 ఏళ్లు చిన్నది..

ఈ విధంగా సమంత పెళ్లి చేసుకోవడంతో సమంతకు, రాజ్ కు సంబంధించి ఎన్నో రకాల వార్తలు బయటకు వచ్చాయి వీరిద్దరూ భూత శుద్ధి వివాహం చేసుకున్నట్లు ఈశా ఫౌండేషన్ వారు కూడా అధికారకంగా తెలియజేశారు అయితే సమంత రాజ్ ఇద్దరు పెళ్లి చేసుకోవడంతో వీరిద్దరి మధ్య ఉన్న ఏజ్ గ్యాప్ (Age Gap)గురించి కూడా వార్తలు హల్చల్ చేస్తున్నాయి. సమంత వయసులో రాజ్ కంటే కూడా ఏకంగా 8 సంవత్సరాలు చిన్నదని తెలుస్తోంది. రాజ్ నిడిమోరు ఆగస్టు 4 1979 వ సంవత్సరంలో జన్మించారు. ఇకపోతే సమంత 1987 ఏప్రిల్ 28వ తేదీ జన్మించారు. ఇలా వీరిద్దరి మధ్య 8 సంవత్సరాలు వయసు తేడా ఉందని తెలుస్తోంది.

కొత్త జంటకు అభినందనలు..

ప్రస్తుతం సమంత రాజ్ పెళ్లికి సంబంధించిన ఈ ఫోటోలు సోషల్ మీడియాలో వైరల్ గా మారడంతో సమంత అభిమానులు ఎంతో సంతోషం వ్యక్తం చేస్తూ ఈమెకు శుభాకాంక్షలు తెలియజేస్తున్నారు. ఇక సినిమా ఇండస్ట్రీకి సంబంధించిన సెలబ్రిటీలు కూడా పెద్ద ఎత్తున సోషల్ మీడియా వేదికగా అభినందనలు తెలియజేస్తున్న సంగతి తెలిసిందే. ఇలా సమంత రాజ్ ఎలాంటి సమాచారం ఇవ్వకుండా పెళ్లి చేసుకోవడంతో ఈ విషయం కాస్త ఇండస్ట్రీలోనూ ఇటు సోషల్ మీడియాలో కూడా హాట్ టాపిక్ గా మారింది. ఇక వీరిద్దరికి ఇది రెండవ వివాహం అనే సంగతి తెలిసిందే.

ఇద్దరికీ రెండవ పెళ్లి..

రాజ్ ఇదివరకు శ్యామలి దే అనే మహిళను వివాహం చేసుకున్నారు వీరి వివాహం 2015 వ సంవత్సరంలో జరిగింది. ఈ దంపతులకు ఒక కుమార్తె జన్మించారు. అయితే 2022వ సంవత్సరంలో వీరిద్దరూ వ్యక్తిగత భేదాభిప్రాయాలు కారణంగా విడాకులు తీసుకుని విడిపోయారు. ఇక సమంత కూడా నాగచైతన్యను 2017 వ సంవత్సరంలో పెళ్లి చేసుకుని 2021 వ సంవత్సరంలో విడిపోయిన సంగతి తెలిసిందే. దాదాపు ఏడు సంవత్సరాల పాటు నాగచైతన్య ప్రేమలో ఉన్న సమంత పెళ్లి అయిన మూడు సంవత్సరాలకే విడాకులు తీసుకొని విడిపోవడం గమనార్హం. ఇలా నాగచైతన్య నుంచి విడాకులు తీసుకున్న సమంత ప్రస్తుతం మరో దర్శకుడితో కలిసి కొత్త జీవితాన్ని ప్రారంభించారని చెప్పాలి.

Also Read: Kiran Abbavram: గుండె ముక్కలైంది..అన్న మరణం పై కిరణ్ అబ్బవరం ఎమోషనల్ పోస్ట్!