తమిళనాడులో యువత గెలిచింది.. విజయ్‌కు రాహుల్ గాంధీ అభినందనలు!

Rahul Gandhi: ఐదు రాష్ట్రాల ఎన్నికల ఫలితాల్లో కాంగ్రెస్ నేతృత్వంలోని యూడీఎఫ్ (UDF) కేరళలో ఘనవిజయం సాధించడంపై కాంగ్రెస్ అగ్రనేత రాహుల్ గాంధీ హ‌ర్షం వ్య‌క్తం చేశారు. తమిళనాడులో నటుడు విజయ్ నేతృత్వంలోని టీవీకే (TVK) పార్టీ సంచలన ఫలితాలు నమోదు చేయడంపై కృతజ్ఞతలు తెలిపారు. కేరళలో వచ్చిన స్పష్టమైన తీర్పు ప్రజా ఆకాంక్షలకు నిదర్శనమని ఆయన కొనియాడారు.

కేరళ గెలుపుపై స్పందిస్తూ.. “స్పష్టమైన మెజార్టీని అందించిన కేరళలోని నా సోదర సోదరీమణులకు హృదయపూర్వక ధన్యవాదాలు. ఈ విజయం కోసం అహర్నిశలు శ్రమించిన ప్రతి యూడీఎఫ్ నాయకుడికి.. కార్యకర్తకు నా అభినందనలు. నేను గతంలో చెప్పినట్లే కేరళకు అద్భుతమైన ప్రతిభ.. అపారమైన సామర్థ్యం ఉన్నాయి. ఇప్పుడు ఆ రెండింటిని సద్వినియోగం చేసుకునే దార్శనికత కలిగిన యూడీఎఫ్ ప్రభుత్వం అక్కడ ఏర్పడబోతోంది. త్వరలోనే నా కేరళ కుటుంబాన్ని కలుసుకోవడానికి వస్తున్నాను.” అని రాహుల్ గాంధీ పేర్కొన్నారు.

మరోవైపు తమిళనాడు రాజకీయాల్లో సంచలనం సృష్టించిన టీవీకే అధినేత విజయ్‌కు రాహుల్ గాంధీ ఫోన్ చేసి ప్రత్యేకంగా అభినందనలు తెలిపారు. “థిరు విజయ్‌తో మాట్లాడాను.. టీవీకే సాధించిన అద్భుతమైన ఫలితాలకు ఆయనను అభినందించాను. ఈ తీర్పు తమిళనాడులో పెరుగుతున్న యువత స్వరాన్ని ప్రతిబింబిస్తోంది. ఆ స్వరాన్ని ఎవరూ విస్మరించలేరు. తమిళనాడు.. పుదుచ్చేరిలో కాంగ్రెస్ కార్యకర్తలు చేసిన కృషికి నా ధన్యవాదాలు. ప్రజల ప్రయోజనాలను రక్షించడంలో.. వారికి సేవ చేయడంలో కాంగ్రెస్ పార్టీ ఎప్పుడూ ముందుంటుందని మరోసారి స్పష్టం చేస్తున్నాను.” అని ఆయన తన పోస్ట్‌లో రాసుకొచ్చారు.

I spoke to Thiru Vijay and congratulated him on TVK’s spectacular result.

This mandate reflects the rising voice of youth which cannot, and will not, be ignored.

My heartfelt thanks to the Congress workers of Tamil Nadu and Puducherry for their hard work and support.

I…

— Rahul Gandhi (@RahulGandhi) May 4, 2026

Thank you to my brothers and sisters in Keralam for a truly decisive mandate.

Congratulations to every UDF leader and worker for a hard-fought, well-run campaign.

As I said before, Keralam has the talent, Keralam has the potential and now Keralam has a UDF government with a…

— Rahul Gandhi (@RahulGandhi) May 4, 2026