Action Thriller OTT : మార్షల్ ఆర్ట్స్, కామెడీ కలగలిపి ఉన్న ఒక జపనీస్ హారర్ సినిమా ఆడియన్స్ ని ఆకట్టుకుంటోంది. ఇందులో ఒక గ్యాంగ్ స్టర్ ఆత్మ, ఒక అమ్మాయి బాడీలోకి ఎంట్రీ ఇవ్వడంతో యాక్షన్స్ మరో లెవెల్ లో కి వెళ్తాయి. ఇందులో హీరోయిన్ అకారి టకైషికి జపాన్లో మంచి గుర్తింపు ఉంది. ఈ సినిమాలో ఆమ అమాయక కాలేజీ అమ్మాయిగా, ఒంట్లోకి దెయ్యం దూరినప్పుడు భయంకరమైన కిల్లర్ గా, రెండు రకాల షేడ్స్ చూపించాలి. అయితే ఈ రెండు వేరియేషన్లను ఆమె చాలా బాగా పండించింది. ఈ సినిమా జపాన్ లో సూపర్ హిట్ కూడా అయింది.
ఈ జపనీస్ యాక్షన్ హారర్ కామెడీ సినిమా పేరు ‘ఘోస్ట్ కిల్లర్’ (Ghost Killer). 2024లో వచ్చిన ఈ సినిమాను ప్రముఖ యాక్షన్ దర్శకుడు కెన్సుకే సోనోమురా తెరకెక్కించారు. ఈ దర్శకుడు జపాన్లో సూపర్ హిట్ అయిన ‘బేబీ అస్సాసిన్స్’ (Baby Assassins) సిరీస్ను తీశాడు. అందుకే ఈ సినిమాలో కూడా యాక్షన్ సీన్లు చాలా స్టైలిష్గా, ఫాస్ట్గా ఉంటాయి. ఇందులో అకారి టకైషి (ఫుమికా), మసనోరి మిమోటో (కుడో) లీడ్ రోల్స్ లో నటించారు. ఈ సినిమాలో గ్రాఫిక్స్ కంటే ఎక్కువగా మార్షల్ ఆర్ట్స్, గన్ ఫైట్స్ మీద ఫోకస్ పెట్టారు. దర్శకుడు సోనోమురా స్వతహాగా యాక్షన్ కొరియోగ్రాఫర్ కావడంతో, ఫైట్లు చాలా అద్భుతంగా అనిపిస్తాయి. ముఖ్యంగా అమ్మాయి బాడీతో ఒక ప్రొఫెషనల్ కిల్లర్ చేసే ఫైట్లు హైలైట్గా నిలుస్తాయి. 105 నిమిషాలు ఈ సినిమా prime video, apple tv లలో అందుబాటులో ఉంది.
ఫుమికా అనే ఒక కాలేజీ అమ్మాయి, తన పని తను చేసుకునే ఒక అమాయకపు అమ్మాయి. ఒకరోజు ఆమెకు అనుకోకుండా ఒక పాత బుల్లెట్ దొరుకుతుంది.. కానీ ఆ బుల్లెట్లో ‘కుడో’ అనే ఒక గన్ షూటర్ ఆత్మ దాక్కుని ఉందని ఆ అమ్మాయికి తెలియదు. ఆ కుడో మామూలోడు కాదు, ఒకప్పుడు పెద్ద గ్యాంగ్స్టర్ల దగ్గర కిరాయి హంతకుడిగా పని చేసిన వ్యక్తి. సొంత మనుషుల చేతిలోనే దారుణంగా చచ్చిపోయినోడు. ఇప్పుడు ఆ పాత పగ తీర్చుకోవడానికి ఆ పిల్లే వాడికి దిక్కవుతుంది. ఆ బుల్లెట్ పట్టుకోగానే కుడో ఆత్మ ఫుమికా ఒంట్లోకి దూరేస్తుంది. ఇక అప్పటినుంచి ఆ పిల్లి లాంటి అమ్మాయి పులిలా మారిపోతుంది.
ఇప్పుడు కుడో ఆత్మ ఆమె బాడీని కంట్రోల్ చేస్తూ, తనని చంపిన పాత గ్యాంగ్ మనుషుల్ని వెతికి వెతికి కొట్టడం మొదలెడతాడు. తుపాకులు పేల్చడం, కత్తులతో నరకడం, మార్షల్ ఆర్ట్స్ ఫైట్లు.. ఇవన్నీ ఆ అమ్మాయి బాడీతోనే కుడో చేసేస్తుంటాడు. పాపం ఆ అమ్మాయికి ఏం జరుగుతుందో అర్థం కాక అల్లాడిపోతూ ఉంటుంది. ఆ పాత గ్యాంగ్ వాళ్ళు కూడా తక్కువోళ్లేం కాదు, వాళ్ల దగ్గర కూడా పెద్ద పెద్ద గూండాలు ఉంటారు. కానీ ఈ దెయ్యం పట్టిన అమ్మాయిని తట్టుకోవడం వాళ్ల వల్ల కూడా కాదు. ఫుమికా అమాయకత్వం, కుడో పగ.. ఈ రెండిటి మధ్య జరిగే ఈ వింత పోరాటంలో ఆ గ్యాంగ్ని ఎలా మట్టి కరిపించారు అనేదే క్లైమాక్స్.
Read Also : హిట్ అండ్ రన్ కేసు వెనుక హీట్ ఎక్కించే బయో వార్ మిస్టరీ… ఫ్యూజులు అవుటయ్యే ఇన్వెస్టిగేషన్
Share
నిన్న ధురంధర్.. నేడు మహాకాళి.. అక్షయ్ ఖన్నా ప్లాన్ అదుర్స్!
జీహెచ్ఎంసీ ఎన్నికలకు సిద్ధంగా ఉండండి: రాంచందర్ రావు
