Raw Cat Meat : ఐదురోజులుగా ఆహారం లేదు.. ఆకలిబాధ భరించలేక ఏం చేశాడంటే..

Raw Cat Meat : కేరళలో దిగ్భ్రాంతికర ఘటన వెలుగులోకి వచ్చింది. కొన్ని రోజులుగా తిండిలేక ఆకలితో బాధపడుతున్న ఓ వ్యక్తి కడుపు మంట తీర్చుకోవడానికి చనిపోయిన పిల్లిని పీక్కుతింటూ కనిపించాడు. ఈ హృదయ విదారక దృశ్యం మలప్పురం జిల్లా కుట్టిపురం బస్టాండులో కనిపించడంతో స్థానికులు చూసి షాక్‌కి గురయ్యారు.

వెంటనే స్థానికులు పోలీసులకు సమాచారం అందించారు. వారు ఘటన స్థలానికి చేరుకుని ఆ యువకుడికి ఆహారం అందించి వివరాలు రాబట్టారు. పోలీసులు తెలిపిన వివరాల ప్రకారం.. అస్సాంలోని ధుబరీ జిల్లాకు చెందిన ఆ 27 ఏళ్ల యువకుడు అక్కడే ఓ కళాశాలలో చదువుతుండేవాడు. గతేడాది డిసెంబరులో ఇంట్లో నుంచి చెప్పకుండా రైల్లో కేరళకు వచ్చాడు.

డబ్బు లేకపోవడంతో ఐదురోజులుగా భోజనం చేయలేదని తెలిపారు. దీంతో ఆకలి బాధ తట్టుకోలేక చనిపోయిన ఓ పిల్లి కనిపించడంతో, దాని మాంసాన్ని పచ్చిగానే తింటూ స్థానికులకు కనిపించాడని చెప్పారు. పోలీసులు యువకుడి కుటుంబ సభ్యులను ఫోన్‌లో సంప్రదించి సమాచారం అందించారు. ఆ యువకుడిని ప్రభుత్వ మానసిక ఆసుపత్రి(Government Mental Hospital)లో చేర్పించినట్లు పోలీసులు వెల్లడించారు.

Join WhatsApp Channel

Share

• 
• 
• 
• 
• 
•