Drive OTT : కొన్ని సినిమాలు అసలు ఎప్పుడు థియేటర్లలోకి వచ్చాయి, ఎప్పుడు పోయాయి అన్నది తెలియకుండానే వచ్చిపోతాయి. అలాంటి ఓ సినిమా ఇప్పుడు ఓటీటీలోనూ సైలెంట్ గా స్ట్రీమింగ్ అవుతోంది. అందులో ఆది పినిశెట్టి హీరో కావడం విశేషం. మరి ఈ మూవీ ఎక్కడ స్ట్రీమింగ్ అవుతోంది ? స్టోరీ ఏంటి ? అనే వివరాలను వివరంగా తెలుసుకుందాం పదండి.
‘అఖండ 2’తో పాటు ఆది పినిశెట్టి మరో సినిమా కూడా అదే రోజు విడుదలైంది. కానీ అది పెద్దగా గుర్తింపు పొందలేదు. ‘డ్రైవ్’ (Drive movie) అనే టైటిల్ తో తెరకెక్కిన ఈ తెలుగు సినిమా హీరో, నిర్మాతల నుండి కనీస ప్రమోషన్లు లేకపోవడంతో కనీసం బజ్ క్రియేట్ చేయలేకపోయింది. భవ్య క్రియేషన్స్ పై ఆనంద్ ప్రసాద్ నిర్మించిన ఈ రివెంజ్ డ్రామా నిశ్శబ్దంగా థియేటర్లలోకి వచ్చి, ఆడియన్స్ దృష్టిలో పడకుండానే సైడ్ అయిపోయింది. డిసెంబర్ 12 న ఈ సినిమా థియేటర్లలోకి వచ్చింది. ఇంట్రెస్టింగ్ విషయం ఏమిటంటే ‘అఖండ 2’లో ప్రతినాయకుడి పాత్రలో నటించాడు నటుడు ఆది పినిశెట్టి.
అలా విడుదలై నెలకూడా కాకుండానే ఇప్పుడు ఓటీటీలో స్ట్రీమింగ్ అవుతోంది. కనీసం డిజిటల్ స్ట్రీమింగ్ తో అయినా ఆడియన్స్ దృష్టిలో పడాలనే ఆశతో ‘డ్రైవ్’ ఇప్పుడు అమెజాన్ ప్రైమ్ వీడియో (Amazon Prime Video)లోకి వచ్చింది. ఆసక్తికరమైన విషయం ఏమిటంటే ఈ చిత్రం పాన్-ఇండియన్ ఓటీటీ మూవీగా విడుదలైంది. మూవీ హిందీ, తమిళం, కన్నడ, మలయాళ వెర్షన్లు కూడా స్ట్రీమింగ్కు అందుబాటులో ఉన్నాయి. అయితే థియేటర్లలో ఉన్నప్పుడు దీనిని చూసిన వారు ఈ చిత్రం నిస్తేజంగా, పెద్దగా ఆకర్షణీయంగా లేదని భావించారు.
Read Also : పబ్ లో మోడల్ హత్య… ఇంత ఓపెన్ గా మర్డర్ ఏంటి భయ్యా… ఈ క్రైమ్ డ్రామా క్లైమాక్స్ కేక
సైబర్ క్రైమ్స్, హ్యాకింగ్స్ నేపథ్యంలో ఈ మూవీ సాగుతుంది. మీడియా టైకూన్ జయదేవ్ రెడ్డి (ఆది పినిశెట్టి) ఒక జాతీయవాద సంస్థతో రహస్య ఒప్పందం కుదుర్చుకుని, తన కుటుంబంతో లండన్ వెళ్లాలని ప్లాన్ చేస్తాడు. ఒక హ్యాకర్ ఒప్పందాన్ని బయటపెట్టి జయదేవ్ జీవితాన్ని చిందరవందర చేసినప్పుడు పరిస్థితులు ఆందోళనకరంగా మారతాయి. హ్యాకర్ జయదేవ్ సన్నిహితులను లక్ష్యంగా చేసుకుంటూనే ఉంటాడు. ఈ హ్యాకర్ ఎవరు ? అతను జయదేవ్ వెంట ఎందుకు ఉన్నాడు ? ఈ వివాదం ఎలా ముగుస్తుంది ? అనేది ఈ చిత్రంలో చూసి తెలుసుకోవాల్సిందే.
జెనుస్ మొహమ్మద్ దర్శకత్వం వహించిన ఈ చిత్రంలో సత్యదేవ్, మడోన్నా సెబాస్టియన్, రాజా చెంబోలు, కమల్ కామరాజు, అనిష్ యోహాన్ కురువిల్లా కీలక పాత్రలు పోషించారు. ‘డ్రైవ్’ కు సీక్వెల్ ను ఇప్పటికే ప్రకటించారు. కానీ ఈ ప్రాజెక్ట్ ముందుకు సాగుతుందా ? లేదా నిశ్శబ్దంగా నిలిపివేస్తారా ? అనేది ఇంకా తెలియాల్సి ఉంది.
Share
Chris Gayle: నన్ను వేధించారు, ఏడ్పించారు..పంజాబ్ పై క్రిస్ గేల్ ఫైర్ !
Jagtial Crime: రూ. 12 వేల కోసం దారుణ హత్య.. తండ్రీకొడుకుల అరెస్ట్
